صوبائی وزیراطلاعات کادورہ عوامی شکایات سیل،سیل کو گزشتہ سال جون کے مہینے سے لیکر ماہ رواں تک کل13959عوامی شکایات موصول ہوئی
منگل 18 فروری 2014 19:34
پشاور(اُردو پوائنٹ اخبار تازہ ترین۔18 فروری ۔2014ء)خیبر پختونخوا کے وزیر اطلاعات ، تعلقات عامہ و آبنوشی شاہ فرمان نے منگل کے روز وزیر اعلیٰ سیکرٹریٹ میں عوامی شکایات کے فوری ازالے کے لئے قائم وزیر اعلیٰ کمپلینٹ سیل کا تفصیلی دورہ کیا۔اس موقع پر کمپلینٹ سیل کے چیئرمین دلدوز خان اور ڈپٹی چیئرمین مکرم آفریدی بھی موجود تھے۔ شکایات سیل کے چیئرمین نے وزیر اطلاعات کو بریفنگ دیتے ہوئے بتایاکہ وزیر اعلیٰ خیبر پختونخواکی ہدایات کی روشنی میں قائم ہونے والے سیل کو گزشتہ سال جون کے مہینے سے لیکر ماہ رواں تک کل13959عوامی شکایات ٹیلی فون،ای میل،فیکس اور درخواستوں کے ذریعے موصول ہوئیں۔
کمپلینٹ سیل نے ان شکایات پر کارروائی کرتے ہوئے6222شکایات متعلقہ محکموں کو ارسال کیں جن میں اہم نوعیت کی2167شکایات کا فوری ازالہ کر دیا گیا۔(جاری ہے)
1951شکایات کے بارے میں چھان بین ہو رہی ہے جن پر بہت جلد متعلقہ محکموں سے جواب موصول ہونے کے بعد کارروائی کی جائے گی۔چیئرمین کمپلینٹ سیل نے بتایاکہ 9841شکایات جو کہ صحیح معلومات فراہم نہ کرنے یا ذاتی نوعیت کے مسائل یانا معلوم لوگوں کی جانب سے موصول ہوئے لیکن کوئی کارروائی نہ ہو سکی جبکہ بجلی و گیس کی لوڈ شیڈنگ اور وفاق سے متعلق عوامی شکایات کو بھی متعلقہ وفاقی محکموں کو ارسال کیا گیا جن پر خاطر خواہ عملدرآمدکیا گیا ہے۔
اس موقع پر وزیر اطلاعات نے ٹیلی فون کے ذریعے براہ راست عوامی شکایات سنیں اور ان کے حل کے لئے فوری ہدایات بھی جاری کیں۔سروبی سے رحمت بی بی نامی معمر خاتون نے انتقال اراضی کے سلسلے میں اپنی شکایت درج کرائی جس پر متعلقہ پٹواری سے تفصیلات حاصل کی گئیں اور معمر خاتون کی شکایت پر فوری کارروائی کرتے ہوئے اس کا مسئلہ حل کر دیا گیا جبکہ کالو خان صوابی کے نوجوان کی شکایت پر متعلقہ پولیس سٹیشن کو نوجوان کو فوری انصاف فراہم کرنے کی ہدایت کی گئی۔ وزیر اطلاعات کافی دیر تک وہاں موجود رہے اور صحت، تعلیم، آبنوشی،پولیس،بجلی اور گیس سے متعلق عوامی شکایات سننے میں خصوصی دلچسپی ظاہر کرتے ہوئے ان کے حل کے لئے احکامات بھی جاری کئے۔ اس موقع پر شاہ فرمان نے کہا کہ حکومت عوام کے مسائل حل کرنے پر خصوصی توجہ دے رہی ہے۔انہوں نے کہا کہ موجودہ صوبائی حکومت وزیر اعلیٰ پرویز خٹک کی قیادت میں صوبے کے عوام کی محرومیوں کا ازالہ کرے گی جس کے لئے حکومت نے مربوط حکمت عملی وضع کی ہے جس کے اثرات بہت جلد ظاہر ہونا شروع ہو جائیں گے۔شاہ فرمان نے کہا کہ حکومت کے ساتھ ساتھ اپوزیشن کے نمائندوں کو بھی شکایات سیل آنے کی دعوت دی جائے تاکہ اپوزیشن اراکین بھی عوامی مسائل کے حل میں اپنا مثبت کردار اداکرتے ہوئے حکومتی کوششوں میں ساتھ دیں کیونکہ یہ صوبہ ہم سب کاہے اور یہاں کے عوام کے مسائل کے حل کیلئے ہمیں مل کر کام کرنا ہوگا۔وزیر اطلاعات نے شکایات سیل کی کارکردگی پر اطمینان کا اظہار کرتے ہوئے اسے سراہا اور اس کی استعداد کار بڑھانے کے لئے تجاویز بھی پیش کیں۔انہوں نے عوام سے بھی اپیل کی کہ وہ اپنی شکایات کے سلسلے میں مناسب معلومات کے ساتھ وزیر اعلیٰ کمپلینٹ سیل کو اپنی شکایات ارسال کریں تاکہ ان پر فوری کارروائی کی جاسکے۔مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.