پاکستان اور بھارت نے ایک ماہ سے زائد عرصے کے بعد لائن آف کنٹرول پر تجارت دوبارہ شروع کردی

جمعرات 20 فروری 2014 16:42

کراچی (اُردو پوائنٹ تازہ ترین اخبار۔ 20فروری 2014ء) پاکستان اور بھارت نے ایک ماہ سے زائد عرصے کے بعد لائن آف کنٹرول پر تجارت دوبارہ شروع کردی ہے۔

(جاری ہے)

پاکستان اور بھارتی حکام نے گذشتہ روز تجارت بحالی سے متعلق مذاکرات کیے جن میں مختلف معاملات زیر غور آئے بالآخر پاک بھارت حکام لائن آف کنٹرول پر مظفرآباد اور سری نگر کے درمیان تجارت کو ایک ماہ سے زائد عرصے کے بعد بحال کرنے پرراضی ہوگئے۔بھارتی حکام نے الزام لگایا تھا کہ آزاد کشمیر سے آنے والی ٹرک میں منشیات اسمگل کی جارہی تھی جس کے بعد لائن آف کنٹرول پر تجارت 17 جنوری کو بند کردی گئی تھی اور تاجروں کو پریشانی کا سامنا کرنا پڑا تھا۔