پاکستان تحریک انصاف کا گلگت بلتستان اورآزادکشمیرمیں پارٹی کومنظم کرنے کافیصلہ ،اس حوالے سے آئندہ چندروزمیں باقاعدہ تنظیم سازی مہم شروع کردی جائے گی
بدھ 2 اپریل 2014 00:51
اسلام آباد(اُردو پوائنٹ اخبار تازہ ترین۔2اپریل۔2014ء) پاکستان تحریک انصاف نے گلگت بلتستان اورآزادکشمیرمیں پارٹی کومنظم کرنے کافیصلہ کیاہے اوراس حوالے سے آئندہ چندروزمیں باقاعدہ تنظیم سازی مہم شروع کردی جائے گی جبکہ تحریک انصاف کے رجسٹرڈممبران میں پارٹی کے نظریات پرعملدرآمدکیلئے بھی آگاہی مہم شروع کرنے کافیصلہ کیاگیاہے اوراس مقصدکیلئے پارٹی منشوروپارٹی نظریات پرعملدرآمدکیلئے ہرضلع میں کمیٹیاں بنائی جائیں گی جبکہ خیبرپختونخواہ کے پسماندہ علاقوں میں تعلیم وترقی کیلئے بھی نئے پروگرام شروع کئے جائیں گے۔
تفصیلات کے مطابق بدھ کے روز چیئرمین تحریک انصاف عمران خان کی زیرصدارت ہونے والے پارٹی کے مرکزی مجلس عاملہ کے اجلاس میں اہم فیصلے کئے گئے ہیں ۔(جاری ہے)
ذرائع کے مطابق تحریک انصاف خیبرپختونخواہ میں بننے والے فاروڈبلاک کے معاملہ پرمجلس عاملہ کے اجلاس میں غوروخوض کیاگیا۔ذرائع کے مطابق پارٹی کے سینئررہنماوٴں نے عمران خان کومشورہ دیاہے کہ تحریک انصاف کوصرف خیبرپختونخواہ تک محدودنہ رکھاجائے بلکہ آزادکشمیراورگلگت بلتستان میں بھی دوبارہ سے تنظیم سازی مہم شروع کی جائے اوران علاقوں میں پارٹی کومزیدفعال کیاجائے کیونکہ گلگت بلتستان اورآزادکشمیرمیں پڑھے لکھے نوجوانوں کی تعدادکہیں زیادہ ہے اوروہ تحریک انصاف کوپسندبھی کرتے ہیں جس کے باعث پارٹی جلدمقبولیت حاصل کرلے گی۔
ذرائع کے مطابق عمران خان نے پارٹی رہنماوٴں کی اس تجویزسے اتفاق کیاہے کہ اوراس بات کافیصلہ کیاگیاہے کہ آئندہ چندروزمیں مذکورہ دونوں علاقوں میں بھرپورطریقے سے تنظیم سازی مہم شروع کی جائے گی ۔مجلس عاملہ کے اجلاس میں خیبرپختونخواہ کے پسماندہ علاقوں کے حوالے سے بھی غورکیاگیااورعمران خان نے خیبرپختونخواہ حکومت پرزوردیاکہ ان پسماندہ علاقوں پرخصوصی توجہ دی جائے اوریہاں تعلیم کے ساتھ ساتھ ترقیاتی منصوبے شروع کئے جائیں تاکہ عوام کامعیارزندگی بہتربنایاجاسکے ۔ذرائع کے مطابق فاروڈبلاک بننے کے بعداس بات پربھی غورکیاگیاکہ پارٹی کے ساتھ نظریاتی الحاق اورپارٹی کے نظریئے ومنشورپرعملدرآمدکیلئے بھی باقاعدہ ٹریننگ کاآغازکیاجائے جس سے عمران خان نے اتفاق کیاہے اوراس مقصد کیلئے جلداقدامات اٹھائے جائیں گےمتعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.