سندھ ہائی کورٹ ،آئین کے آرٹیکل227پر عملدرآمدسے متعلق درخواست کی سماعت 17فروری کو ہوگی
بدھ 12 فروری 2014 19:47
کراچی(اُردو پوائنٹ اخبار تازہ ترین۔12 فروری ۔2014ء) سندھ ہائی کورٹ کے جسٹس عرفان سعادت خان اور جسٹس ظفر احمد راجپوت کی دو رکنی بینچ میں انجمن اسلامی اصلاح برائے معاشرہ کے امیر حاجی گل احمدکی آئین کے آرٹیکل227پر عملدرآمد، وزیراعظم کی (سودی) یوتھ لون اسکیم کو روکنے، ملک میں اسلامی نظام نافذ کرنے اور صدر ، وزیر اعظم، اسپیکر قومی اسمبلی، چیئرمین سینٹ و اراکین پارلیمنٹ کو آئین کے آرٹیکل 2A،5،31، 42، 62،91اور227کی خلاف ورزی کرنے پر نااہل قرار دینے اور آئین میں دیئے گئے اللہ کی قسم کے بغیر قرآن و سنہ سے متصادم غیر اسلامی حلف کو کالعدم قرار دینے سے متعلق آئینی درخواستوں کی سماعت 17فروری2014کو ہوگی۔
درخواست گزار نے اپنی درخواست میں موقف اختیار کیا کہ یہ ملکی مفاد میں اہمیت کاحامل مسئلہ ہے اور حلف حالیہ بھیجی گئی اسلامی نظریاتی کونسل کی رپورٹ کے برخلاف ہے ۔(جاری ہے)
چونکہ سودی کام اللہ اور اللہ کے رسول ﷺ سے جنگ کے مترادف ہے ، لہذا یہ کسی بھی مسلمان کیلئے قابل برداشت نہیں ، لیکن وزیر اعظم سود پر یوتھ لون دے کر مسلمانوں کو گمراہی کے راستے پر دھکیل رہے ہیں ۔
لہذا فوری طور پر سودی لون اسکیم کو روکا جائے ، اسلامی نظریاتی کونسل عدالتی حکم کے باوجود رپورٹ پیش نہیں کررہی ۔ جس سے واضح ہوجاتا ہے کہ اس اہم دینی مسئلہ میں سوچی سمجھی سازش کے تحت تاخیر کی جارہی ہے۔ آئین کے آرٹیکل227میں واضح ہے کہ تمام موجودہ قوانین کواسلامی احکام جو قرآن وسنت کے مطابق ہو بنایا جائے گا ۔جو اس حصہ میں بطور اسلامی احکام کا حوالہ دیا گیا ہے اور کوئی ایسا قانون وضح نہیں کیا جائے گا جو مذکورہ احکام کے منافی ہو ، آئین کا مذکورہ آرٹیکل1973میں بنایا گیا تھا اور اس پر عملدرآمد کیلئے 8سال کا عرصہ رکھا گیا تھا لیکن تاحال اس پر عملدرآمد نہیں ہوا اور ملک میں غیر اسلامی اور برطانوی دور کے قوانین نافذ ہیں جوکہ آئین کے اس آرٹیکل کی واضح نفی ہے۔کیونکہ پاکستان اسلامی ملک ہے اور قرآن و شریعت کے معاملے میں تاخیر کرنا ملک کے مفاد میں نہیں ہے۔ اور اسوقت ملک میں قتل وغارت، دہشتگردی اور معاشی بدحالی ہونے کی اصل وجہ اللہ اور اللہ کے رسول ﷺکی نافرمانی ہے ۔لہذا اب بھی وقت ہے کہ ہم اللہ سے توبہ کریں اور احکام الٰہی پرگامزن ہوتے ہوئے ملک کو اللہ کے عذاب سے بچائیں تاکہ ہم پر اللہ کی رحمتیں نازل ہوں۔ فریقین میں وفاق پاکستان،چیئر مین جوڈیشل کمیشن سپریم کورٹ، صدر پاکستان، اسپیکر قومی اسمبلی، چیئر مین سینٹ، چیف الیکشن کمشنر، اسلامی نظریاتی کونسل و تمام سیاسی پارٹیاں فریق ہیں ۔مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.