بلوچستان بدامنی کیس، جبری گمشدگیوں میں 2 اہلکاروں کیخلاف شواہد ملے ہیں، وکیل ایف سی کا سپریم کورٹ میں بیان ،ٹیلی فون پر ملاقاتوں کی ماضی میں کوئی مثال نہیں ملتی، آپ چاہتے ہیں ہم چیف سیکریٹری کو شوکاز جاری کریں؟ جسٹس امیر ہانی مسلم ،لوگ مررہے ہیں اور چیف سیکرٹری امریکہ کے دورے کررہے ہیں ، ججز کے ریمارکس
بدھ 26 مارچ 2014 14:41
اسلام آباد(اُردو پوائنٹ اخبار تازہ ترین۔26مارچ۔2014ء) بلوچستان بدامنی اور لاپتہ افراد کیس کی سماعت کے دوران ایف سی کے وکیل عرفان قادر نے کہا ہے کہ جبری گمشدگیوں میں 2 ایف سی اہلکاروں کے ملوث ہونے شواہد ملے ہیں جن کیخلاف کارروائی کیلئے حکومت کو خط لکھ دیا ہے۔بدھ کو سپریم کورٹ آف پاکستان میں بلوچستان بدامنی اور لاپتہ افراد کیس کی سماعت شروع ہوئی تو جسٹس امیرہانی مسلم نے ایڈووکیٹ جنرل بلوچستان نظام الدین سے استفسار کیا کہ خضدار سے ملنے والی لاشوں کے ڈی این اے ٹیسٹ رپورٹ کا کیا بنا جس پر ایڈووکیٹ جنرل نے جواب دیا کہ تیرہ لاشوں میں سے دو کی شناخت ہونے پر لواحقین کے حوالے کردی گئی ہیں۔
گیارہ لاشوں کے لواحقین کے ڈی این اے کے نمونے لیبارٹری بھجوائے ہیں۔(جاری ہے)
چودہ لاپتہ افراد کے لواحقین کے ڈی این اے کے نمونے بھی لیبارٹری بھجوائے ہیں۔ عدالت کو بتایا گیا کہ لیبارٹری حکام نے ڈی این اے رپورٹ دینے کیلئے چار ماہ کا وقت دیا ہے اور اس سے پہلے رپورٹ دینے سے معذرت کرلی ہے جسٹس امیرہانی مسلم نے کہا کہ کیا آپ نے لیبارٹری والوں کو کام جلد کرنے کی ہدایت نہیں کی جس پر ایڈووکیٹ جنرل نے کہا کہ صرف زبانی طور پر کہا تھا، جسٹس امیرہانی مسلم نے کہا کہ تحریری خط وکتابت ہے تو دکھائیں۔
اس موقع پر ایف سی کے وکیل عرفان قادر نے عدالت کو بتایا کہ چیف سیکریٹری سے اس معاملے پر ٹیلی فون پر بات ہوگئی تھی جبکہ جن دو ایف سی اہلکاروں کے ملوث ہونے کے شواہد ملے ہیں ان کے خلاف کارروائی کے لیے حکومت کو خط لکھ دیا ہے جس پر جسٹس امیرہانی مسلم نے کہا کہ ٹیلی فون پر ملاقاتوں کی ماضی میں کوئی مثال نہیں ملتی، آپ چاہتے ہیں کہ ہم چیف سیکریٹری کو شوکاز جاری کریں، چیف سیکریٹری اب کہاں ہے۔سیکرٹری داخلہ بلوچستان نے عدالت میں پیش ہوکر بتایا کہ وہ امریکہ گئے ہوئے ہیں جس پر جسٹس امیرہانی مسلم نے کہا کہ ان سے پوچھ کر بتائیں کہ وہ کب واپس آئیں گے اور ورثا سے ملاقات کریں گے۔ انہوں نے کہاکہ لوگ مررہے ہیں اور چیف سیکرٹری امریکہ کے دورے کررہے ہیں بعد ازاں عدالت عظمیٰ نے سماعت 2 ہفتوں کیلئے ملتوی کردی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.