کوئٹہ(اُردو پوائنٹ اخبار تازہ ترین۔29مارچ۔2014ء) بلوچستان اسمبلی کے ہفتے کے روز اجلاس میں مختلف چار قراردادیں ایوان میں پیش کی گئی جن میں 4 قرار دادوں میں سے ایوان نے 3 قرار دادیں منظور کرلی جبکہ ایک قرار داد کو وزیراعلیٰ بلوچستان ڈاکٹر عبدالمالک بلوچ کی یقین دہانی پر اسپیکر پینل کی رکن اور جمعیت علماء اسلام کی رکن صوبائی اسمبلی محترمہ حسن بانو رخشانی نے نمٹا دی۔
(جاری ہے)
تفصیلات کے مطابق ہفتہ کو
بلوچستان اسمبلی کا اجلاس چیئرمین آف پینل کی رکن صوبائی
اسمبلی حسن بانو رخشانی کی صدارت میں تلاوت کلام پاک سے شروع ہوا اجلاس میں صوبائی وزیر خوراک میر اظہار خان کھوسہ وزیراعلیٰ
بلوچستان کے مشیر زکواة وعشر میر عبدالماجد ابڑو مسلم لیگ ن کے رکن صوبائی
اسمبلی نوابزادہ طارق مگسی میر عاصم کرد گیلو راحت بی بی جمالی کی مشترکہ قرار داد نمبر29ایوان میں پیش کرتے ہوئے رکن
اسمبلی حاجی محمد خان لہڑی نے کہا ہے کہ عصر حاضر میں کسی بھی معاشرے کی معراج بلواسطہ اعلیٰ
تعلیم سے وابستہ ہے دوسری جانب ہماری صوبائی حکومت بھی تعلیمی افادیت سے مخلص ہونے کے پیش نظر
تعلیم ترقی کو اولین ترجیح دے رہی ہے اور صوبے میں اعلیٰ
تعلیم کے ادارے ایک وسیع و عریض صوبے کے پھیلے ہوئے دور دراز علاقوں میں واقع ہونے کی بناء پر صوبے کے عوام کی بھاری اکثریت اعلیٰ
تعلیم سے محروم ہے جس کی مثال نصیر آباد ڈویژن ہے ڈیرہ مراد جمالی جھل مگسی اوستہ محمد ڈیرہ اللہ یار گنداواہ جعفر آباد بولان اور ضلع صحبت پور پر مشتمل علاقے دیگر ڈویژنوں کی نسبت خوشحال ڈویژن ہے مگر بد قسمتی سے وہاں کے طلباء اعلیٰ
تعلیم کے ذرائع نہ ہونے کی وجہ سے اعلیٰ
تعلیم سے محروم ہیں لہٰذا
تعلیم کے عصری تقاضوں کی روشنی میں یہ ایوان صوبائی حکومت سے سفارش کرتا ہے کہ نصیر آباد ڈویژن میں فوری طور پر یونیورسٹی کیمپس کا قیام عمل میں لایا جائے قرار داد پر اظہار خیال کرتے ہوئے محمد خان لہڑی نے کہا کہ نصیر آباد ڈویژن میں اعلیٰ
تعلیم کی سہولیات نہ ہونے کی وجہ سے غریب طلباء حصول علم سے محروم ہیں جس پر چیئرمین آف پینل کی رکن حسن بانو نے کہاکہ
تعلیم کیلئے قرار داد بھی وفاق کو بھیجنی پڑتی ہے حالانکہ یہ صوبائی حکومت کا اختیار ہے کہ وہ تعلیمی ادارے قائم کرے رکن
اسمبلی میر عاصم کرد گیلو نے کہاکہ نصیر آباد ڈویژن وسیع و عریض علاقے پر مشتمل ہے مگر دوسرے ڈویژنوں کی نسبت یہاں پر تعلیمی سہولیات کا فقدان ہے اگر وہاں پر تعلیمی سہولیات فراہم کی جائیں تو شرح
تعلیم میں دو گنا اضافہ ہوجائیگا میر عبدالکریم نوشیرانی نے کہاکہ وزیراعلیٰ ڈاکٹر عبدالمالک بلوچ جب وزیر
تعلیم تھے تو انہوں نے تعلیمی اداروں کے قیام پر خصوصی توجہ دی تھی مگر صرف عمارتوں کی تعمیر سے شرح
