میٹروبس پراجیکٹ جنوبی ایشیا کا شاندار اور منفرد منصوبہ ہے ‘ بھارتی صحافی ،اہل پنجاب خوش قسمت ہیں کہ انہیں محمد شہباز شریف جیسا متحرک اور ان تھک وزیر اعلی ملا‘صدر کولکتہ پریس کلب،کولکتہ پریس کلب کے 13 رکنی وفد کا لاہور کا دورہ، مصروف ترین دن گزارا، تاریخی مقامات کی سیر اور میٹروبس پر بھی سفرکیا
جمعرات 20 فروری 2014 21:58
لاہور(اُردو پوائنٹ اخبار تازہ ترین۔20 فروری ۔2014ء) پاکستان کے دورے پر آئے کولکتہ پریس کلب کے صحافیوں نے میٹروبس پراجیکٹ کو جنوبی ایشیا کا شاندار اور منفرد منصوبہ قرار دیتے ہوئے کہا ہے کہ لاہور کے شہریوں کو بین الاقوامی معیار کی آرام دہ اور سستی سفری سہولیات فراہم کرنے پر وزیر اعلی پنجاب محمد شہباز شریف مبارکباد کے مستحق ہیں- اہل لاہور خوش قسمت ہیں کہ انہوں نے محمد شہباز شریف کی شکل میں متحرک اور انتھک وزیر اعلی ملا ہے -ان خیالات کا اظہار انہوں نے ماڈل ٹاؤن سے سول سیکرٹریٹ تک میٹروبس پر سفر کے دوران گفتگو کرتے ہوئے کیا- کولکتہ پریس کلب کے صحافیوں کے 13 رکنی وفد نے صدر کولکتہ پریس کلب سدپتا سنگپتا کی سربراہی میں آج لاہور میں مصروف دن گزارا- وفد نے پہلے روز ارفع کریم ٹاور میں انفارمیشن ٹیکنالوجی بورڈ کے دفتر کا دورہ کیا-جہاں پر انہیں انفارمیشن ٹیکنالوجی بورڈ کی کارکردگی اور مختلف منصوبوں کے بارے میں تفصیلی بریفنگ دی گئی-بعد ازاں وفد نے لاہور میٹروبس اتھارٹی کے دفتر کا دورہ کیا- اتھارٹی کے سینئر افسران نے بھی وفد کو میٹرو بس کے بارے میں آگاہ کیا- انہیں بتایا گیا کہ میٹروبس منصوبہ کو 2011ء کی قلیل مد ت میں مکمل کیا گیا ہے - صحافیوں کو بتایا کہ اس کا دائرہ کار مرحلہ وار صوبے کے دیگر شہروں تک بڑھا یا جا رہا ہے اور رواں ماہ کے آخر میں وزیر اعظم پاکستان محمد نواز شریف اور وزیر اعلی پنجاب محمد شہباز شریف راولپنڈی میٹروبس منصوبے کا سنگ بنیاد رکھیں گے -بعد ازاں بھارتی صحافیوں نے ماڈل ٹاؤن سے سول سیکرٹریٹ تک میٹروبس پر سفر کیا اور اس سفر سے لطف اندوز ہوئے-بعدازاں بھارتی صحافیوں کے وفد کے ارکان نے لاہور عجائب گھر ، بادشاہی مسجد، شاہی قلعہ کی سیر کی - انہوں نے مزیر اقبال پر بھی حاضری دی اور دعا کی- وفد کے ارکان مڑھی رجنیت سنگھ بھی گئے-
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.