قومی اسمبلی کی قائمہ کمیٹی مذہبی امور نے کوہستان میں ویڈیو منظر عام آنے پر قتل کی جانیوالی پانچ معصوم لڑکیوں کے قاتلوں کی گرفتاری کیلئے قرارداد منظور کرلی ، کے پی کے حکومت سے قاتلوں کی گرفتاری اور کیفر کردار تک پہنچانے کیلئے اقدامات کا مطالبہ کردیا ، حج کرایوں میں ہزار ریال کمی کی سفارش
بدھ 12 فروری 2014 19:41
اسلام آباد(اُردو پوائنٹ اخبار تازہ ترین۔12 فروری ۔2014ء) قومی اسمبلی کی قائمہ کمیٹی برائے مذہبی امور و بین المذاہب ہم آہنگی نے خیبر پختونخواہ کے علاقے کوہستان میں ویڈیو منظر عام پر آنے کے بعد پانچ معصوم لڑکیوں کے قاتلوں کی گرفتاری اور قرار واقعی سزا دلانے کی قرارداد منظور کرلی ، وزارت مذہبی امور کو حج آپریشن 2014ء میں حجاج کرام کو کرائے کی مد میں ہزار ریال اور محافظ فند کی مد میں 100ریال کمی کی سفارش کردی ۔
قومی اسمبلی کی قائمہ کمیٹی برائے مذہبی امور و بین المذاہب ہم آہنگی کا اجلاس بدھ کو پارلیمنٹ ہاؤس میں چیئرمین حافظ عبدالکریم کی زیر صدارت بد ھ کو پارلیمنٹ ہاؤس میں ہوا ۔ اجلاس میں وفاقی وزیر مذہبی امور و بین المذاہب ہم آہنگی سردار محمد یوسف کے علاوہ وزارت کے متعلقہ حکام اور اراکین کمیٹی نے شرکت کی۔(جاری ہے)
اجلاس میں خواتین کے عالمی دن کے حوالے سے کوہستان میں ویڈیو منظر عام پر آنے کے بعد پانچ معصوم لڑکیوں کے قتل کی مذمت کی گئی اور قرار داد منظور کی گئی جس میں خیبر پختونخواہ حکومت سے قاتلوں کی گرفتاری اور کیفر کردار تک پہنچانے کیلئے اقدامات کی سفارش کی گئی ہے۔
اجلاس میں کمیٹی کو وزارت مذہبی امور کے حکام نے حج آپریشن 2014ء بارے بریفنگ دی ۔ جس پر کمیٹی اراکین نے حجاج کرام کے کرایوں اور دیگر سرکار ی اخراجات اور حجاج کو ہوائی جہاز کے ذریعے سفر کی کم سہولتوں پر تحفظات کا اظہار کیا۔ کمیٹی نے وزارت مذہبی امور کو سفارش کی کہ حجاج کرام کے پیکیج میں ایک ہزار ریال کی رعایت دیکر 3500ریال کیا جائے جبکہ محافظ فنڈ کی مد میں بھی حجاج کو 100ریال کی رعایت دی جائے ۔ کمیٹی نے سفارش کی کہ حج آپریشن 2014ء میں حجاج کو بہتر سہولیات فراہم کی جائیں تاکہ وہ اپنے مذہبی فرائض خصوو خشوع سے ادا کر سکیں ، حجاج کے فلائٹس آپریشن کیلئے صرف پی آئی اے پر انحصار نہ کیا جائے بلکہ حجاج کرام کو سفر کی بہتر سہولیات بروقت فراہمی کیلئے دیگر آپشنز کو بھی زیر غور لایا جائے ۔ وزیر مذہبی امور سردار یوسف نے کمیٹی کو یقین دلایا کہ کمیٹی کی سفارشات کو حج آپریشن 2014ء میں مدنظر رکھا جائیگا۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.