تعلیم میں اضافہ نہیں ہوگا ماضی میں سکولوں کی عمارتیں قائم کی گئیں مگر وہاں پر اساتذہ تعینات نہ ہونے کی وجہ سے وہاں کے معتبرین نے سکولوں کو ذاتی مقاصد کیلئے استعمال کیا اس وقت بھی صوبے میں جے ای ٹی کی 7 ہزار آسامیاں اور کالجوں میں لیکچراروں کی 7 سو آسامیاں خالی ہیں فوری طور پر ان آسامیوں کو پر کیا جائے رکن
اسمبلی شاہدہ رؤف نے کہاکہ بجٹ میں
تعلیم کیلئے فنڈز میں کئی گنا اضافہ کیا گیا ہے اور اب آئندہ سال کے بجٹ کی تیاری کا موقع آیا ہے بجٹ کی تیاری سے قبل وزیراعلیٰ تمام ارکان کا اجلاس بلا کر بتائیں کہ تعلیمی فنڈ کہاں استعمال کئے گئے رکن صوبائی
اسمبلی ولیم برکت نے حسن بانو کو اجلاس کی صدارت کرنے پر مبارکباد دیتے ہوئے کہاکہ نصیر آباد ڈویژن
بلوچستان کی معیشت میں ریڑھ کی ہڈی کی حیثیت رکھتا ہے اہم زرعی اور تجارتی علاقہ ہے وہاں شرح
تعلیم بھی زیادہ ہے یونیورسٹی کیمپس کے قیام سے شرح
تعلیم میں اضافہ ہوگا ہینڈری بلوچ نے کہاکہ نصیر آباد ڈویژن میں اقلیتوں کی بہت بڑی تعداد آباد ہے زرعی حوالے سے انتہائی اہم ہے مگر تعلیمی پسماندگی کا شکار ہے یونیورسٹی کیمپس کا قیام وقت کی اہم ضرورت ہے اپوزیشن لیڈر مولانا عبدالواسع نے کہاکہ ہم قرار داد کی حمایت کرتے ہیں مگر یہ بات حیران کن ہے کہ حکومت میں شامل وزراء کی جانب سے قرار داد کے ذریعے یونیورسٹی کیمپس کے قیام کا مطالبہ کیا جارہا ہے جس سے یہ محسوس ہوتا ہے کہ اتحادی جماعتوں کے درمیان نظم و ضبط نہیں جس کی وجہ سے حکومتی ارکان بھی اپوزیشن ارکان کی طرح ایوان میں قرار دادیں لارہے ہیں انہوں نے کہاکہ نصیر آباد میں یونیورسٹی کیمپس کیساتھ دیگر تعلیمی ادارے بھی قائم ہونے چاہئیں انہوں نے کہاکہ صوبائی حکومت
تعلیم کے فروغ کی بات تو کرتی ہے اور پی ایس ڈی پی میں عمارتوں کی تعمیر کیلئے فنڈز رکھنے کا ذکر تو ہے مگر اساتذہ کی تعیناتی کے حوالے سے کوئی اقدامات نہیں انہوں نے کہاکہ محسوس ہورہا ہے کہ
تعلیم کے مختص فنڈز میں بندر بانٹ ہورہی ہے ایوان نے یہ قرار داد متفقہ طور پر منظور کرلی اجلاس میں صوبائی وزیر نواب محمد خان شاہوانی نے رحمت صالح بلوچ میر خالد لانگو اور مجیب الرحمان محمد حسنی کی مشترکہ قرار داد نمبر30 پیش کرتے ہوئے کہاکہ یہ ایوان صوبائی حکومت سے سفارش کرتا ہے کہ گذشتہ دور حکومت میں اربوں روپوں کی سکیمیں جو مختلف اضلاع میں سڑکوں کے نام پر کاغذی حد تک موجود ہیں اور زمین پر کچھ نظر نہیں آتا گزشتہ دور حکومت میں مختلف طریقوں سے عوامی امانت فنڈز کو بے دردی سے لوٹا گیا اور مختلف ٹھیکیداروں کے نام پر ٹینڈر کرواکر پیسے نکوالے گئے اور کوئی بھی کام نہیں ہوا اس ریکارڈ توڑ کرپشن سے صوبے کی بدنامی کیساتھ ساتھ عوام میں مایوسی اور بے چینی پائی جاتی ہے لہٰذا اس بے چینی کو دور کرنے کیلئے مختلف تحقیقاتی اداروں کے ذریعے کرپشن کی انتہائی فوری تحقیقات کرائی جائیں اور