امریکا، اسلام مخالف فلم یوٹیوب سے ہٹانے کے حکم کیخلاف گوگل کی اپیل مسترد

ہفتہ 1 مارچ 2014 12:18

نیویارک(اُردو پوائنٹ تازہ ترین اخبار۔ 1مارچ 2014ء) امریکی عدالت نے اسلام مخالف فلم کو یوٹیوب سے ہٹانے کے حکم کیخلاف گوگل کی اپیل مسترد کردی۔غیر ملکی خبر ایجنسی کے مطابق امریکی عدالت نے دو دن پہلے گوگل کو یوٹیوب سے اسلام مخالف متنازع فلم ہٹانے کاحکم دے دیا تھا۔گوگل نے فیصلے کے خلاف اپیل کورٹ میں درخواست دائر کی تھی۔

(جاری ہے)

گوگل نے اپنی درخواست میں عدالتی فیصلے کو اظہار رائے کے منافی قرار دیا تھا۔امریکی اپیل کورٹ نے اپنے مختصر فیصلے میں گوگل کی درخواست خارج کرتے ہوئے چوبیس گھنٹے میں فلم کو یوٹیوب سے ہٹانے کا حکم دیا۔گوگل حکام نے عدالت کو بتایا کہ وہ متنازع فلم یوٹیوب سے ہٹاچکے ہیں۔ تاہم گوگل نے سرکٹ کورٹ میں مقدمے کی دوبارہ سماعت کے لیے بھی درخواست دائر کرکھی ہے۔