صحت کا انصاف ،چھٹے مرحلے میں سات لاکھ سے زائد بچوں کی ویکسی نیشن،چار ہزار رضاکاروں نے 95یو سیز میں 3لاکھ گھروں کا دورہ کیا،ڈینگی وائرس اور بچوں کی بیماریوں سے بچاؤ کے حوالے سے آگہی پمفلٹس بھی تقسیم،پولیو سمیت بچوں کی تمام بیماریوں کا خاتمہ کر کے غریب بچوں کو موت کے منہ سے بچائیں گے،صوبائی وزیر صحت شوکت علی یوسفزئی

اتوار 9 مارچ 2014 19:13

پشاور(اُردو پوائنٹ اخبار تازہ ترین۔9مارچ۔2014ء) صحت کا انصاف مہم کے چھٹے مرحلے کیدوران پشاور کی 95یونین کونسلز میں سات لاکھ سے زائدبچوں کو نو بیماریوں سے بچاؤ کی ویکسین فراہم کی گئی۔صوبائی وزیر صحت شوکت علی یوسفزئی نے کینٹ ہسپتال پشاور میں بچوں کو قطرے پلا کر مہم کا افتتاح کیا۔مہم کیدوران پشاور کی 95یونین کونسلز میں تقریباً ساڑھے سات لاکھ بچوں تک رسائی کر کے انہیں نو مہلک بیماریوں سے بچاؤ کی ویکسین دی گئی۔

مہم کیدوران چار ہزار رضاکار ٹیموں نے تین لاکھ گھرو ں میں جا کر پولیو سمیت نو بیماریوں کی ویکسین بچوں کو فراہم کی۔

(جاری ہے)

اس موقع پربچوں کی نو بیماریوں کے علاوہ ڈینگی وائرس کے حوالے سے آگہی پمفلٹس بھی تقسیم کئے گئے جبکہ چار یو سیز میں فری میڈیکل کیمپس بھی لگائے گئے۔وزیر صحت شوکت یوسفزئی نے میڈیا سے بات چیت کرتے ہوئے اس عزم کا اعادہ کیا کہ پولیو سمیت بچوں کی تمام بیماریوں کا بھی خاتمہ کر کے غریب بچوں کو موت کے منہ سے بچائیں گے ۔

انھوں نے کامیاب مہم پر تحریک انصاف کے رضا کاروں،محکمہ صحت،اساتذہ،انتظامیہ اور پولیس کا شکریہ ادا کرتے ہوئے کہا کہ مہم میں حصہ لینے والا ہر شخص خراج تحسین کا مستحق ہے ،خطرات کے باوجود مہم کی کامیابی اس میں حصہ لینے والوں کی بدولت ممکن ہوئی۔

متعلقہ عنوان :