بیٹے کی بازیابی کیلئے میری طرح حکومت بھی بے بس ہے ،یوسف رضا گیلانی ،میثاق جمہوریت پر ہم نے 85 فیصد عمل کیا ،باقی15 فیصد پر وزیر اعظم نواز شریف عمل کرنا چاہیں تو ہم اس کیلئے تیار ہیں، مسلم لیگ سمجھتی ہے ہماری پالیسی ٹھیک نہیں تھی اسی وجہ سے ہم نے آل پارٹیز کانفرنس میں انہیں فری ہینڈ دیا کیونکہ ان کے پاس مینڈیٹ موجود ہے، سابق وزیر اعظم کا ظہرانے سے خطاب
جمعرات 13 مارچ 2014 18:38
کراچی (اُردو پوائنٹ اخبار تازہ ترین۔13مارچ۔2014ء) سابق وزیر اعظم یوسف رضا گیلانی نے کہا ہے کہ بیٹے کی بازیابی کے لیے میری طرح حکومت بھی بے بس ہے ، میثاق جمہوریت پر ہم نے 85 فیصد عمل کیا باقی15 فیصد پر وزیر اعظم نواز شریف عمل کرنا چاہیں تو ہم اس کے لیے تیار ہیں ۔ مسلم لیگ سمجھتی ہے کہ ہماری پالیسی ٹھیک نہیں تھی اسی وجہ سے ہم نے آل پارٹیز کانفرنس میں انہیں فری ہینڈ دیا کیونکہ ان کے پاس مینڈیٹ موجود ہے یہ بات انہوں نے جمعرات کے روز رائس ایکسپورٹرز ایسوسی ایشن آف پاکستان کی جانب سے دئیے گئے ظہرانے کے موقع پر صحافیوں سے بات چیت کرتے ہوئے کہی اس موقع پریوگنڈا کے سفیر محمد احمد قصولی،سابق چیئرمین ریپ عبدالرحیم جانو،جاوید علی غوری،سینئر وائس چیئرمین چیلارام ،عبدالروف چیپل،عرفان شیخ، عثمان شیخ،چوہدری فاروق، فیصل مسعود ،فرخ سلیم اوردیگر بھی موجودتھے۔
(جاری ہے)
یوسف رضاگیلانی نے ڈالر کی قدر میں کمی کو خوش آئندہ قرار دیتے ہوئے کہا کہ ڈالر میں استحکام بھی ضروری ہے۔پیپلز پارٹی کے دور میں کبھی سٹہ نہیں ہوا لیکن موجودہ حکومت کو ڈالر پر سٹے بازی روکنے کے لیے ڈالر میں استحکام پیدا کرنا ہوگا۔انہوں نے ریپ کے سینئر وائس چیئرمین چیلارام کو پاکستان ہندوکونسل کے صدر منتخب ہونے پر مبارکباد پیش کرتے ہوئے کہا کہ انکی کامیابی سے اقلیتی برادری کے مسائل کو بہترطورپر حل کرنے میں مددملے گی۔
انہوں نے کہا کہ ملک اور قوم کے مفاد میں جو بہتر پالیسی آئے گی ہم تعاون کریں گے، یہ وقت بتائے گا کہ ان کی پالیسی کامیاب ہوگی یا نہیں۔ یوسف رضا گیلانی نے کہا کہ دہشت گردی سے متعلق ہماری پالیسی پانچ سال تک برقرار رہی، بات چیت ناکام ہوئی یا معاہدے ٹوٹے تواسی وقت آپریشن کیا گیا کیونکہ اس کے سوا کوئی چارہ نہیں بچا تھا۔ انہوں نے تھر کے معاملے کے سوال کاجواب دیتے ہوئے کہا کہ اس سانحے کی انکوائری ہونا چاہیے،انہوں نے کہا کہ ملک کے موجودہ حالات پر صرف سیاسی جماعتوں کو الزام دینا ٹھیک نہیں کیونکہ ملک میں 25 سال تو مارشل لاء رہا ہے۔انہوں نے کہا کہ عدالتی فیصلہ صرف میرے نہیں پارلیمنٹ کے خلاف تھا، ایسی پارلیمنٹ کا کیا فائدہ جس کی اہمیت نہ ہوا۔انہوں نے کہا کہ سیکورٹی کا مسئلہ صرف کراچی کا نہیں بلکہ اٹھارہ کروڑ عوام ہے البتہ کراچی متاثر ہوتا ہے تو اس کے اثرات پورے ملک پر ہوتے ہیں ۔اس موقع پر ریپ کے سابق چیئرمین عبدالرحیم جانو نے کہا کہ سندھ میں امن وامان کی صورتحال بہتربنانے کی ضرورت ہے اور پاکستان پیپلز پارٹی سندھ میں عوام کے جان ومال کے تحفظ کو یقینی بنانے کے عملی اقدامات کرے تاکہ کراچی کی رونقیں بحالی ہوسکے اور سازگارماحول عوام کی مہیا کیا جاسکے۔
متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.