عالمی برادری پاکستانی معیشت کو استحکام دے کر دنیا کے امن کے لیے اسکی قربانیوں کو سراہے ‘ گورنر پنجاب ،دنیا میں پائیدار امن کے قیام کے لیے خطے میں امن ناگزیر ہے ،پاکستان اس مقصد کے لیے اپنا کردار ادا کرتا رہیگا‘ چوہدری محمد سرور
جمعہ 14 فروری 2014 20:13
لاہور(اُردو پوائنٹ اخبار تازہ ترین۔14 فروری ۔2014ء) گورنر پنجاب چوہدری محمد سرور نے کہا ہے کہ دنیا میں پائیدار امن کے قیام کے لیے خطے میں امن ناگزیر ہے اور پاکستان اس مقصد کے لیے اپنا کردار ادا کرتا رہے گا،پاکستان کی معیشت میں تیزی سے بہتری آ رہی ہے جس کے باعث غیر ملکی سرمایہ کار یہاں سرمایہ کاری میں دلچسپی لے رہے ہیں۔ان خیالات کا اظہار انہوں نے گورنر ہاؤس لاہور میں ناروے کی سفیرسیلی لینڈسورک سے ملاقات کے دوران گفتگو کرتے ہوئے کیا۔
انہوں نے کہا کہ پاکستان نے دنیا کے امن کے لیے قابل قدر قربانیاں دی ہیں جسے عالمی سطح پر سراہا جا رہا ہے تا ہم پاکستان کے اس کردار کو تسلیم کرنے کا بہترین طریقہ اس کی معیشت کے استحکام سے ہے جس کے لئے عالمی برادری کو بھی اپنا کردار ادا کرنا ہو گا۔(جاری ہے)
انہوں نے کہا کہ ناروے اور پاکستان کے درمیان تجارت کا حجم ناکافی ہے جس میں اضافے کیلئے دونوں ملکوں کے درمیان تاجروں کے وفود کے تبادلے کیلئے اقدامات کرنا ہوں گے۔
انہوں نے کہا کے ناروے کیلئے پاکستان میں سرمایہ کاری کے بے پناہ مواقع ہیں اور پاکستان حکومت انہیں اس مقصدکے لیے تمام ضروری سہولیات فراہم کرے گی ۔ ناروے کی سفیر نے کہا کہ ان کا ملک پاکستان کے ساتھ اپنے تعلقات کو قدر کی نگاہ سے دیکھنا ہے اور مختلف شعبے میں دو طرفہ تعاون کو فروغ دینا چاہتا ہے۔ دریں اثناء، گورنر پنجاب چوہدری محمد سرور سے لاہور میں صدیق ٹریڈ سینٹر کی نو منتخب باڈی کے ارکان نے ایک تقریب کے دوران گورنر پنجاب چوہدری محمد سرور سے اپنے عہدوں کا حلف لیا۔اس موقع پر گورنر پنجاب نے کہا کہ معاشی ترقی کے اہداف حاصل کرنے کے لئے تجارتی اور کاروباری سرگرمیوں کا فروغ ناگزیر ہے یہی وجہ ہے کہ موجودہ حکومت موٴثر حکمت عملی کے تحت ملک میں سرمایہ کاری کے فروغ کے لئے کوشاں ہے۔ انہوں نے کہا کہ ہمیں پاکستان کی ترقی اور خوشحالی کے لئے متحد ہو کر آگے بڑھنا ہوگا۔گورنر نے کہا کہ تاجر برادری کو سہولتیں فراہم کرنا ہماری اولین ترجیحات میں شامل ہے کیونکہ انہیں کی بدولت آج ملکی معیشت میں بہتری ہو رہی ہے۔ اس موقع پر وفد نے گورنر پنجاب کو انہیں درپیش مسائل سے آگاہ کیا۔ گورنر نے وفد کو یقین دلایا کے ان کے مسائل کے حل کے لئے حکومت ہر ممکن اقدامات کو بروئے کار لائے گی۔مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.