ذمہ داروں کو پابند کیا جائے کہ تمام نا مکمل سکیموں کو مکمل کیا جائے اس موقع پر وزیر داخلہ میر سرفراز بگٹی نے کہا کہ اس قرار داد میں بہت سی چیزیں ہیں جن کو درست کرنا ہے ہم یہ نہیں کہتے کہ کرپٹ عناصر کی نشاندہی نہ کی جائے اور ان کیخلاف کارروائی نہ کی جائے مگر اس کارروائی میں پوری سابق حکومت کا نام استعمال کیا گیا جو کرپٹ ہیں ان کیخلاف کارروائی کی جائے سب کو مورد الزام نہ ٹھہرایا جائے صوبائی وزیر رحمت بلوچ نے کہا کہ ایک تاثر ہے کہ صوبے میں حکومت کی رٹ نہیں حکومت نے قوانین بنائے ہیں مگر ماضی میں کرپشن ہوئی ہے منصوبوں کے پیسے وزراء کی جیبوں میں جاتے رہے میرے حلقے میں سڑکوں کی تعمیر کے نام پر پتھر لاکر پھینک دیئے گئے ہیں جس سے عوام کی مشکلات میں اضافہ ہوا ہے اکثر ٹھیکے وزراء نے منظور کرواکر اپنے بھائیوں اور رشتہ داروں کو ٹھیکے دیئے گئے سابق وزراء نے دنیا کے مختلف ممالک میں جائیدادیں بنالی ہیں اس موقع پر ڈپٹی سپیکر نے کہاکہ یہ صوبائی حکومت کا معاملہ ہے وزیراعلیٰ اس سلسلے میں اقدامات کررہے ہیں وزیراعلیٰ
بلوچستان ڈاکٹر عبدالمالک بلوچ نے کہاکہ یہ قرار داد صوبائی حکومت سے متعلق ہے اور صوبائی حکومت کام کررہی ہے 300 کیسز اینٹی کرپشن اوروزیراعلیٰ انسپکشن ٹیم کے حوالے کردیئے گئے ہیں جن کی تحقیقات ہورہی ہے ذمہ داروں کا تعین ہونے پر کارروائی ہوگی صوبائی وزیر عبدالرحیم زیارتوال نے کہاکہ ایوان کے اپنے رولز ہیں ارکان کو انہیں سمجھنا چاہیے اور رولز کو پڑھنا چاہیے تاکہ غلطی نہ ہو تاہم وزیراعلیٰ نے یقین دہانی کرادی ہے اور محرک بھی زور نہیں دے رہے لہٰذا اس پر بات نہیں ہونی چاہیے وزیراعلیٰ کی یقین دہانی اور محرک کے زور نہ دینے پر ڈپٹی سپیکر نے قرار داد نمٹا دی اجلاس میں صوبائی وزیر ڈاکٹر حامد خان اچکزئی نے سردار مصطفی خان ترین عبیداللہ بابت مجید اچکزئی نصر اللہ زیرے اور منظور کاکڑ کی قرار داد ایوان میں پیش کرتے ہوئے کہاکہ اس حقیقت سے کسی ذی شعور کا انکار ممکن نہیں کہ ضلع قلعہ عبداللہ بالخصوص پوست کی پیداوار کے مشہور جبکہ صوبے کے دیگر علاقوں میں ڈرگ کی کھلم کھلا کاروبار جاری ہے صوبے کی معاشی معاشرتی اور امن و امان کی صورتحال کو متاثر کئے بغیر نہیں رہ سکتا وہاں صوبے کی نوجوان نسل پر تباہ کن منفی اثرات پڑنا ایک فطری عمل ہے دوسری جانب یہ حیرت زدہ حقیقت بھی کسی سے پوشیدہ نہیں کہ ضلع قلعہ عبداللہ میں ہزاروں ایکڑ پر مشتمل بلا خوف و خطر نہ صرف پوست کی کاشتکاری کی جارہی ہے بلکہ اس وقت ضلع میں کم و بیش 120 چھوٹے بڑے چرس کے کارخانے چرس تیار کرنے میں مصروف ہیں اور یہ سب کچھ عوام کے شدید احتجاجی ردعمل کے باوجود ضلع کی پولیس ایف سی اور اینٹی نارکوٹیکس فورس یہاں کہ فوج کی موجودگی میں ہورہا ہے لہٰذا یہ ایوان صوبے کے بہترین مفاد میں