حکومت اپنا کوئی بھی وعدہ پورا نہیں کر سکی ،عوام پی پی اور (ن) کی موجودہ حکومت کا موازنہ کریں‘ یوسف رضا گیلانی
بدھ 5 مارچ 2014 17:04
لاہور( اُردو پوائنٹ تازہ ترین اخبار۔ 5مارچ 2014ء) سابق وزیر اعظم و پیپلز پارٹی کے وائس چیئرمین یوسف رضا گیلانی نے کہا ہے کہ حکومت اپنا کوئی بھی وعدہ پورا نہیں کر سکی اور عوام کو پیپلز پارٹی اور مسلم لیگ (ن) کی موجودہ حکومت کا موازنہ کرنا چاہیے ، آل پارٹیز کانفرنس میں تمام جماعتوں نے حکومت کو فیصلوں کا اختیار دے کر طاقت دی لیکن حکومت نے وقت ضائع کر دیا ، ملک اور عوام کے مفاد میں اٹھائے جانے والے اقدامات پر حکومت کو بھرپور سپورٹ دینگے لیکن اسکے برعکس کسی اقدام کی حمایت نہیں کی جائے گی ، تین ماہ میں بجلی کا بحران ختم نہ کر سکنے پر نام بدلنے کے دعوے کرنے والوں سے عوام آج خود پوچھ رہے ہیں ۔
بدھ کے روز پارٹی کے متحرک رکن دلاور بٹ کی عیادت کے بعد ثمینہ خالد گھرکی کے ہمراہ میڈیا سے گفتگو کرتے ہوئے یوسف رصا گیلانی نے کہا کہ پاکستانی پیپلز پارٹی واحد جماعت ہے جسکی آزاد کشمیر اور گلگت بلتستان سمیت چاروں چاروں صوبوں میں جڑیں ہیں ۔(جاری ہے)
پیپلز پارٹی اپنا متحرک کردار ادا کرے گی اور ذوالفقار علی بھٹو کے وژن کو مکمل کریں گے ۔ انہوں نے کہا کہ ہم حکومت کو پوری مدت دینا چاہتے ہیں لیکن اسکا ہرگز یہ مطلب نہیں کہ ملک اور عوام کے مفاد کے خلاف اٹھائے جانے والے اقدامات پر خاموش رہیں گے۔
سینیٹ میں ہماری اکثریت ہے جبکہ قومی اسمبلی اور صوبائی اسمبلیوں میں بھی ہمارے اراکین موجود ہیں ۔ انہوں نے کہا کہ ہم پر تنقید کرنے والوں کو آج اپنی غلطی کا احساس ہو چکا ہے ۔ موجودہ حکمران تین ماہ میں بجلی کا بحران ختم کرنے کے دعوے کرتے تھے جبکہ مجھے نا اہل کرانے میں بھی مسلم لیگ (ن) والے فریق تھے ۔ ہم انہیں اس وقت کہتے تھے کہ وہ وعدہ نہ کریں جو پورا نہ کر سکیں لیکن یہ ہماری نہیں مانتے تھے ۔ یہاں تک کہا گیا کہ تین ماہ میں بجلی کا بحران ختم نہ کر سکے تو ہمارا نام تبدیل کر دیا جائے اور عوام آج خود ان سے پوچھ رہے ہیں ۔ انہوں نے کہا کہ بینظیر بھٹو اور نواز شریف کے درمیان میثاق جمہوریت طے پایا جس پر ہماری حکومت نے 85فیصد عمل کیا لیکن مسلم لیگ (ن) نے اپنے منشو رپر عمل نہیں کیا ۔ ہم کہتے ہیں کہ حکومت عوام کو ریلیف دیں ۔اگر حکومت ملک اور عوام کے مفاد میں کام کرے گی تو اسکے سپورٹ دیں گے لیکن اسکے برعکس کسی بھی اقدام کی کسی صورت حمایت نہیں کیا جائے گا ،ہماری حمایت مشروط ہے ۔ انہوں نے کہا کہ پیپلز پارٹی کے بانی ذوالفقار علی بھٹو نے گلگت بلتستان کی عوام کیلئے بہت کچھ کیا اور انہیں حقوق دینے کے لئے کام کیا اسکے بعد بینظیر بھٹو نے وہاں پر پہلی مرتبہ جماعتی بنیادوں پر انتخابات کرائے جس سے لوگوں میں حوصلہ آیا ۔ انہوں نے ایک سوال کے جواب میں کہا کہ فوج حکومت کا حصہ ہے اسے اعتماد میں لینا ضروری ہے۔ انہوں نے جمشید دستی کے حوالے سے سوال کا جواب دینے سے گریز کرتے ہوئے کہا کہ ملک میں اور بہت سے بہتر ین ایشوز ہیں جن پر گفتگو کرنی چاہیے ۔قبل ازیں یوسف رضا گیلانی نے پارٹی کے رہنماؤں اور متحرک کارکنوں سے بھی ملاقاتیں کیں۔متعلقہ عنوان :
مزید اہم خبریں
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
تعلیمی اداروں میں موسم بہار کی تعطیلات کا اعلان
-
’چیف جسٹس آف پاکستان نے سخت موقف نہیں اپنایا، تو عدلیہ کی آزادی ایک خواب بن جائے گی‘
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
-
وفاقی حکومت کا بجلی چوری اور سہولت کاری میں ملوث افسران کیخلاف کاروائی کا فیصلہ
-
وفاقی وزیر داخلہ محسن نقوی کی وزیر اعلیٰ ہاؤس پشاور آمد
-
صدرمملکت آصف علی زرداری سے برطانوی ہائی کمشنر جین میریٹ کی ملاقات
-
ٹوبہ ٹیک سنگھ میں بھائی کے ہاتھوں بہن کے قتل کے حوالے سے ہولناک انکشافات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.