خیبرپختون خوا کے سینئر بیوروکریٹ امجد شاہد آفریدی لاپتہ ،اغوا کا خدشہ

جمعہ 21 مارچ 2014 12:12

پشاور(اُردو پوائنٹ تازہ ترین اخبار۔ 21مارچ 2014ء) سابق ایڈوائزر وفاقی محتسب امجد شاہد آفریدی 2لاپتہ ہوگئے ہیں۔ان کی گاڑی موٹروے چھچھ ٹول پلازے کے قریب سے برآمد ہوئی ہے۔سابق ایڈوائزر وفاقی محتسب امجد شاہد آفریدی جن کی خدمات تقریبا ایک ماہ قبل صوبائی حکومت کے حوالے کی گئی تھیں اور یہاں پر ان کو اہم ذمہ داریاں سونپے جانے کا امکان تھا گزشتہ دو دن سے لاپتہ ہوگئیہیں۔

(جاری ہے)

امجد شاہد آفریدی کے بیٹے وسیم خان آفریدی نے بتایا کہ ان کے والد کی گاڑی موٹروے چھچھ ٹول پلازے کے قریب سے برآمد ہوگئی ہے۔ اور خدشہ ہے کہ انھیں اغواء کرلیا گیا ہے۔ان کا کہنا تھا کہ امجد شاہد آفریدی شاہی مہمان خانے میں مقیم تھے اور2 دن قبل اچانک لاپتہ ہوگئے ہیں گمشدگی کی ابتدائی رپورٹ تھانہ شرقی میں درج کرلی گئی ہے۔ امجد شاہد آفریدی صوبائی سیکرٹری تعلیم ، سیکرٹری ہائیر ایجوکیشن اور سیکرٹری سائینس انفارمیشن ٹیکنالوجی بھی رہے ہیں۔