صوبائی حکومت سے سفارش کرتا ہے کہ صوبے کے تمام علاقوں میں پوست کی کاشت فوری طور پر تلف کرنے کیساتھ ساتھ ڈرگ مافیا کیساتھ کسی بھی مصلحت کو خاک میں ملائے بغیر فوری طور پر کارروائی کی جائے نیز ضلع قلعہ عبداللہ میں موجود چرس کے کارخانوں کو اکھاڑ پھینکنے کے عمل کو یقینی بنایا جائے اس موقع پر ڈپٹی سپیکر نے کہاکہ یہ جس نوعیت کی قرار داد ہے اس میں صوبائی حکومت خود کارروائی کرسکتی ہے صوبائی وزیر ڈاکٹر حامد خان اچکزئی نے کہاکہ اس میں شاید ہماری یا پھر
اسمبلی سیکرٹریٹ کی غلطی سے اینٹی نارکوٹکس فورس کا ذکر نہیں آیا کیونکہ اینٹی نارکوٹکس فورس ہی ذمہ دار ادارہ ہے جو کارروائی کرتا ہے اور یہ صوبائی حکومت کے ماتحت نہیں بلکہ وفاقی حکومت کے ماتحت ہے صوبائی مشیر عبیداللہ بابت نے کہاکہ یہ اہم قرار داد ہے اپریل کے مہینے میں پوست کی کٹائی ہوتی ہے لہٰذا اس حوالے سے فوری کارروائی ہونی چاہیے انہوں نے کہاکہ نہ صرف قلعہ عبداللہ بلکہ میرے ضلع لورالائی سمیت صوبے کے مختلف علاقوں میں پوست کی کاشت کی جارہی ہے کوئٹہ کے سٹی نالے میں منشیات کا سرعام کاروبار ہے اب تو خواتین بھی اس لعنت کا شکار ہورہی ہیں اینٹی نارکوٹکس فورس کے پاس تمام وسائل موجود ہیں اسے فوری کارروائی کرنی چاہیے صوبائی وزیر رحمت بلوچ نے کہا کہ ماضی میں یہاں یہ باتیں کی جاتی رہیں کہ منشیات کی کاشت یہاں ہوگی مگر استعمال یورپ میں ہوگا مگر ہم نے دیکھا کہ ہمارے اپنے بچے منشیات سے متاثر ہورہے ہیں منشیات کی کاشت کو حرام قرار دینے والے سر عام مدارس کو چندہ دیتے رہے ہیں ہمیں منشیات فروشوں کیخلاف کارروائی کیساتھ ساتھ ان کا سوشل بائیکاٹ بھی کرنا ہوگا سردار عبدالرحمان کھیتران نے کہاکہ میں دعویٰ سے کہتا ہوں کہ میرے ضلع میں پوست کی کوئی کاشت نہیں کی جاتی ثابت کیا جائے تو
اسمبلی کی رکنیت چھوڑ دوں گا انہوں نے کہاکہ یہاں دوستوں نے کہاکہ علماء کرام منشیات کیخلاف فتویٰ دیں حالانکہ قرآن میں منشیات کو حرام قرار دیا گیا ہے جس کے بعد فتویٰ کی ضرورت نہیں انہوں نے کہاکہ اس قرار داد میں کہا گیا ہے کہ دیگر اداروں کیساتھ فوج کی موجودگی میں منشیات کا کاروبار ہورہا ہے یہ بالکل غلط ہے فوج سرحدوں کی حفاظت کررہی ہے جنرل ثناء اللہ نیازی اور دیگر نے ملک کیلئے قربانی دی منشیات کا خاتمہ کرنا حکومت کی ذمہ داری ہے صرف قلعہ عبداللہ بلکہ صوبے میں جہاں جہاں منشیات کاشت کی جاتی ہیں وہاں پر کارروائی کی جائے اپوزیشن حکومت کیساتھ ہے ڈاکٹر حامد خان اچکزئی نے کہاکہ یہ قرار داد انتہائی اہمیت کی حامل ہے اپوزیشن سے کہتے ہیں کہ اس سلسلے میں تعاون کریں انہوں نے کہاکہ شاید دوستوں نے قرار داد کو غور سے نہیں پڑھا قرار داد میں قلعہ عبداللہ ہی نہیں بلکہ پورے صوبے کی بات کی گئی ہے انہوں نے کہاکہ قلعہ عبداللہ میں تمام