خیبرپختونخوا ملک کی ریڑھ کی ہڈی ہے یہاں امن ہوگا توپورے میں امن قائم ہوگا،سردارمہتاب، صوبہ کے زمینی حقائق سے لودھراں اور بنی گالہ والے بے خبر ہیں وہاں سے ڈائریکشن ملیں گی تو حالات ٹھیک نہیں ہوں گے،امن وامان پربحث
جمعرات 20 فروری 2014 21:46
پشاور(اُردو پوائنٹ اخبار تازہ ترین۔20 فروری ۔2014ء) خیبر پختونخوا اسمبلی میں اپوزیشن لیڈر سردار مہتاب احمد خان نے کہا ہے کہ صوبہ کے زمینی حقائق سے لودھراں اور بنی گالہ والے بے خبر ہیں وہاں سے ڈائریکشن ملیں گی تو حالات ٹھیک نہیں ہوں گے ۔ صوبہ ملک کی ریڑھ کی ہڈی ہے یہاں امن قائم ہو گا تو پورے ملک میں امن قائم ہو گا مگر افسوس کہ صوبہ بدترین بدامنی کا شکار ہے اور حکمران آنکھیں بند کر کے بیٹھے ہوئے ہیں ۔
وزیراعظم نواز شریف نے ڈرون حملوں کی بندش سے متعلق تحریک انصاف کے اقدام کی تمام تر غیر ملکی دباؤ کے باوجود حمایت کی اور ساتھ دیا۔انہوں نے کہا کہ حکومت امن کے قیام کے لئے حقیقی اقدامات کرے گی تو اپوزیشن بھرپور ساتھ دے گی ، یہ باتیں انہوں نے جمعرات کے روز صوبے میں امن وامان کی صورتحال پر بحث کے دوران اظہار خیال کرتے ہوئے کہی ۔(جاری ہے)
اپوزیشن لیڈر نے کہا کہ انتخابات کے دوران تحریک انصاف نے اپنی انفرادیت قائم کرتے ہوئے عوام کو یقین دہانی کروائی تھی کہ وہ دنوں ، ہفتوں اور مہینوں میں صوبہ کے حالات بدلے گی مگر ایسا نہیں ہوا کیونکہ حکومت کا کوئی ویژن ہی نہیں صوبہ تشویشناک صورتحال سے دوچار ہے ہم تنقید برائے تنقید نہیں بلکہ تنقید برائے اصلاح چاہتے ہیں آج صوبائی حکومت کا ہر رکن وزیر ہے ، مشیر ہے ، پارلیمانی سیکرٹری ہے مگر اس کے باوجود صوبے میں کہیں بھی حکومت نظر نہیں آ رہی ۔
آج ڈاکٹرز ، عالم فاضل اور صنعت کار محفوظ نہیں ، لوگ صوبے سے ہجرت کر رہے ہیں ، عوام مایوسی کا شکار ہیں ، صوبے میں چار سو سے زائد دہشت گردی کے واقعات ہو چکے ہیں ، موجودہ صوبائی حکومت میں ایک سو پچاس سے زائد فورس کے افسران و جوانوں نے جام شہادت نوش کیا جبکہ تین چار سو سے زائد سویلین بھی شہید ہوئے ۔ انہوں نے کہا کہ صوبہ کو اپنی بدانتظامی کی وجوہات وفاقی حکومت پر نہیں ڈالنی چاہئیں ۔ صوبائی حکومت نے جب ڈرون حملوں سے متعلق نیٹو سپلائی بند کرنے کا سخت فیصلہ کیا تو اس سے قطع نظر کہ یہ فیصلہ ملکی مفاد میں ہے کہ نہیں لیکن اس کے باوجود مرکزی حکومت نے کوئی کارروائی نہیں کی اور تمام تر غیر ملکی دباؤ کے باوجود وزیراعظم نواز شریف نے صوبائی حکومت کے اقدام کی حمایت کی اور ڈرون حملوں سے متعلق وزیراعظم نے صوبہ کے موقف کو اپنا موقف تسلیم کیا اس لئے بدانتظامی کی ذمہ داری وفاق پر ڈالنا نہیں چاہئے ۔ سردار مہتاب نے کہاکہ صوبائی حکومت فرقہ واریت کے بڑھتے ہوئے ناسور کو روکنے میں ناکام ہوئی ہے یہ بہت خطرناک روش ہے اسے ہر صورت روکنا ہو گا ۔ آج تبلیغی مراکز میں بھی بموں کے دھماکے ہو رہے ہیں جو کہ افسوسناک ہیں ۔ اپوزیشن لیڈر نے کہا کہ افغانستان سے اتحادی افواج کے انخلاء کے بعد افغانستان میں جو اندرونی صورتحال ہو گی اس کے حوالے سے کوئی منصوبہ بندی نہیں کی جا رہی کیونکہ افغانستان میں انخلاء کے بعد اندرونی تبدیلیاں رونما ہوں گی ۔ انہوں نے کہا کہ حکومت کو امن کے قیام کے لئے تمام تر وسائل بروئے کار لانے چاہئیں اور لوگوں کی جان و مال کے تحفظ کو یقینی بنانا چاہئے اس کے لئے ضروری ہے کہ فورس کو حکومتی طاقت مہیا کی جائے اور فورس کے مورال کو بلند کیا جائے ۔متعلقہ عنوان :
مزید قومی خبریں
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
-
افغانستان سے پاکستان میں دراندازی کرنیوالے افغان دہشتگرد کے ہوشروبا انکشافات
-
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار میں میگنولیا گرینڈی فلورا کا پودا لگایا
-
فتنہ پارٹی بشری بی بی کی صحت سے متعلق پراپیگنڈہ کر رہی ہے ، عظمی بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.