وزیراعلیٰ محمد شہبازشریف سے وزیرداخلہ چوہدری نثار علی خان کی ملاقات‘ سکیورٹی کی صورتحال پر تبادلہ خیال،پاک فوج نے دفاع پاکستان کے لئے بیش بہا قربانیاں دے کر ایک نئی داستان رقم کی ہے،پاک فوج کو سیاسی پارٹیوں اور عوام کی بھرپور حمایت حاصل ہے‘ وزیراعلیٰ محمد شہبازشریف، سکیورٹی کو یقینی بنانے کے لئے پاک فوج کی استعداد اور صلاحیتوں کے بارے میں کسی قسم کا ابہام نہیں ہونا چاہیے، فوجی آپریشن کی صورت میں کامیابی کے 40فیصد امکانات کا حوالہ سیاق و سباق سے ہٹ کر ہے‘وزیرداخلہ
جمعہ 14 فروری 2014 22:41
لاہور(اُردو پوائنٹ اخبار تازہ ترین۔14 فروری ۔2014ء) وزیراعلیٰ پنجاب محمد شہبازشریف سے وفاقی وزیرداخلہ چوہدری نثار علی خان نے یہاں ملاقات کی اور ملک خصوصاً پنجاب میں سکیورٹی کی صورتحال پر تبادلہ خیال کیا-ملاقات کے دوران طالبان کے ساتھ جاری مذاکرات کا عمل زیربحث آیا۔ چوہدری نثار علی خان نے وزیراعلی کو اس ضمن میں ہونے والی پیش رفت سے آگاہ کیا- بعض سیاسی رہنماؤں کی جانب سے ملٹری آپریشن کے ذریعے کامیابی کے امکانات کے متعلق سیاسی بیانات کی وضاحت کرتے ہوئے چوہدری نثار علی خان نے وزیراعلیٰ کو بتایا کہ پاکستان کے کسی بھی حصے میں سکیورٹی کو یقینی بنانے کے لئے پاک فوج کی استعداد اور صلاحیتوں کے بارے میں کسی قسم کا ابہام نہیں ہونا چاہیے۔
انہوں نے کہا کہ پاک فوج نے بنوں کے واقعہ کے پس منظر میں وزیرستان میں ٹارگٹڈ آپریشن اور سوات میں امن اور سکیورٹی کی بحالی کے ذریعے اپنی پیشہ ورانہ صلاحیتوں کا لوہا منوایا ہے۔(جاری ہے)
انہوں نے بتایا کہ فوجی آپریشن کی صورت میں کامیابی کے 40فیصد امکانات کا حوالہ سیاق و سباق سے ہٹ کر ہے-انہوں نے کہا کہ حکومت مطلوبہ مقاصد کے حصول کے لئے مذاکرات کے عمل کو صحیح سمت میں آگے بڑھا رہی ہے- انہوں نے کہا کہ افواج پاکستان ملک میں سکیورٹی کی صورتحال کو یقینی بنانے کی بھرپور صلاحیت رکھتی ہیں-وزیراعلیٰ محمد شہبازشریف نے اس موقع پر گفتگو کرتے ہوئے کہا کہ پاک فوج نے دفاع پاکستان کے لئے بیش بہا قربانیاں دے کر ایک نئی داستان رقم کی ہے-انہوں نے کہا کہ پاکستانی عوام اور حکومت کو مسلح افواج کی پیشہ ورانہ صلاحیتوں پر بھرپور اعتماد ہے-وزیراعلیٰ نے کہا کہ پاک فوج کے مورال اور پیشہ ورانہ صلاحیتوں پر اثر انداز ہونے والے بیانات سے ہر صورت گریز کیا جاناچاہیے۔
انہوں نے کہا کہ پاک فوج کو سیاسی پارٹیوں اور عوام کی بھرپور حمایت حاصل ہے- ملاقات میں پنجاب میں پولیس کی استعداد کار میں اضافے کے حوالے سے بھی تبادلہ خیال کیا گیا-متعلقہ عنوان :
مزید اہم خبریں
-
پاکستان کے ساتھ کوئی کشیدگی نہیں ہے، امریکہ
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.