چولستان کی ترقی اور خوشحالی کے لئے اعلان کردہ پیکیج پر تیز رفتاری سے عملدرآمدکیاجائے گا‘شہبازشریف ،پیکیج پر عملدرآمد کی خود نگرانی کروں گا،غفلت یا کوتاہی کسی صورت برداشت نہیں جائے گی،چولستان میں بسنے والوں کو صحت، تعلیم اور دیگر سہولتیں ترجیحی بنیادوں پر فراہم کرینگے، بے زمین کاشتکاروں کو شفاف طریقے سے اراضی کی الاٹمنٹ کی جائیگی،لٹریٹ چولستان پراجیکٹ کے تحت چلنے والے کمیونٹی سکول مستقبل میں بھی کام کرتے رہیں گے،وزیراعلیٰ کا اجلاس سے خطاب
ہفتہ 22 مارچ 2014 21:39
لاہور(اُردو پوائنٹ اخبار تازہ ترین۔22مارچ۔2014ء) وزیراعلیٰ پنجاب محمد شہباز شریف نے کہا ہے کہ چولستان کی ترقی اور خوشحالی کے لئے اعلان کردہ پیکیج پر تیزرفتاری سے عملدرآمد کیاجائے گا -چولستان کے ترقیاتی پیکیج پر عملدرآمد کو خود مانیٹر کروں گا - غفلت یا کوتاہی کسی صورت برداشت نہیں کیاجائے گا- چولستان میں بسنے والوں کو صحت، تعلیم اور دیگر سہولتیں ترجیحی بنیادوں پر فراہم کریں گے- لٹریٹ چولستان پراجیکٹ کے تحت چلنے والے کمیونٹی سکول مستقبل میں بھی کام کرتے رہیں گے-یہ بات انہوں یہاں چولستان کی صورتحال کا جائزہ لینے کے حوالے سے اعلیٰ سطح کے اجلاس سے خطاب کرتے ہوئے کہی- چیف سیکرٹری نے چولستان کی صورتحال،حکومتی اقدامات اور چولستان میں ترقیاتی منصوبوں پر پیشرفت بارے بریفنگ دی -صوبائی وزراء تنویر اسلم ملک، اقبال چنڑ، مشیر برائے صحت خواجہ سلمان رفیق،اراکین اسمبلی،سینئر ممبر بورڈ آف ریونیور، متعلقہ محکموں کے سیکرٹریز اور ایم ڈی چولستان اتھارٹی نے اجلاس میں شرکت کی-وزیراعلیٰ محمد شہبازشریف نے اجلاس سے خطاب کرتے ہوئے کہا کہ چولستان میں صورتحال معمول کے مطابق ہے اور یہاں روڈ نیٹ ورک پر بھی تیزی سے کام جاری ہے - انہوں نے کہاکہ لٹریٹ چولستان پراجیکٹ کے تحت چلنے والے کمیونٹی سکولوں کو پنجاب ایجوکیشن فاؤنڈیشن چلائے گی- انہوں نے کہاکہ چولستان کے بے زمین کاشتکاروں کو شفاف طریقے سے اراضی کی الاٹمنٹ کی جائے گی اور اس مقصد کے لئے شفاف پالیسی مرتب کی جائے گی-وزیراعلیٰ نے سیکرٹری سکولز کو ہدایت کی کہ وہ چولستان کے کمیونٹی سکولز کا دورہ کر کے رپورٹ پیش کریں- انہوں نے چولستان میں ٹیوب ویلوں کو سولر پینل پر منتقل کرنے کی بھی ہدایت کی-وزیراعلیٰ نے صوبائی وزراء ،چیف سیکرٹری اور دیگر اعلیٰ حکام پر مشتمل کمیٹی تشکیل دینے کی ہدایت کرتے ہوئے کہا کہ یہ کمیٹی چولستان کے ترقیاتی پیکیج پر عملدرآمد کا جائز ہ لے گی- انہوں نے کہاکہ چولستان کو 250کیوسک نہری پانی فراہم کیا جائیگا-چیف سیکرٹری نے چولستان کی صورتحال پر بریفنگ دیتے ہوئے بتایاکہ چولستان میں واٹر پا ئپ لائنز کی بحالی اور 1100ٹوبوں کی صفائی کا کام شروع کر دیا گیا ہے-
متعلقہ عنوان :
مزید قومی خبریں
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
-
وزیر صحت خواجہ سلمان رفیق کا آپریشن تھیٹرز پر جاری پیش رفت کا جائزہ لینے کیلئے پی آئی سی کا دورہ
-
صوبائی وزیر صنعت و تجارت چوہدری شافع حسین کا رایہ گولف اینڈ کنٹری کلب ڈیفنس کا دورہ
-
جعلی ادویات کی فروخت میں ملوث میڈیکل اسٹور منیجر گرفتار
-
کچھ لوگ جعلی حلقہ بندیوں اور ووٹر لسٹ کے باعث مسلط ہیں، خالد مقبول
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کا اسلام آباد میں چینی سفارت خانے کے دورے کے موقع پر گفتگو
-
لاہور ہائیکورٹ کا واسا کی اجازت کے بغیر لگنے والے ٹیوب ویلز کو سیل کرنے کا حکم
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.