یو ایس ایڈ نے کرم تنگی ڈیم کے پہلے مرحلے کی تعمیر کیلئے 8 کروڑ 10 لاکھ ڈالر دینے پر رضامندی ظاہر کر دی، دو سال کی مدت میں پہلے مرحلے کی تعمیر سے16 ہزار 380 ایکڑ اراضی زیرکاشت آئے گی، 19 میگاواٹ بجلی پیدا ہوگی ،شمالی وزیرستان میں واقع کرم تنگی ڈیم دو مراحل میں تعمیر کیا جائے گا ، منصوبے کے دوسرے مرحلے پر بھی جلد کام شروع ہوجائے گا
جمعہ 7 مارچ 2014 18:42
لاہور (اُردو پوائنٹ اخبار تازہ ترین۔7مارچ۔2014ء) پانی اور پن بجلی کے اہم منصوبوں کیلئے مالی انتظامات کے حوالے سے ایک اہم پیش رفت کے طور پر یو ایس ایڈنے کرم تنگی پراجیکٹ کے پہلے مرحلے کی تعمیر کیلئے واپڈا کو8کروڑ 10لاکھ ڈالرگرانٹ مہیا کرنے پر رضامندی ظاہر کی ہے۔کرم تنگی ڈیم وفاقی حکومت کی سستی پن بجلی پیدا کرنے اور زرعی مقاصد کیلئے پانی ذخیرہ کرنے کی صلاحیت میں اضافہ کرنے کی حکمت عملی کا حصہ ہے۔
یہ امر قابل ذکر ہے کہ ایکنک نے گذشتہ جمعرات کو منعقدہ اپنے اجلاس میں12 ارب 66 کروڑ 20لاکھ روپے کی لاگت سے کرم تنگی ڈیم کے پہلے مرحلے کی تعمیر کی منظوری دی ہے۔ منصوبے کا پہلا مرحلہ آبپاشی کیلئے کے ٹو ویئر اور پن بجلی کیلئے پاور ہاؤس کی تعمیر پر مشتمل ہے، جو دو سال کی مدت میں مکمل ہوگا۔(جاری ہے)
پہلے مرحلے کی تکمیل پر 16 ہزار 380 ایکڑ اراضی زیرکاشت آئے گی اور 19 میگاواٹ بجلی پیدا ہوگی۔
اس کے علاوہ 48 ہزار 500لوگوں کو روزمرہ استعمال کیلئے پانی کی سہولت بھی میسر آئے گی۔ منصوبہ کے پہلے مرحلے سے فوائد کا اندازہ ڈیڑھ ارب روپے سالانہ ہے۔کرم تنگی ڈیم پراجیکٹ شمالی وزیرستان میں تعمیر کیا جائے گا۔ واپڈا نے اس منصوبہ کو دو مراحل میں تعمیر کرنے کا فیصلہ کیا ہے۔ منصوبے کے دوسرے مرحلے پر بھی جلد کام شروع کر دیا جائے گا۔کرم تنگی ڈیم پراجیکٹ شمالی وزیرستان میں دور دراز علاقوں سے غربت کے خاتمے اور آبپاش زراعت کے ذریعے سماجی اور اقتصادی ترقی کیلئے نہایت اہمیت کا حامل ہے۔ کرم تنگی ڈیم میں پانی ذخیرہ کرنے کی مجموعی صلاحیت 12 لاکھ ایکڑ فٹ ہے جس سے 3 لاکھ 63 ہزار ایکڑ زمین زیرکاشت لائی جائے گی۔ کرم تنگی ڈیم کے دونوں مراحل کی تکمیل سے مجموعی طور پر 83اعشاریہ 4 میگاواٹ پن بجلی بھی حاصل ہوگی۔متعلقہ عنوان :
مزید اہم خبریں
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
وزیرِاعظم محمد شہباز شریف سے جاپانی سفیر کی قیادت میں پاکستان میں جاپانی کمپنیوں و کاروباری شخصیات کے وفد کی ملاقات
-
جاپان اور پاکستان دیرینہ دوست ممالک ہیں ،جن کے مابین تجارتی تعلقات دہائیوں پر محیط ہیں. شہباز شریف
-
سعودی عرب کے کاروباری وفد کا دورہ ملکی معیشت کے لئے اہم سنگ میل ہے.شہبازشریف
-
ملک درست سمت میں آگے بڑھ رہاہے، کلیدی اقتصادی اشاریوں سے معاشی بہتری اوراستحکام کی عکاسی ہورہی ہے.محمد اورنگزیب
-
ہم چاہتے ہیں کہ 9 مئی واقعے کی مکمل تحقیقات ہونی چاہئیں
-
مرغی کے گوشت کی قیمت میں نمایاں کمی ہونے کی وجہ سامنے آ گئی
-
یہ تاثر غلط ہے کہ وزارت خارجہ نے امریکی سفیر سے ملاقات طے کرائی
-
سوشل میڈیا پر پابندی کے سوال پر ترجمان پاک فوج کا قرآن کی آیت کا حوالہ
-
واحد راستہ قوم سے معافی ،ترجمان پاک فوج نی9 مئی کے مسئلے کا حل بتادیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.