حکمران آئین پر عمل کریں، طالبان سے ہم کرا دیں گے ،پروفیسر ابراہیم ، امن کو ترجیح دینی چاہیے، آئین کی بحث الگ ہے ، آئین کی بحث فی الحال نہیں چھڑنی چاہیے ، میڈیا سے گفتگو

جمعہ 7 مارچ 2014 19:39

چار سدہ(اُردو پوائنٹ اخبار تازہ ترین۔7مارچ۔2014ء) طالبان کی مذاکراتی کمیٹی کے رکن پروفیسر ابراہیم نے کہا ہے کہ حکمران آئین پر عمل کریں، طالبان سے ہم کرا دیں گے۔ ورکروں سے گفتگو اور میڈیا سے بات چیت کرتے ہوئے پروفیسر ابراہیم نے کہاکہ امن کو ترجیح دینی چاہیے، آئین کی بحث الگ ہے۔ آئین کی بحث فی الحال نہیں چھڑنی چاہیے۔

(جاری ہے)

انہوں نے کہاکہ فوج کو مذاکراتی عمل کا حصہ بنانا ہمارا مطالبہ نہیں۔

انہوں نے کہا کہ اگر حکومت سمجھتی ہے کہ فوج کو مذاکراتی عمل کا حصہ بنایا جائے تو ہمیں اعتراض نہیں، حکومتی کمیٹی کو شاید احساس ہوگیا کہ ان کے پاس مکمل اختیار نہیں۔پروفیسر ابراہیم نے کہاکہ کچھ لوگوں کا خیال ہے کہ مذاکراتی عمل میں ان اداروں کو شامل کیا جائے جو عملی فیصلے کرنے کی پوزیشن میں ہوں۔