پاکستانی بلائنڈ کرکٹ ٹیم نے دوسرے ٹی ٹوئنٹی میں بھارت کو شکست دے دی

اتوار 16 فروری 2014 20:58

فیصل آباد(اُردو پوائنٹ اخبار تازہ ترین۔16فروری۔2014ء) دوسرے ٹی ٹونٹی میں پاکستانی بلائنڈ کرکٹ ٹیم نے بھارتی بلائنڈ کرکٹ ٹیم کو9 وکٹوں سے شکست دے کر سیریز اپنے نام کرلی۔

(جاری ہے)

فیصل آباد کے اقبال اسٹیڈیم میں کھیلے گئے میچ میں بھارت نے ٹاس جیت کر پہلے کھیلنے کا فیصلہ کیا اور مقررہ 20 اوورز میں 208 رنز بنا ئے، بھارتی کپتان پٹیل نے سب سے زیادہ 76 رنز بنائے۔ جواب میں پاکستانی کھلاڑیوں نےجارحانہ بیٹنگ کی، محمد زاہد نے شاندار بیٹنگ کرتے ہوئے گراؤنڈ کے چاروں اطراف دلکش اسٹروک کھیلے، انہوں نے ناقابل شکست 103 رنز بنائے، پاکستانی بلے بازوں نے ہدف سترہویں اوور میں باآسانی حاصل کرلیا۔