رواں سال کیلئے اپنے اہداف کے حصول کے سلسلہ میں پرامید ہیں، اخراجات کے حوالہ سے ڈسپلن کو برقرار رکھا جائیگا ،وزیر خزانہ ،ترقیاتی سرگرمیوں اور سماجی تحفظ کے پروگرام کے رقوم میں اضافہ کیا جائے گا ،اسحاق ڈارکی برطانوی وفد سے گفتگو ، پاکستان کے ساتھ تجارتی اور اقتصادی تعلقات بڑھانے کیلئے کام کرنے میں گہری دلچسپی رکھتے ہیں ،برطانوی ہائی کمشنر
جمعہ 7 مارچ 2014 22:17
اسلام آباد (اُردو پوائنٹ اخبار تازہ ترین۔7مارچ۔2014ء) وفاقی وزیر خزانہ اسحاق ڈار نے کہاہے کہ رواں سال کیلئے اپنے اہداف کے حصول کے سلسلہ میں پرامید ہیں، اخراجات کے حوالہ سے ڈسپلن کو برقرار رکھا جائیگا ،ترقیاتی سرگرمیوں اور سماجی تحفظ کے پروگرام کے رقوم میں اضافہ کیا جائے گا۔ جمعہ کو وفاقی وزیر خزانہ سینیٹر اسحاق ڈار سے برطانوی ہائی کمشنر فلپ بارٹن نے برطانیہ کے بین الاقوامی ترقی کے محکمہ کے سربراہ رچرڈ منٹگری کے ہمراہ ملاقات کی۔
ملاقات میں وزیر خزانہ نے برطانوی وفد کو بتایا کہ پاکستان کی معیشت بہتر ہو رہی ہے اور تمام بڑی اقتصادی اعشاریہ مثبت ہیں، ملک میں جی ڈی پی کی شرح میں اضافہ اور مہنگائی میں کمی آرہی ہے، گزشتہ 7 ماہ کے عرصہ میں ٹیکس وصولیوں کی شرح نمو 17 فیصد رہی جو گزشتہ سال 3 فیصد تھی۔(جاری ہے)
انہوں نے کہاکہ ہم رواں سال کیلئے اپنے اہداف کے حصول کے سلسلہ میں پرامید ہیں، اخراجات کے حوالہ سے ڈسپلن کو برقرار رکھا جائے گا جبکہ ترقیاتی سرگرمیوں اور سماجی تحفظ کے پروگرام کے رقوم میں اضافہ کیا جائے گا۔
وزیر خزانہ نے کہاکہ اقتصادی پالیسیوں میں تسلسل اور سرمایہ کاری کیلئے سازگار ماحول فراہم کرنے کے حوالہ سے وزیراعظم کے وژن کی روشنی میں برطانیہ کے ساتھ تجارت کو وسعت دینے کی بڑی صلاحیت ہے۔ اسحاق ڈار نے برطانوی ہائی کمشنر کو اپنے حالیہ دورہ افغانستان اور وہاں پاکستان کی مالی معاونت سے شروع کئے گئے ترقیاتی منصوبوں کے بارے میں بھی بریفنگ دی۔ انہوں نے کہاکہ برطانیہ پاکستان کے توانائی اور انفراسٹرکچر کے شعبوں میں دستیاب مواقع سے استفادہ کرنے کیلئے بین الاقوامی سرمایہ کاروں کی حوصلہ افزائی کرے۔ اس موقع پر برطانوی ہائی کمشنر نے کہاکہ پاکستان کی ترقی ہمارے تعلقات کی کلید ہے، ہم پاکستان کے ساتھ تجارتی اور اقتصادی تعلقات بڑھانے کیلئے کام کرنے میں گہری دلچسپی رکھتے ہیں۔ انہوں نے حکومت پاکستان کی میرٹ اور شفافیت کے حوالہ سے پالیسیوں کو سرہتے ہوئے کہاکہ جمہوریت میں حکومت کی بنیادی پالیسی ٹیکس جمع کرنا اور وسائل کو ترقیاتی کاموں کیلئے مختص کرنا ہے۔ انہوں نے سیکورٹی مسائل کے باوجود وزیر خزانہ اسحاق ڈار کے جلال آباد کے دورہ کو سراہا۔ برطانوی ہائی کمشنر نے اپنی حکومت کی جانب سے خطے میں امن و خوشحالی لانے کیلئے پاکستان کے ساتھ ملکر کام کرنے کا عزم کا اظہار کیا۔ انہوں نے کہاکہ کاسا1000- اور انرجی کوریڈور کے منصوبوں سے علاقائی تجارت کو فروغ ملے گا۔ برطانیہ ان منصوبوں میں مدد فراہم کرنے کیلئے تیار ہے۔ انہوں نے وزیر خزانہ کو یقین دہانی کرائی کہ ان کا ملک پاکستان کو اقتصادی مسائل کے حل اور غیر ملکی سرمایہ کاری لانے میں مدد فراہم کرنے کیلئے تیار ہے۔ اس موقع پر رچرڈ منٹگمری نے کہاکہ یو کے ایڈ پاکستان زرعی فنانسنگ کی فراہمی کیلئے سٹیٹ بینک آف پاکستان، تخفیف غربت فنڈ اور بینکنگ سیکٹر کے ساتھ ملکر کام کر رہا ہے۔ اس اقدام سے پاکستان کے زراعت کے شعبہ میں اختراعی طریقوں اور مالی خدمات کو فروغ دینے میں مدد ملے گی۔متعلقہ عنوان :
مزید اہم خبریں
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.