سندھ ہائیکورٹ نے تھر پارکر میں قحط کے ذمے دار افسران کو طلب کرلیا
منگل 25 مارچ 2014 14:34
کراچی(اُردو پوائنٹ تازہ ترین اخبار۔ 25مارچ 2014ء) سندھ ہائی کورٹ نے تھر پارکر میں قحط سالی کے ذمے دار 3 افسران کو 8 اپریل کو طلب کرلیا۔سندھ ہائی کورٹ میں چیف جسٹس مقبول باقر کی سربراہی میں تھر میں قحط سے اموات پر ازخود نوٹس کیس کی سماعت کے دوران عدالت میں محکمہ صحت، محکمہ خوراک اور چیف سیکرٹری کی جانب سے رپورٹ جمع کرائی گئی۔
سیکریٹری خوراک نے کہا کہ 22 ہزار587 خاندانوں میں تاحال ریلیف کا سامان نہیں پہنچ سکا۔ عدالت نے تمام رپورٹس پر عدم اطمینان کا اظہار کرتے ہوئے کہا کہ بڑے افسوس کا مقام ہے اب تک گندم کی تقسیم کا کوئی فارمولا نہیں بنایا گیا، پیش کی جانے والی رپورٹس میں ہزاروں سوال اٹھتے ہیں لیکن افسوس ہے ان سوالوں کا کوئی جواب دینے والا نہیں ہے۔(جاری ہے)
چیف جسٹس سندھ ہائیکورٹ نے تھر کے 22 ہزار خاندانوں کو فوری گندم فراہم کرنے کا حکم دیتے ہوئے کہا یہ ثابت ہوچکا ہے کہ تھر میں زیادہ تر اموات خواراک کی عدم دستیابی کی وجہ سے ہوئی ہیں۔
سماعت کے دوران ایڈوکیٹ جنرل سندھ عبدالفتح ملک نے عدالت کے سامنے اعتراف کرتے ہوئے کہا کہ افسران تو موجود ہیں لیکن وہ زیادہ تر وقت کراچی اور حیدرآباد میں گزارتے ہیں، افسران پوری رات جاگتے ہیں جب کہ دن کے وقت سوتے رہتے ہیں۔عدالت میں بتایا گیا کہ تھرپارکر میں قحط کے ذمہ دار 3 افسران ہیں جنہیں عدالت نے 8 اپریل کو طلب کرلیا۔ افسران میں ریلیف کمشنر لالا فضل الرحمان، کمشنر میرپورخاص غلام مصطفیٰ اور ڈپٹی کمشنر میرپور خاص مخدوم عقیل الزمان شامل ہیں۔ سندھ ہائی کورٹ نے تھر میں حکومتی ریلیف کا جائزہ لینے کے لئے تھر پارکر کے سیشن جج کی سربراہی میں 3 رکنی کمیشن قائم کردیا جو صحت اور خوراک سے متعلق رپورٹ ایک ہفتے میں پیش کرے گا۔
متعلقہ عنوان :
مزید اہم خبریں
-
چین کا پاکستان میں دو بڑے ڈیم منصوبوں پر کام روکنے کا اعلان
-
پاکستان کو کم از کم 3سال کا نیا آئی ایم ایف پروگرام درکار ہے،وفاقی وزیرخزانہ
-
امریکی صدر جوبائیڈن کا وزیراعظم شہباز شریف کوخط ، نو منتخب حکومت کیلئے نیک تمناوٴں کا اظہار
-
وزیرِمملکت شزہ فاطمہ سے آذربائیجان کے سفیر کی ملاقات، باہمی دلچسپی کے امورپر تبادلہ خیال
-
پرویز الہٰی کو مزید چند دن ہسپتال میں رکھا جاسکتا ہے، ہسپتال ذرائع
-
ملک سے سیاسی تقسیم اور افراتفری کا خاتمہ چاہتے ہیں، وزیر اعظم
-
اسلام آباد ہائی کورٹ نے عمران خان کی وکلا سے جیل میں ملاقات کی درخواست نمٹا دی
-
ریاست کی رٹ چیلنج کرنے والوں کے ساتھ سختی سے پیش آئیں گے،سرفراز بگٹی
-
سرکاری تقریبات میں پروٹوکول کیلئے سرخ قالین بچھانے پر پابندی عائد
-
علی امین گنڈا پور نے صوبے میں مستحق افراد کو 1 ارب سے زائد عید پیکیج دینے کی منظوری دیدی
-
تحریک انصاف کی کور کمیٹی نے عمران خان کے وکلاءکی کارکردگی پر سوالات اٹھا دئیے
-
پی ٹی آئی رہنماءعامر ڈوگر کو عمرے پر جانے کی اجازت مل گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.