فورسز کی موجودگی میں پوست کی کاشت کی جاتی ہے گلستان میں ایف سی کے قلعے کے قریب ہی چرس کی فیکٹریاں موجود ہیں یہ ایک انتہائی سنجیدہ معاملہ ہے انہوں نے کہاکہ افغان انقلاب کو ناکام بنانے کیلئے جہاں دنیا بھر کے وسائل استعمال ہوئے وہاں پر منشیات کی کاشت کو بھی اس مقصد کیلئے استعمال کیا گیا افغانستان کو اجاڑنے کیلئے منشیات کے کاروبار کو شروع کیا گیا اور اس کا خمیازہ ہم بھگت رہے ہیں ماضی میں پوست کی کاشت کے حوالے سے جو فتویٰ آیا وہ بھی کسی سے پوشیدہ نہیں پوست کی کاشت کو درست اور اس کے استعمال کو غلط قرار دیا گیا تھا اب حالات تبدیل ہورہے ہیں ہم
جمہوریت کی طرف جارہے ہیں یو این او نے چند سال قبل منشیات کی لعنت کے خاتمے کیلئے ہیلی کاپٹر اور گاڑیاں فراہم کی تھیں مگر کوئی عملی اقدامات نہیں کئے گئے انہوں نے کہاکہ پوست کی کاشت روکنا اے این ایف کی ذمہ داری ہے اور اے این ایف صوبائی حکومت کے ماتحت نہیں اس لئے اس قرار داد کے ذریعے وفاق سے مطالبہ کرتے ہیں کہ اس سلسلے کو روکا جائے صوبائی وزیر عبدالرحیم زیارتوال نے کہاکہ اے این ایف وفاق کا ادارہ ہے جو قرار داد لائی گئی ہے اس میں کچھ چیزوں کو ٹھیک کرنے کی ضرورت ہے بنیادی طور پر اس قرار داد کے ذریعے صوبائی حکومت وفاق سے رجوع کرے گی اور مطالبہ کرینگے کہ چونکہ اے این ایف وفاقی ادارہ ہے اور اس کا سربراہ ایک بریگیڈیئر ہے لہٰذا وفاقی حکومت اسے قرار کرے کہ وہ پوست کی فصل کو تلف کریں اس سلسلے میں صوبائی حکومت کی ذمہ داری بنتی ہے کہ وہ اسے فورس فراہم کرے اے این ایف کے مطالبے پر ہم اسے تمام فورس فراہم کرینگے انہوں نے کہاکہ گذشتہ 35 سال سے پوست کی کاشت ہوتی رہی ہے یہ بات کسی سے ڈھکی چھپی نہیں ہے انہوں نے زور دیا کہ اس قرار داد کو منظور کیا جائے ایوان میں ترمیم کیساتھ قرار داد منظور کرلی گئی اجلاس میں سردار مصطفی ترین سردار رضا محمد بڑیچ نصر اللہ زیرے منظور احمد خان کاکڑ رحمت صالح بلوچ نوابزادہ محمد خان شاہوانی خالد لانگو اور فتح بلیدی کی قرار داد کو پیش کرتے ہوئے رحمت بلوچ نے کہاکہ کوئٹہ کی آبادی 30 لاکھ تک پہنچ چکی ہے ماضی میں ہمیشہ شہر کو نظر انداز کیا گیا دیگر مسائل کیساتھ ساتھ شہر کی سڑکیں زیادہ آبادی اور ٹریفک کی وجہ سے اکثر بند رہتی ہیں خاص طور پر سریاب روڈ مشرقی و مغربی بائی پاس پر ٹریفک جام رہتا ہے لہٰذا یہ ایوان صوبائی حکومت سے سفارش کرتا ہے کہ سریاب روڈ مشرقی و مغربی پاس روڈ کو ڈبل کرنے کیلئے اقدامات کرے قرار داد پر نصر اللہ زیرے سردار عبدالرحمان کھیتران سردار مصطفی خان ترین سرفراز ڈومکی عبیداللہ بابت پرنس احمد علی ڈاکٹر شمع اسحاق و دیگر نے اظہار خیال کیا ایوان میں یہ قرار داد متفقہ طور پر منظور کرلی جس کے بعد سپیکر نے اجلاس 31 مارچ کو دن ساڑھے 3 بجے تک ملتوی کردیا ۔
