ڈی جی رینجرز نے قائمہ کمیٹی کے اجلاس میں نہ آکر سینیٹ کی توہین کی،افراسیاب

ہفتہ 1 مارچ 2014 15:33

اسلام آباد(اُردو پوائنٹ تازہ ترین اخبار۔ 1مارچ 2014ء) سینٹ کی قائمہ کمیٹی برائے انسانی حقوق کے چیئرمین سینیٹر افراسیاب خٹک کا کہنا ہے کہ کراچی میں ناگن چورنگی کے واقعے پر ڈی جی رینجرز کو بلایا تھا مگر وہ نہیں آئے انہوں نے نہ آکر سینیٹ کی توہین کی ہے۔ کراچی میں سینٹ کی قائمہ کمیٹی کے اجلاس کے بعد میڈیا سے بات کرتے ہوئے سینیٹر افراسیاب خٹک کا کہنا تھا کہ کوئی بھی قانون سے بالا تر نہیں ہے۔

(جاری ہے)

انہوں نے کہاکہ رینجرز اہلکار کو بھی قانون کئے مطابق ہی سزا ملنی چاہئے۔ان کا کہنا تھا کہ تجویز آئی ہے کہ وزیر اعلیٰ ہاوٴس میں ایک انسانی حقوق کی کمیٹی قائم کی جائے جو مسائل کو حل کرنے میں مدد دے۔اجلاس میں ایم کیو ایم کی سینیٹر نسرین جلیل کا کہنا تھا کہ ایم کیو ایم کے کارکنان کو جن لوگوں نے پکڑا ہے انہیں کارکنان کو سامنے لانا ہو گا ۔ لوگوں کو پکڑ کر گمشدہ کردینا درست نہیں۔ چیئرمین قائمہ کمیٹی افراسیاب خٹک کا کہنا تھا کہ اجلاس میں آپریشن کی صورت میں نقل مکانی کرنیوالے ، لاپتہ اور تشدد کا نشانہ بننے والے افراد حوالے سے بھی بات چیت ہوئی۔