زرعی قرضے کی تقسیم کا ہدف بڑھا کر 380 ارب روپے کردیا گیا
جمعرات 27 فروری 2014 19:49
کراچی (اُردو پوائنٹ اخبار تازہ ترین۔26 فروری ۔2014ء)مالی سال 2013-14ء کے 380 ارب روپے زرعی قرضے کے ہدف کے مقابلے میں بینکوں نے جولائی تا جنوری 2014ء کے دوران 190 ارب روپے تقسیم کیے جو ہدف سے 50 فیصد زیادہ ہے۔ یہ رقم گذشتہ سال کی اسی مدت کے دوران تقسیم کردہ 169.4 ارب روپے سے 12.0 فیصد زیادہ ہے۔ زرعی قرضوں کا واجب الادا پورٹ فولیو 40.1 ارب روپے (17.2 فیصد) بڑھ گیا ہے یعنی گذشتہ برس کی اسی مدت کے مقابلے میں آخر جنوری 2014ء کو 232.7 ارب روپے سے بڑھ کر 272.8 ارب روپے ہوگیا۔
واضح رہے کہ پچھلے دو برسوں کی بینکوں کی حوصلہ افزا کارکردگی کی روشنی میں ایگری کلچرل کریڈٹ ایڈوائزری کمیٹی (ACAC) نے 17 فروری 2014ء کو گورنر (قائم مقام) اسٹیٹ بینک کی سربراہی میں ہونے والے ایک اجلاس میں مالی سال 2013-14ء کے لیے زرعی قرضے کی تقسیم کا عبوری ہدف 360 ارب روپے سے بڑھا کر 380 ارب روپے کرنے کی منظوری دی تھی۔(جاری ہے)
نظر ثانی شدہ ہدف 2012-13ء میں تقسیم کردہ 336 ارب روپے سے 13 فیصد زیادہ ہے۔
چنانچہ پانچ بڑے کمرشل بینکوں کے لیے 188.0 ارب روپے (49.5 فیصد)، 14 ملکی نجی بینکوں کے لیے 90.4 ارب روپے (23.8 فیصد)، زرعی ترقیاتی بینک لمیٹڈ کے لیے 69.5 ارب روپے (18.3 فیصد)، پنجاب پراونشل کوآپریٹو بینک کے لیے 10.0 ارب روپے (2.6 فیصد)، 7 مائیکروفنانس بینکوں کے لیے 21.6 ارب روپے (5.7 فیصد) اور تین نئے شامل ہونے والے اسلامی بینکوں کے لیے 0.5 ارب روپے (0.1 فیصد) مختص کیے گئے ہیں۔گروپ کی حیثیت سے پانچ بڑے بینکوں نے 98.7 ارب روپے یا اپنے سالانہ ہدف کے 52.5 فیصد زرعی قرضے تقسیم کیے جو گذشتہ برس کی اسی مدت میں تقسیم کیے گئے 89.6 ارب روپے سے 10.0 فیصد زائد ہے۔ بڑے بینکوں میں ایم سی بی، حبیب بینک، نیشنل بینک، یونائیٹڈ بینک اور الائیڈ بینک نے اپنے ہدف کا بالترتیب 57.3 فیصد، 56.7 فیصد اور 55.4 فیصد، 43.8 فیصد اور 41.6 فیصد حاصل کیا۔ تخصیصی بینکوں میں زرعی ترقیاتی بینک لمیٹڈ اپنے ہدف کا صرف 45.4 فیصد حاصل کر سکا اور اس نے اپنے 69.5 ارب روپے کے سالانہ ہدف کے مقابلے میں 31.5 ارب روپے تقسیم کیے جبکہ پنجاب پراونشل کوآپریٹو بینک لمیٹڈ اپنے 10.0 ارب روپے کے ہدف میں سے 47.2 فیصد حاصل کر سکا اور زیر جائزہ مدت کے دوران 4.7 ارب روپے تقسیم کیے۔ 14 ملکی نجی بینکوں نے مجموعی طور پر اپنے اہداف کا 46.0 فیصد حاصل کیا۔ تاہم بینک الحبیب نے اپنے سالانہ ہدف کا 63.8 فیصد حاصل کیا، بینک آف پنجاب نے اپنے ہدف کا 52.7 فیصد، سندھ بینک نے 50.2 فیصد اور بینک آف خیبر اپنے سالانہ ہدف کا 50.0فیصد حاصل کر سکا۔ مزید برآں، فیصل بینک نے 45.1 فیصد، سونیری بینک نے 44.5 فیصد اور بینک الفلاح اپنے ہدف کا 42.8 فیصد حاصل کر سکے۔ 14 ملکی نجی بینکوں میں سے این آئی بی ابینک اپنے سالانہ ہدف کا صرف 33.3 فیصد، سلک بینک 32.9 فیصد، عسکری بینک 21.6 فیصد، سمٹ بینک 19.1 فیصد اور کے اے ایس بی اپنے سالانہ ہدف کا 16.5 فیصد حاصل کر سکا۔ سات مائیکرو فنانس بینکوں نے بطور گروپ اپنے زرعی قرضوں کے 21.6 ارب روپے کے سالانہ ہدف میں سے60.8 فیصد یا 13.1 ارب روپے تقسیم کیے۔ فنانسنگ کے اسلامی طریقوں کے تحت نئے شامل کیے جانے والے اسلامی بینکوں نے زیر جائزہ مدت کے دوران زرعی قرض لینے والے افراد کو 0.532 ارب روپے کے سالانہ ہدف میں سے مجموعی طور پر 47.6 فیصد یا0.252 ارب روپے تقسیم کئے۔مزید تجارتی خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
سونے کی قیمتوں میں اضافے کا رجحان برقرار
-
روٹی زائد قیمت پر فروخت کرنے والوں کیخلاف کریک ڈائون جاری، 115 افراد گرفتار
-
ایس ای سی پی نے نیا آن لائن کمپلینٹ مینجمنٹ سسٹم ’ایس ای سی پی ایکس ایس‘ متعارف کروا دیا
-
بینک دولتِ پاکستان کی زری پالیسی کمیٹی (ایم پی سی)کا اجلاس 29اپریل کو ہوگا
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ
-
عالمی اور مقامی مارکیٹوں میں سونے کی قیمت میں مزید اضافہ
-
ایل پی جی کی درآمدات میں جاری مالی سال کے دوران سالانہ بنیادوں پر9 فیصد اضافہ
-
کریڈٹ کارڈز کے زریعہ خریداری اورادائیگیوں میں مارچ کے دوران سالانہ بنیادوں پر26.1 فیصداضافہ
-
ملک میں دالوں کی درآمدات میں جاری مالی سال کے دوران کمی
-
پاکستان سٹاک ایکسچینج میں تیزی، 100 انڈیکس72 ہزار445پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.