جیکب آباد: ریلوے ٹریک پر دھماکے سے خوشحال خان ایکسپریس کی 3 بوگیاں اتر گئیں، 4 بچوں سمیت 8 افراد مسافر جاں بحق
اتوار 16 فروری 2014 14:01
جیکب آباد(اُردو پوائنٹ اخبار تازہ ترین۔16فروری۔2014ء) ٹھل ریلوے اسٹیشن کے قریب ریلوے ٹریک پر دھماکے سے خوشحال خان خٹک ایکسپریس کی 3 بوگیاں پٹری سے اتر گئیں جبکہ ایک ہی خاندان کے 4 بچوں سمیت 8 افراد جاں بحق اور متعدد زخمی ہو گئے۔نجی ٹی وی کے مطابق خوشحال خان خٹک ایکسپریس کراچی سے پشاور جا رہی تھی کہ سندھ اور بلوچستان کے سرحدی علاقے جیکب آباد میں ٹھل ریلوے اسٹیشن کے قریب پٹری پر دھماکہ ہو گیا جس کے نتیجے میں ٹرین کی 3 بوگیاں پٹری سے نیچے اتر گئیں جبکہ ایک ہی خانداد کے 4 بچوں سمیت 8 مسافر جاں بحق اور 30 سے زائد زخمی ہو گئے، امدادی ٹیموں کے اہلکاروں نے زخمیوں کو ٹھل اور تنگوانی کے اسپتالوں میں منتقل کر دیا ہے۔
پولیس حکام کا کہنا ہے کہ ابتدائی معلومات کے مطابق دھماکہ خیز مواد پٹری پر نصب کیا گیا تھا جیسے ہی ٹرین قریب پہنچی تو ریموٹ کنٹرول ڈیوائس کی مدد سے دھماکہ کر دیا گیا تاہم مکمل تحقیقات کے بعد ہی کوئی حتمی بیان جاری کیا جا سکے گا۔(جاری ہے)
وزیر ریلوے خواجہ سعد رفیق نے ریلوے ٹریک پر دھماکے کی شدید الفاظ میں مذمت کرتے ہوئے ریلوے حکام کو امدادی کارروائیاں تیز کرنے اور مسافروں کے لئے فوری طور پر متبادل ٹرین کا بندو بست کرنے کا حکم دیا ہے۔ خواجہ سعد رفیق نے ڈی جی ریلوے سے واقعے کی رپورٹ بھی طلب کر لی ہے۔
مزید اہم خبریں
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.