غیرملکی سرمایہ کار پاکستان کی ترقی سے فائدہ اٹھانا چاہتے ہیں، نواز شریف

منگل 1 اپریل 2014 12:50

اسلام آ باد(اُردو پوائنٹ تازہ ترین اخبار۔ 1اپریل 2014ء) وزیراعظم نواز شریف کا کہنا ہے کہ حکومت کے غیر معمولی اقدامات کی وجہ سے غیر ملکی سرمایہ کار پاکستان کی اقتصادی ترقی سے فائدہ اٹھانا چاہتے ہیں۔

(جاری ہے)

اسلام آباد میں ترک کمپنیوں کے وفود سے ملاقات میں وزیراعظم نواز شریف کا کہنا تھا کہ موجودہ حکومت نے غیر ملکی سرمایہ کاروں کو سرمایہ کاری کے لئے دوستانہ ماحول فراہم کیا، ملکی معیشت بالخصوص توانائی اور انفرااسٹرکچر کے شعبے وسائل سے مالا ہیں۔

وزیراعظم کا کہنا تھا کہ حکومت کی اقتصادی پالیسیوں کے مثبت نتائج آنا شروع ہو گئے ہیں، حکومتی اقدامات کی وجہ سے غیرملکی سرمایہ کاروں نے مختلف شعبوں میں سرمایہ کاری میں دلچسپی ظاہر کر رہے ہیں۔ وزیراعظم نواز شریف کا کہنا تھا کہ پاکستان میں عالمی معیار کے ایئرپورٹس بنانے کے خواہش مند ہیں، ایئر پورٹس مینیجمنٹ کے لیے شفاف عمل شروع کر دیا گیا ہے اور اس حوالے سے ترکی سمیت عالمی کمپنیوں کو بھی مقابلے میں حصہ لینے کی دعوت دی جائے گی۔