مٹھی بھر انتہا پسندوں کی اجارہ داری قائم نہیں ہونے دیں گے ، دہشتگردوں کی دہشتگردی جلد ختم ہوجائیگی، خواجہ سعد رفیق ،چند وحشی اورپاگل دشمنوں سے تنخواہ لے کربم دھماکے کررہے ہیں،یہ جتنے حملے کریں گے حکومت اتنا ہی ان کیخلاف آپریشن تیز کریگی،دشمن سمجھتے ہیں وہ دہشتگردی پھیلاکر عوام اورحکومت کوکمزورکردینگے تو ایساکبھی نہیں ہو گا،قوم دہشتگردی کیخلاف سیسہ پلائی ہوئی دیوار بن چکی ہے،وفاقی وزیر ریلوے کا ریلویز کے ہیروز کے اعزاز میں منعقدہ تقریب سے خطاب ، 6 ہیروز کو 6 لاکھ روپے کے چیک اور شیلڈز بھی دی گئیں
پیر 3 مارچ 2014 21:41
لاہور (اُردو پوائنٹ اخبار تازہ ترین۔3مارچ۔2014ء) وفاقی وزیر ریلوے خواجہ سعد رفیق نے کہا ہے کہ مٹھی بھر انتہا پسندوں کی اجارہ داری قائم نہیں ہونے دیں گے ، دہشتگردوں کی دہشتگردی جلد ختم ہوجائے گی، حکومت بلیک میل ہوئی ہے اور نہ ہوگی،چند وحشی اورپاگل دشمنوں سے تنخواہ لے کربم دھماکے کررہے ہیں،یہ جتنے حملے کریں گے حکومت اتنا ہی ان کیخلاف آپریشن تیز کرے گی، پاکستان کے دشمن سمجھتے ہیں کہ وہ دہشتگردی پھیلاکر عوام اورحکومت کوکمزورکردیں گے تو ایساکبھی نہیں ہو گا،پوری قوم دہشت گردی کیخلاف سیسہ پلائی ہوئی دیوار بن چکی ہے ۔
ان خیالات کا اظہار انہوں نے سوموار کے روز پاکستان ریلویز کے ہیروز کے اعزاز میں ریلوے ہیڈ کوارٹرز میں منعقدہ تقریب سے خطاب کرتے ہوئے کیا ۔(جاری ہے)
اس موقع پر وفاقی وزیر نے اسلام آباد میں ہونیوالی دہشت گردی کی بھی پرزور مذمت کی ۔وفاقی وزیر نے پاکستان ریلویز کے 6 ہیروز کو 6 لاکھ روپے کے چیک اور شیلڈز دیں۔ کانسٹیبل ابرار حسین‘ نور ابشار اور فواد اللہ کو 2.2 ملین روپے کی رقم اس کے مالک کو واپس کرنے پر جبکہ پٹرولرز رسول بخش‘ باچا اور محبوب احمد کو خوشحال خان خٹک ایکسپریس کو ایک بڑی تباہی سے بچانے پر چیک اور شیلڈیں دی گئیں۔
تقریب سے خطاب کرتے ہوئے وفاقی وزیر خواجہ سعد رفیق نے کہا کہ دہشت گردی اور مذاکرات ساتھ ساتھ نہیں چل سکتے، اگر طالبان بات چیت چاہتے ہیں تو وہ دہشتگردی کی کاروائیاں بند کریں۔ حکومت‘ منتخب پارلیمنٹ اور ریاستی ادارے اس بات پر متفق ہیں کہ مذاکرات صرف ان سے ہونے چاہئیں جو ہتھیار ڈالنے کے بعد مذاکرات چاہتے ہوں۔پوری قوم دہشت گردی کیخلاف متحد ہے اور پاکستان کی سلامتی چاہتی ہے۔ انہوں نے کہا کہ ملک دشمن عناصر پاکستان کے عوام کے دہشتگردی کے خلاف عزم کو نقصان نہیں پہنچا سکتے‘ حکومت اپنے اس موقف پر قائم ہے پاکستان کو جلد دہشت گردی سے پاک وطن بنایا جائے گا۔ وفاقی وزیر نے کہا کہ پاکستان ریلویز کو کچھ مخصوص علاقوں میں دہشت گردی کا سامنا ہے لیکن جب ٹرینوں پر حملے ہوتے ہیں تو ریلوے کے کارکنوں کا مورال اور بھی بلند ہو جاتا ہے۔ ریلوے کے پٹرولر ریلوے ٹریک پر ہر وقت مانیٹرنگ میں مصروف رہتے ہیں۔ ٹرینوں پر حملوں کی بڑی وجہ ان کا سبز رنگ ہے جو قائد اعظم محمد علی جناح کی طرف سے فائنل کیا گیا تھا اور حرکت کرتا ہوا سبز جھنڈا پاکستان کے دشمنوں کیلئے ایک بہت بڑا مسئلہ ہے۔ لیکن مٹھی بھر انتہا پسندوں کی اجارہ داری قائم نہیں ہونے دیں گے۔حکومت بلیک میل ہوئی اور نہ ہو گی ۔ قبل ازیں پاکستان ریلویز کے ان 6 ہیروز کو گارڈ آف آنرز پیش کیا گیا۔ تقریب میں اسلام آباد میں ہونیوالی دہشت گردی میں قیمتی جانوں کے ضیاع پر دکھ اور افسوس کا اظہار کیا گیا اور اس سلسلہ میں ایک قرارداد بھی منظور کی گئی۔متعلقہ عنوان :
مزید اہم خبریں
-
بھارت سے تجارتی تعلقات سے متعلق تاجروں کی درخواست کا جائزہ لیا جا رہا ہے.ترجمان دفتر خارجہ
-
پنجاب کائٹ فلائنگ آرڈیننس میں دہشتگردی کی دفعات شامل کرنے کی تجویز
-
قومی اسمبلی میں قائد حزب اختلاف کی تقرری معاملہ،حکومت اور سنی اتحاد کونسل میں تنازعہ حل نہیں ہو سکا
-
ای روزگار ٹریننگ پروگرام کے نئے مرحلے کیلئے پنجاب بھر سے 17 ہزار سے زائد درخواستیں موصول
-
ماسکو مشرقی یورپ میں امریکی اتحادی ریاستوں کے ساتھ تصادم کا خواہاں نہیں ہے. روسی صدر
-
اروند کیجریوال کی گرفتاری پر امریکا کی جانب سے اظہار تشویش کرنے پر بھارت نے امریکی سفارت کار کو طلب کرلیا
-
خطے کے 9 ممالک کے ساتھ پاکستان کا تجارتی خسارہ 10 اعشاریہ98 فیصد بڑھ گیا
-
وفاقی وزیرداخلہ محسن نقوی پشاور پہنچ گئے، امن و امان اور سکیورٹی کی صورتحال کا جائزہ لیں گے
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
-
نیپرا نے بجلی کی فی یونٹ قیمت4روپے99پیسے بڑھانے پر فیصلہ محفوظ کر لیا
-
عمران ریاض، سمیع ابراہیم سمیت 24 افراد کے نام ای سی ایل میں شامل کرنے کی منظوری
-
قرآن نذر آتش کرنے والا عراقی سویڈن کے رویے سے مایوس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.