تھرپارکر میں قحط سے ہلاکتوں کی شفاف تحقیقات ہونی چاہئیں،وزیر اعظم (کل) دورہ کرینگے‘ حمزہ شہباز شریف ،سندھ فیسٹول میں شرکت کیلئے سب موجود تھے جہاں ماؤں کے بچے بلک بلک کر جان دے رہے ہیں اس طرف کسی کی توجہ نہیں ،ہم نے متاثرین کے زخموں پر مرہم رکھنی ہے ، پنجاب حکومت پانچ کروڑ کا امدادی سامان بھجوا رہی ہے‘ مرکزی رہنما مسلم لیگ (ن)،تھرپارکر کے متاثرین کے لئے امدادی سامان کے ٹرک روانہ کرنے کے موقع پر میڈیا سے گفتگو
اتوار 9 مارچ 2014 17:34
لاہور(اُردو پوائنٹ اخبار تازہ ترین۔9مارچ۔2014ء) پاکستان مسلم لیگ (ن) کے مرکزی رہنما و رکن قومی اسمبلی حمزہ شہباز شریف نے ضلع تھرپارکر میں قحط سے ہلاکتوں کی شفاف تحقیقات کا مطالبہ کرتے ہوئے کہا ہے کہ سندھ فیسٹول میں شرکت کیلئے تو سب موجود تھے لیکن جہاں ماؤں کے بچے بلک بلک کر جان دے رہے ہیں اس طرف کسی کی طرف توجہ نہیں ، وفاق اور پنجاب تھر کے متاثرین کی مدد کر رہے ہیں جبکہ وزیر اعظم نواز شریف بھی کل ( پیر ) تھر کا دورہ کریں گے ۔
ان خیالات کا اظہار انہوں نے تھرپارکر کے متاثرین کے لئے امدادی سامان کے ٹرک روانہ کرنے کے موقع پر میڈیا سے گفتگو کرتے ہوئے کیا ۔حمزہ شہباز
شریف نے کہا کہ سندھ کے ضلع تھرپارکر میں قحط سے معصوم بچوں کی ہلاکتیں انتہائی افسوسناک اور المیہ ہے ۔(جاری ہے)
میڈیا کے کردار نے مرے ہوئے ضمیر جھنجوڑے ۔ انہوں نے کہا کہ جان کی کوئی قیمت نہیں اور مرنے والے بچے پاکستان کے بچے ہیں ۔
اس واقعے پر چند افسران کو معطل کر دینا کافی نہیں ، اصل حقائق سامنے لانے کیلئے شفاف تحقیقات ہونی چاہئیں اور ذمہ داروں کو سزا دے کر ایک مثال بنانا چاہیے تاکہ دوبارہ اس طرح کی کوتاہی نہ برتی جائے۔ انہوں نے کہا کہ سندھ فیسٹول میں شرکت کے لئے تو سب موجود تھے لیکن جہاں ماؤں کے بچے بلک بلک کر جان دے رہے ہیں اس طرف کسی کی توجہ نہیں جو قابل افسوس ہے ۔انہوں نے سندھ حکومت کی طرف سے پنجاب حکومت کی امداد کی پیشکش مسترد کرنے کے سوال کے جواب میں کہا کہ متاثرین کے زخموں پر مرہم رکھنا ہی انسانیت اور سیاست ہے ۔ پنجاب نے ملک بھر میں کہیں بھی آنے والی آفت کے موقع پر ہمیشہ بڑے بھائی ہونے کا ثبوت دیا ہے ، ہم اس موقع پر نہ پنجابی، بلوچی ، پٹھان اور نہ ہی سندھی ہیں بلکہ ہم سب پاکستانی ہیں اور تھر بھی پاکستان کا حصہ ہے او رہم نے متاثرین کے زخموں پر مرہم رکھنی ہے ۔ انہوں نے کہا کہ وفاق او رپنجاب متاثرین کی مدد کر رہا ہے ، پنجاب حکومت تھر کے متاثرین کے لئے پانچ کروڑ روپے کا امدادی سامان بھیج رہی ہے اور وزیر اعظم محمد نواز شریف بھی کل ( پیر ) تھرپارکر کا دورہ کریں گے۔
متعلقہ عنوان :
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.