گورنمنٹ ٹیچررز ایسوسی ایشن نے مطالبات منظور نہ ہونے پر 10 اپریل کو وزیر اعلی بلوچستان ہاؤس کے گھیراؤکی دھمکی دیدی،ناانصافی کیخلاف بطور احتجاج امتحانات کے بائیکاٹ کا فیصلہ کیا،ہرگز نقل کے حق میں نہیں، اصولی موقف کو غلط رنگ دیاگیا،عہدیداروں کی پریس کانفرنس
پیر 3 مارچ 2014 19:29
چاغی(اُردو پوائنٹ اخبار تازہ ترین۔3مارچ۔2014ء) گورنمنٹ ٹیچررز ایسوسی ایشن نے 31 نکاتی مطالبات منظور نہ ہونے پر احتجاجی تحریک چلاکر 10 اپریل کو وزیر اعلی بلوچستان ہاؤس کے گھیراؤ کا اعلان کر دیا۔ اس بات کاا علان جی ٹی اے بی کوئٹہ ڈویژن کے جنرل ․سیکرٹری منظور راہی بلوچ، چاغی کے ضلعی صدر امیر شاہ بلوچ،سینئر نائب صدر حاجی عبدالحئی یوسفزئی ،نائب صدر نبی بخش نوتیزئی ، جنرل سیکرٹری سید خان صابر، ڈپٹی جنرل سیکرٹی دلمراد بلوچ ،فنانس سیکرٹری امان اللہ رند، چیئرمین محمد اشرف جوشنزئی، آرگنائزر حاجی عبدالطیف عادل،دالبندین سرکل کے صدر حضور بخش نوتیزئی و دیگر عہدیداروں کے ہمراہ دالبندین پریس کلب میں پرہجوم پریس کانفرنس سے خطاب کرتے ہوئے کیا۔
انہوں نے کہا کہ حکومتی اتحاد میں شامل لسانی جماعت کے بغل بچہ تنظیم کی ایماء اور مشیر تعلیم کے نواسے کے لیئے مخصوص امتحانی ہال نہ بنانے کی پاداش میں کوئٹہ کے اساتذہ کی بلاوجہ تذلیل کر کے انھیں معطل کیا گیا جس کی شدید الفاظ میں مذمت کرتے ہیں۔(جاری ہے)
انہوں نے کہا کہ اس ناانصافی کے خلاف جی ٹی اے بی نے بطور احتجاج امتحانات کے بائیکاٹ کا فیصلہ کیا، انہوں نے واضح کیا کہ ہم ہرگز نقل کے حق میں نہیں بلکہ ہمارے اصولی موقف کو غلط رنگ دیاگیا حالانکہ ہم نے تعلیمی نظام کی بہتری کے لیئے حکومت کو گھوسٹ اسکولز کھولنے کی کی پیشکش کی تھی۔
انہوں نے کہا ہماری احتجاج کے بعد کلرکس اور لیویز اہلکاروں کے ذریعے بعض امتحانی ہالز میں امتحانات لئے گئے ، انہوں نے واضع کیا کہ میٹرک کے امتحانات میں نقل آج بھی جاری ہے جو ایک منافع بخش کاروبار بن چکی ہے حکومتی وزراء اب کیوں امتحانی ہالز کا دورہ نہیں کرتے؟ انہوں نے کہا کہ ہماری جدوجہد اپنے جائز مطالبات منوانے کے لیئے ہے جس میں اساتذہ کے لیئے پچاس فیصد کوٹہ پر عملدر آمد سمیت 31 نکاتی مطالبات ہیں۔انہوں نے کہا کہ حکومتی بغل بچہ تنظیم کے ایماء پر 184 اساتذہ کو معطل کیا گیا جنہیں فوری طور پر بحال کیا جائے۔انہوں نے کہا کہ اپنے مطالبات کے حق میں بلوچستان کی سطح پر جے ٹی اے بی چھ تا دس مارچ پریس کلبز میں بھوک ہڑتالی کیمپ لگائی جائے گی، پندرہ مارچ کوپریس کلبز کے سامنے مظاہرے، سترہ مارچ کو دفاتر کی تالہ بندی، اکیس مارچ کو ریلیاں نکالی جائیں گی جس کے بعد دس اپریل کو دمادم مست قلندر ہوگا۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.