لندن‘گرل فرینڈ کو کم سن بچی کو قتل کرنے کا حکم دینے کے الزام میں عدالتی کارروائی کا آغاز ہوگیا
بدھ 12 مارچ 2014 14:54
لندن (اُردو پوائنٹ تازہ ترین اخبار۔ 12مارچ 2014ء) ایک برطانوی شہری کے خلاف ناروے میں مقیم پر اپنی گرل فرینڈ کو ایک کم سن بچی کو قتل کرنے کا حکم دینے کے الزام میں عدالتی کارروائی کا آغاز ہوگیا ۔غیر ملکی میڈیا کے مطابق لندن کے رہائشی عماز قریشی پر الزام کہ انھوں نے اپنی اٹھائیس سالہ گرل فرینڈ یاسمین چوہدری کو کہا تھا کہ وہ اپنی اٹھارہ ماہ کی بچی کو سبق سکھانے کیلئے پانی سے بھری بالٹی میں ڈْبکیاں دے۔
عماز قریشی کو غصہ تھا کہ وہ جب اپنی گرل فرینڈ سے سکائیپ پر بات کرتے ہیں تو بچی بار بار رو کر ان کی گفتگو میں مخل ہوتی ہے۔برطانوی روزنامہ ٹیلی گراف کے مطابق عماز قریشی پر الزام کہ جب ان کی گرل فرینڈ نے اپنی بچی کو بالٹی میں دو مرتبہ ڈبویا تو عماز قریشی یہ سب کچھ براہ راست سکائپ پر دیکھ رہے تھے۔
(جاری ہے)
یاسمین چوہدری ناروے کے شہر اوسلو میں رہتی ہیں اور بچی کے بے ہوش ہونے پر انھوں نے ایمرجنسی سروس والوں کو بلوایا اور انھیں کہا کہ بچی گِرنے کی وجہ سے بے ہوش ہوئی ہے بچی اگلے دن ہسپتال میں دم توڑ گئی تھی۔
عماز قریشی اور یاسمین چوہدری کا تعارف یاسمین کے بھائی نے فروری 2010 میں اس وقت کروایا تھا جب یاسمین لندن آئی ہوئی تھیں۔ دو ماہ بعد یاسمین چوہدری واپس اوسلو چلی گئی تھیں اور تب سے عماز قریشی اور وہ سکائپ پر ایک دوسرے سے رابطے میں رہنے لگ گئے تھے۔اوسلو میں مقدمے کے آغاز پر عدالت کو بتایا گیا جب یاسمین چوہدری اپنی بچی کے ہاتھ پاوٴں باندھتی تھی اور اسے زبردستی مرچوں کا پاوٴڈر کھلاتی تھی تو عماز قریشی سکائپ پر براہ راست یہ سب کچھ ہوتا دیکھتے تھے۔
عدالت میں یاسمین قریشی نے اعتراف کیا کہ وہ اپنی بچی کے ساتھ زیادتی کی مرتکب ہیں، تاہم وہ اس سے انکار کرتی ہیں کہ وہ بچی کی موت کی ذمہ دار ہیں۔استغاثہ کے مطابق یاسمین چوہدری پر بنیادی الزام یہ ہے کہ وہ اپنی بچی کے غیر ارادی قتل کی مرتکب ہیں تاہم یاسمین کا کہنا ہے کہ انھوں نے کبھی نہیں چاہا تھا کہ وہ اپنی بچی کو مار دیں تاہم ہمارا موٴقف یہ ہے کہ جب کوئی شخص اتنی چھوٹی عمر کی بچی کو پانی میں اتنی دیر ڈبوئے رکھتا ہے تو اسے معلوم ہوتا ہے کہ اس کے نتیجے میں بچی کی موت بھی واقع ہو سکتی ہے۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.