وزیر اعظم نے ریپڈ رسپانس فورس اور نیشنل انٹیلی جنس ڈائریکٹوریٹ کے قیام کی منظوری دیدی
منگل 18 مارچ 2014 15:38
اسلام آباد(اُردو پوائنٹ تازہ ترین اخبار۔ 18مارچ 2014ء) ملک کی اعلیٰ ترین سیاسی اور عسکری قیادت نے دہشتگردی کے خلاف داخلی پالیسی پر عمل درآمد پر اتفاق کرلیا ہے جبکہ وزیر اعظم نے ریپڈ رسپانس فورس اور نیشنل انٹیلی جنس ڈائریکٹوریٹ کے قیام کی منظوری دے دی۔وزیر اعظم ہاؤس اسلام آباد میں ہونے والے اس اجلاس میں وفاقی وزیر داخلہ چوہدری نثار علی خان، وزیر اطلاعات سینیٹر پرویز رشید، آرمی چیف جنرل راحیل شریف، ڈی جی آئی ایس آئی لیفٹیننٹ جنرل ظہیراسلام، چاروں صوبوں کے وزرائےاعلیٰ، چیف سیکریٹریز اور آئی جیز نے شرکت کی۔
اس موقع پر ملک کی داخلی و سرحدی سلامتی کی صورتحال، نئی مجوزہ ریپڈ رسپانس فورس کے قیام، نیکٹا کو فعال کرنے اور صوبوں کےدرمیان انٹیلی جنس شیئرنگ کے نظام کو مربوط بنانے کے امور پر غور کیا گیا ، اس کے علاوہ وفاقی حکومت کی جانب سے پنجاب میں 6 جیلوں کو ہائی سیکیورٹی جیل قرار دینے اور دہشت گردی کے مقدمات کے لئے اسلام آباد سمیت چار ریجنل ہیڈ کوارٹرز قائم کرنے کے معاملات پر بھی تفصیلی تبادلہ خیال کیا گیا۔(جاری ہے)
وفاقی وزیر داخلہ چوہدری نثار علی خان اور ڈی جی آئی ایس آئی نے وزرائے اعلیٰ سمیت اجلاس کے شرکا کو داخلی سلامتی کے امور پر تفصیلی بریفنگ دی اور طالبان سے مزاکراتی عمل کے بارے میں بھی تفصیلی طور پر آگاہ کیا۔ صوبوں کو یقین دہانی کرائی گئی کہ صوبوں کو دہشتگردی سے نمٹنے کے لئے بم پروف گاڑیاں مہیاں کی جائیں گی۔ اس کے علاوہ ریپڈ رسپانس فورس کی تربیت کے سلسلے میں تحفظات بھی دور کئے۔
جس پر تمام صوبوں نے حکومتی پالیسی پر اعتماد کا اظہار کرتے ہوئے اس پر فوری عمل درآمد کا فیصلہ کیا۔اجلاس سے خطاب کرتے ہوئے وزیر اعظم نواز شریف نے کہا کہ ملک کی معاشی ترقی،امن اور استحکام سے جڑی ہوئی ہے، دہشتگردی کے خاتمے کے لئے فیصلہ کا وقت آگیا ہے، اس کے لئے اداروں اور حکومتوں کو مل کر کام کرنا ہوگا۔ اس سلسلے میں وضع کی گئی پالیسی پر عمل درآمد کے لئے صوبوں کو تمام وسائل مہیاں کئے جائیں گے۔
اس موقع پر اجلاس میں نیشنل انٹلی جنس ڈائریکٹوریٹ کو نیکٹا کے ماتحت کیا جائے گا۔ طویل مشاورتی اجلاس کے دوران وزیر اعظم نے ریپڈ رسپانس فورس اور نیشنل انٹیلی جنس ڈائریکٹوریٹ کے قیام کی منظوری دیتے ہوئے کہا کہ نیا انٹیلی جنس ڈائریکٹوریٹ نیکٹا کے تحت کام کرے گا جو صوبوں کےساتھ انٹیلی جنس شیئرنگ کامربوط نظام بنائےگا۔متعلقہ عنوان :
مزید اہم خبریں
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.