وزارت تعلیم کی تیزی سے بڑھتی ہوئی نادہندگی کے باوجود40 فیصد امتحانی مراکز اب بھی لوڈ شیڈنگ سے مستثنیٰ ہیں، کے الیکٹرک
جمعہ 4 اپریل 2014 21:43
کراچی (اُردو پوائنٹ اخبار تازہ ترین۔4اپریل۔2014ء) کے۔الیکٹرک نے ایک پریس بیان میں کہا ہے کہ وزارتِ تعلیم پربجلی کے بلوں کی مد میں واجبات 3 کروڑ 63 لاکھ روپے سے تجاوز کرچکے ہیں اور اس کے باوجود ادارے نے 40 فیصد امتحانی مراکز کو لوڈ شیڈنگ سے مستثنیٰ رکھا ہوا ہے۔ اس حقیقت کے مد نظر کہ یہ امتحانی مراکز شہر کی پوری حدود میں پھیلے ہوئے ہیں ،لہٰذا100 فیصد امتحانی مراکز کا بجلی کی لوڈ شیڈنگ سیمستثنیٰ عملی طور پر ممکن نہیں ہے۔
مزید برآں، چونکہ 60 فیصد امتحانی مراکز ایسے علاقوں میں قائم ہیں جہاں فیڈرز پر بجلی کی چوری/ نقصانات کی شرح بہت زیادہ ہے جس کی اہم وجہ وہاں بجلی کے بلوں کی عدم ادائیگی اور غیر قانونی طریقے سے بجلی کا حصول، اور کچھ صورتوں میں تو دونوں ہی باتیں ہیں ۔(جاری ہے)
درج بالا مذکورہ رکاوٹوں کے باوجود ، کے ای چونکہ ان طالبعلموں کی ضروریات سے آگاہ ہے جو ان امتحانی مراکز میں اپنا میٹرک کا امتحان دے رہے ہیں، لہٰذا 40 فیصد امتحانی مراکز میں امتحانات کے اوقات میں پہلے سے طے شدہ مقررہ لوڈ شیڈنگ بھی نہیں کی جاتی۔
کے ای نے تعلیمی حکام پر زور دیا کہ وہ اپنے بجلی کے طویل عرصے کے واجبات کی فوری طور پر ادائیگی کریں اور امتحانی امیدواروں سے متعلقہ اپنی ذمہ داریاں پوری کریں۔ کے ای نے اس جانب اشارہ کیا کہ شہری اور صوبائی حکومتوں کے 1400سے زائد تعلیمی اداروں کے بجلی کے کنکشنز پر 3کروڑ 63 لاکھ روپے سے زائد کے واجبات ہیں۔ اتنی بڑی نادہندگی کے ساتھ، یہ بات انتہائی غیر حقیقی ہے کہ ان محکموں کی جانب سے بجلی کی لوڈ شیڈنگ سے مستثنیٰ رکھے جانے کا مطالبہ کیا جائے۔ تاہم ، ایک ذمہ دار ادارہ ہونے کے باعث کے ای نے خود قدم آگے بڑھایا اور ان امتحانی مراکز میں جہاں تک ممکن ہو سکتا ہے بجلی کی ترسیل کو یقینی بنایا ہے۔کے ای نے کہا کہ تعلیمی اداروں کی جانب سے بجلی کے بلوں کی عدم ادائیگی اپنے ان طالبعلموں سے بھی انتہائی ناانصافی ہے جو مشکل صورتحال میں امتحانات دے رہے ہیں۔ کے ای نے کہا کہ ریاستی انتظامات کے تحت چلنے والے ان محکموں کو اپنی ذمہ داریوں کا احساس کرتے ہوئے غیر ادا شدہ بلوں کی ادائیگی کرنے کی ضرورت ہے۔ کے ای طلباء کے نقطہء نظر سے صورتحال کو سمجھتی ہے، لیکن اس صورتحال کی مکمل ذمہ داری صرف ان تعلیمی اداروں اور صوبائی و وفاقی حکومتوں پر ہے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.