حکومت ، طالبان مذاکرات میں کامیابی کے امکانات روشن ہیں،پروفیسرابراہیم، مذکرات جلد نتیجے تک پہنچ سکتے ،طول بھی پکڑ سکتے ہیں، دونوں اطراف سے غیر عسکری قیدیوں کے تبادلہ کا عمل شروع ہوگیا تو مذاکرات کی کامیابی میں مدد مل سکتی ہے، اللہ نے چاہا اور موسم نے اجازت دی تو (کل) حکومتی کمیٹی اور طالبان کمیٹی طالبان شوریٰ کی نامزد کردہ کمیٹی سے ملاقات کیلئے روانہ ہوسکتی ہے، امیر جماعت اسلامی خیبرپختونخوا
منگل 25 مارچ 2014 21:06
پشاور(اُردو پوائنٹ اخبار تازہ ترین۔25مارچ۔2014ء) طالبان مذاکراتی کمیٹی کے ممبرا ور جماعت اسلامی خیبر پختونخوا کے امیر پروفیسر محمد ابراہیم خان نے کہا ہے کہ حکومت ، طالبان مذاکرات میں کامیابی کے امکانات بھی روشن ہیں تاہم خدشات بھی موجود ہیں ۔ یہ مذکرات جلد بھی نتیجے تک پہنچ سکتے ہیں تاہم یہ طول بھی پکڑ سکتے ہیں ۔ دونوں اطراف سے غیر عسکری قیدیوں کے تبادلہ کا عمل شروع ہوگیا تو اس سے مذاکرات کی کامیابی میں مدد مل سکتی ہے ۔
حکومت اور طالبان میں براہ راست مذاکرات کا شروع ہونا بذات خود ایک بہت بڑی پیش رفت ہے ۔ اللہ نے چاہا اور موسم نے اجازت دی تو بدھ (26مارچ )کو بھی حکومتی کمیٹی اور طالبان کمیٹی طالبان شوریٰ کی نامزد کردہ کمیٹی سے ملاقات کے لئے روانہ ہوسکتی ہے۔(جاری ہے)
ان خیالات کا اظہار انہوں نے منگل کے روز المرکزا سلامی میں میڈیا سے گفتگو کرتے ہوئے کیا۔ جماعت اسلامی کے صوبائی سیکرٹری جنرل شبیر احمد خان ،صوبائی سیکرٹری اطلاعات اسرار اللہ ایڈوکیٹ اور جماعت اسلامی ضلع پشاور کے امیر بحر اللہ خان بھی اس موقع پر موجود تھے ۔
پروفیسر محمد ابراہیم خان نے کہا کہ موسم کی خرابی کی وجہ سے منگل کے روز ہیلی کاپٹر کے لئے پرواز کرنا ممکن نہیں تھا ۔ انہوں نے کہا کہ وہ ( یعنی پروفیسر محمد ابراہیم خان ) تو سڑک کے ذریعے بھی جانے کے لئے تیار تھے لیکن حکومتی اور طالبان کمیٹی میں شامل بعض بزرگ ممبران کے لئے سڑک کے ذریعے سفر کرنا مشکل تھا ۔ انہوں نے کہا کہ انشاء اللہ حکومت ، طالبان مذاکرات جلد شروع ہوجائیں گے۔ ایک سوال کے جواب میں پروفیسر محمد ابراہیم خان نے کہا کہ انہوں نے طالبان سے پروفیسر محمد اجمل خان کی رہائی کی بات کی تھی جس پر وہ خاموش رہے۔ بات آگے بڑھے گی تو سابق وزیر اعظم یوسف رضا گیلانی اور سابق گورنر پنجاب سلمان تاثیر کے صاحبزادوں کی رہائی کی بھی بات ہوگی۔ پروفیسر محمد ابراہیم خان نے کہا کہ ان کی رائے ہے کہ شائد طالبان اس انتظار میں ہیں کہ حکومت کی طرف سے حکومتی ایجنسیوں کی تحویل میں غیر عسکری قیدیوں کی رہائی کا کوئی مثبت سگنل ملے تو پھر وہ بھی اپنی قید میں غیر عسکری افراد کی رہائی کے بارے میں فیصلہ کریں ۔ ایک سوال کے جواب میں پروفیسر محمد ابراہیم خان نے کہا کہ انہیں ٹھوس معلومات تو نہیں کہ حکومتی ایجنسیوں اور طالبان کے پاس جو قید ی ہیں ان کے ساتھ کیسا سلوک ہورہا ہے تاہم انہوں نے کہا کہ شاید قیدیوں کے ساتھ برتاوٴ میں دونوں فریقین قواعد و ضوابط کا خیال نہیں رکھ رہے ۔ ایک اور سوال کے جواب میں پروفیسر محمد ابراہیم خان نے کہا کہ اس وقت حکومت اور طالبان کا سب سے اہم نقطہ امن کا قیام ہے۔ شریعت کا نفاذ زیر بحث نہیں ۔ امن قائم ہوگا تو انشاء اللہ شریعت بھی آجائے گی ۔ ایک اور سوال کے جواب میں پروفیسر محمد ابراہیم خان نے کہا کہ حکومت اور طالبان کے درمیان براہ راست مذاکرات میں طالبان کمیٹی سہولت کار کا کردار ادا کرے گی اور دونوں فریقین کو ایک دوسرے کے قریب لانے اور انہیں کسی قابل عمل معاہدے اور حل پر متفق کرنے کی کوشش کریں گے۔ ایک اور سوال کے جواب میں انہوں نے کہا کہ مذاکرات ہی مسئلے کا واحد حل ہے۔متعلقہ عنوان :
مزید اہم خبریں
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
-
فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، ریونیوکلیکشن بڑا چیلنج ہے‘شہبازشریف
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں ، وفاقی وزیررانا تنویر حسین
-
حکومت عوام کو پیپلز بس سروس کی صورت میں جدید، موثر، محفوظ پبلک ٹرانسپورٹ سسٹم فراہم کرنے کے اپنے عزم کو پورا کررہی ہے۔وزیراعلی سندھ
-
نائب وزیراعظم اوروزیرخارجہ سینیٹر محمد اسحاق ڈار اور سعودی وزیر خارجہ کا مشرق وسطی میں حالیہ پیش رفت پر گہری تشویش کا اظہار، غزہ میں فوری جنگ بندی کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.