بلوچستان بدامنی کیس، جبری گمشدگیوں میں 2 اہلکاروں کیخلاف شواہد ملے ہیں، وکیل ایف سی
بدھ 26 مارچ 2014 13:01
اسلام آباد(اُردو پوائنٹ تازہ ترین اخبار۔ 26مارچ 2014ء) بلوچستان بدامنی اور لاپتا افراد کیس کی سماعت کے دوران ایف سی کے وکیل عرفان قادر نے کہا ہے کہ جبری گمشدگیوں میں 2 ایف سی اہلکاروں کے ملوث ہونے شواہد ملے ہیں جن کے خلاف کارروائی کے لئے حکومت کو خط لکھ دیا ہے۔سپریم کورٹ میں بلوچستان بدامنی اور لاپتا افراد کیس کی سماعت کے دوران جسٹس امیرہانی مسلم نے ایڈووکیٹ جنرل بلوچستان سے استفسار کیا کہ خضدار سے ملنے والی لاشوں کے ڈی این اے ٹیسٹ رپورٹ کا کیا بنا جس پر ایڈووکیٹ جنرل نے جواب دیا کہ فرانزک لیبارٹری کو 20 فروری کو نمونے بھجوائے گئے جن کی جانچ پڑتال میں دو سے تین ماہ لگیں گے۔
جسٹس امیرہانی مسلم نے کہا کہ کیا آپ نے لیبارٹری والوں کو کام جلد کرنے کی ہدایت نہیں کی جس پر ایڈووکیٹ جنرل نے کہا کہ صرف زبانی طور پر کہا تھا، جسٹس امیرہانی مسلم نے ریمارکس دیئے کہ تحریری خط وکتابت ہے تو دکھائیں۔
(جاری ہے)
اس موقع پر ایف سی کے وکیل عرفان قادر نےعدالت کو بتایا کہ چیف سیکریٹری سے اس معاملے پر ٹیلی فون پر بات ہوگئی تھی جبکہ جن دو ایف سی اہلکاروں کے ملوث ہونے کے شواہد ملے ہیں ان کے خلاف کارروائی کے لیے حکومت کو خط لکھ دیا ہے جس پر جسٹس امیرہانی مسلم نے کہا کہ ٹیلی فون پر ملاقاتوں کی ماضی میں کوئی مثال نہیں ملتی، آپ چاہتے ہیں کہ ہم چیف سیکریٹری کو شوکاز جاری کریں، چیف سیکریٹری اب کہاں ہے۔
سیکریٹری داخلہ بلوچستان نے عدالت میں پیش ہوکر بتایا کہ وہ امریکا گئےہوئے ہیں جس پر جسٹس امیرہانی مسلم نے کہا کہ ان سے پوچھ کر بتائیں کہ وہ کب واپس آئیں گے اور ورثا سے ملاقات کریں گے۔ عدالت نے سماعت 2 ہفتوں کے لئے ملتوی کردی۔
متعلقہ عنوان :
مزید اہم خبریں
-
مختلف علاقوں میں زلزلے کے شدید جھٹکے
-
صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان دوطرفہ تعلقات مزید بہتر بنانے کیلئے مل کر کام ..
-
وزیراعلیٰ سندھ نے وزیراعظم کو وفاق کی جانب سے سندھ کو نظرانداز کرنے کا شکوہ کر دیا
-
عمران خان اور پی ٹی آئی ایک حقیقت ہے ان کو مان لیں اور بات چیت کریں
-
کسان بورڈ پاکستان کا احتجاجی دھرنوں کا اعلان
-
آسٹریلوی کمپنیاں پاکستانی معیشت کے مختلف شعبوں میں سرمایہ کاری کریں،صدر مملکت آصف علی زرداری سے آسٹریلیا کے ہائی کمشنر نیل ہاکنز کی ملاقات
-
حکومت مہنگائی و بے روزگاری پر قابو پانے، معاشی استحکام اور برآمدات میں اضافہ کیلئے پرعزم ہے، کاروباری برادری کی معاونت سے آئندہ پانچ سال کے دوران اپنی برآمدات کو دوگنا کرنے کا تہیہ کیا ہوا ہے، وزیراعظم ..
-
وزیراعظم شہبازشریف کی زیر صدارت سندھ میں وفاقی حکومت کے ترقیاتی منصوبوں کے حوالہ سے اجلاس، سرکاری و نجی اشتراک کے تحت بننے والے کامیاب منصوبوں کے حوالے سے بریفنگ
-
پاک ایران تجارتی معاہدوں پر امریکی دھمکی ورلڈ آرڈر کی ناکام صورتحال میں ناکارہ دھمکی ہے
-
سپیکر قومی اسمبلی سے پرتگال کے سفیر کی ملاقات، دونوں ممالک کے تعلقات مزید مستحکم بنانے کے عزم کا اعادہ
-
موٹروے پر پولیس اہلکار کو ٹکر مار کر فرار ہونے والی خاتون گرفتار کر لی گئی
-
بلو رانی والے الفاظ ایف آئی آر میں کہاں ہیں؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.