وزیراعلیٰ پنجاب کی زیر صدارت اجلاس، معاشی ترقی کے اہداف کے حصول کیلئے پنجاب بزنس کونسل تشکیل دینے کی تجویز پرغور،معاشی ترقی کے اہداف کے حصول کیلئے متعلقہ اداروں کی استعدادکار میں اضافہ ضروری ہے،حکومت نے اس مقصد کیلئے موثر اقدامات کئے ہیں،ہنر مند افرادی قوت معاشی ترقی میں اہم کردار ادا کرتی ہے،صوبے میں ہنرمند افرادی قوت کی تیاری کے جامع پروگرام پر عمل پیرا ہے،پاکستان حلال پراڈکٹس کی برآمدات بڑھا کر کثیر زرمبادلہ کما سکتا ہے‘ وزیراعلیٰ محمد شہبازشریف کا اجلاس سے خطاب
جمعہ 28 مارچ 2014 21:41
لاہور (اُردو پوائنٹ اخبار تازہ ترین۔28مارچ۔2014ء) وزیراعلیٰ پنجاب محمد شہبازشریف نے کہاہے کہ معاشی ترقی کے اہداف کے حصول کے لئے متعلقہ اداروں کی استعداد کار میں اضافہ ضروری ہے، پنجاب حکومت نے اس مقصد کے لئے ٹھوس اقدامات کئے ہیں ، ادارو ں کی استعداد کار بڑھانے کیلئے انفارمیشن ٹیکنالوجی کو فروغ دیا گیاہے اور معاشی ترقی کے لئے مارکیٹ کی ضروریات کے مطابق ہنرمند افرادی قوت کی تیاری پر خصوصی توجہ مرکوز کی گئی ہے،جنوبی پنجاب کے 4اضلاع سے شروع کئے گئے سکل ڈویلپمنٹ پروگرام کا دائرہ کار 18اضلاع تک بڑھایا گیاہے۔
ان خیالات کا اظہار انہوں نے جمعہ کے روز ایک اعلیٰ سطح کے ا جلاس کی صدارت کرتے ہوئے کیا۔ صوبائی وزیر صنعت چوہدری محمد شفیق،ایم پی اے ڈاکٹر عائشہ غوث پاشا،مشیرڈاکٹر اعجاز نبی،چیئرمین منصوبہ بندی و ترقیات، منیجنگ ڈائریکٹر پنجاب میٹروبس اتھارٹی، سیکرٹری انڈسٹری اور دیگر متعلقہ حکام نے اجلاس میں شرکت کی ۔(جاری ہے)
اجلاس میں صوبے میں معاشی ترقی کے اہداف کے حصول کے لئے پنجاب بزنس کونسل تشکیل دینے کی تجویز پر غور کیا گیا اور پنجاب میں معاشی و صنعتی ترقی میں اضافے کے لئے متعدد تجاویز کا جائزہ لیا گیا۔
وزیراعلیٰ محمد شہبازشریف نے ا جلاس سے خطاب کرتے ہوئے کہاکہ ہنر مند افرادی قوت معاشی ترقی میں اہم کردار ادا کرتی ہے۔ پنجاب حکومت ہنر مند افرادی قوت کی تیاری کے جامع پروگرام پر عمل پیرا ہے اس مقصد کے لئے پنجاب میں سکل ڈویلپمنٹ فنڈ قائم کیا گیا ہے جس کے تحت ہزاروں بچوں کو مختلف فنون کی تربیت دی گئی ہے۔ انہوں نے کہاکہ حلال مصنوعات کی دنیا میں بہت زیادہ مانگ ہے ، پاکستان حلال پراڈکٹس کی برآمدات بڑھا کر کثیر زر مبادلہ کما سکتاہے۔انہو ں نے کہاکہ لاہور میں 2ارب روپے کی لاگت سے جدید سلاٹرہاؤس قائم کیا گیاہے اورا یسے ہی سلاٹر ہا ؤس دیگر شہروں میں بھی قائم کئے جائیں گے۔ انہو ں کہاکہ پنجاب میں لائٹ انجینئرنگ اور تعمیرات کے شعبوں میں بھی بہت زیادہ پوٹینشل موجود ہے۔ حکومت ان دونو ں شعبوں کو ترقی دینے کے لئے ہر ممکن ا قدام اٹھائے گی۔ وزیراعلیٰ نے ہدایت کہ مختلف شعبوں میں ترقی کے اہداف حاصل کرنے کے لئے سفارشات کو جلد حتمی شکل دی جائے۔مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.