پاکستان میں آج بھی میر جعفر اور میر صادق کی کمی نہیں ہے،عمران خان،عوامی مفاد میں فیصلے ہوتے تو دس سال سے جاری جنگ ختم ہوجاتی،امریکہ کی جنگ ڈالروں کے غلاموں نے مول لی، اپنے لوگوں اور پشتونوں کا خون بیچا، ، صوبے میں لوڈ شیڈنگ مرکز کی جانب سے ہورہی ہے، اب صوبے میں 350 مائیکرو ہائیڈرل پاور اسٹیشن لگا کر صوبہ اپنی بجلی پیدا کریگا ،پشاورمیں تقریب سے خطاب
اتوار 9 فروری 2014 20:50
پشاور(اُردو پوائنٹ اخبار تازہ ترین۔9 فروری ۔2014ء) پاکستان تحریک انصاف کے چیئرمین عمران خان نے کہا ہے کہ پاکستان میں آج بھی میر جعفر اور میر صادق کی کمی نہیں ہے ،امریکہ کی جنگ ڈالروں کے غلاموں نے مول لی اور اپنے لوگوں اور پشتونوں کا خون بیچا، ، صوبے میں لوڈ شیڈنگ مرکز کی جانب سے ہورہی ہے۔ اب صوبے میں 350 مائیکرو ہائیڈرل پاور اسٹیشن لگا کر صوبہ اپنی بجلی پیدا کریگا ان خیالات کااظہارانہوں نے پشاورمیں منعقدہ تقریب سے خطاب کرتے ہوئے کہا اس موقع پروزیر اعلی ٰ پرویز خٹک،تحریک انصاف کے صوبائی صدر اعظم سواتی،جنرل سیکرٹری خالد مسعود،مرکزی رہنما ناز بلوچ اوریگر رہنماء وکارکن موجود تھے ۔
عمران خا ن نے کہا کہ گرین پختونخوا مہم کی کامیابی کیلئے عوام کو بھی میدان میں آنا ہوگا۔(جاری ہے)
مہم کے تحت صوبے میں دو بلین نئے درخت لگائے جائیں گے جبکہ مختلف علاقوں میں بڑے نیشنل پارکس بھی قائم ہونگے جن میں جنگلی حیات کو بھی رکھا جائیگا۔انھوں نے کہا کہ مہم کیدوران پرانے پارکس سے تجاوزات مافیا کو نکال کر انہیں بحال کیا جائیگا جبکہ پلاسٹک کے استعمال پر بھی پابندی لگائی جائیگی۔
انھوں نے کہا کہ گورنر ہاؤس پشاور کو خواتین کا پارک بنائیں گے جبکہ قلعہ بالاحصار کو بھی جلد خالی کروا کر وہاں ریسٹورنٹس ،ہوٹل وغیرہ بنائیں جائیں گے اورپشاور کی جیل کو بھی دوسری جگہ منتقل کر کے اس پر بھی پارک بنائیں گے۔انھوں نے کہا کہ درختوں کی کٹائی کرنیوالے ٹمبر مافیا کو جیل کی ہوا کھانی پڑیگی اور کسی سے کوئی رعایت نہیں ہو گی۔عمران خان کا کہنا تھا کہ صوبے میں درخت کاٹنے پر بھی مکمل پابندی ہو گی۔درختوں کے کٹنے کی وجہ سے قدرتی آفات کا زیادہ خطرہ ہوتا ہے جبکہ گرمی بڑھنے کے علاوہ بیماریاں ،آلودگی بھی بڑھتی ہے اور خدشہ ہے کہ اگر یہ سلسلہ یونہی جاری رہا تو قحط بھی آ سکتا ہے ۔ان کا کہنا تھا کہ خیبرپختونخوا میں ملک بھر سے زیادہ جنگلات ہیں ۔صوبے میں 37ہزار ایکڑ زمین پر نئے جنگلات لگائے جائیں گے جبکہ پرانے جنگلات میں جہاں کٹائی ہوئی وہا ں نئے درخت لگائے جائیں گے۔انھوں نے کہا کہ درخت لگا کر ماحولیاتی آلودگی ختم کرینگے جس کے نتیجے میں دریابھی صاف ہونگے جبکہ اپنی بجلی بھی بنائی جائیگی۔عمران خان نے کہا کہ نیشنل پارکس کی نگرانی گوگل ارتھ کے ذریعے کی جائیگی۔انھوں نے کہا کہ صوبے میں سیاحت کو فروغ دینے کیلئے جنگلات کی اہمیت کو سمجھنا ہو گا ۔گلیات میں واقع سرکاری ریسٹ ہاؤسز کو کمرشل بنا کر اس سے ہونیوالی آمدنی سکولوں اور ہسپتالوں پر خرچ کرینگے۔انھوں نے کہا کہ مہم کا آغاز پشاور سے ہو گا اور پورے صوبے میں چلائی جائیگی۔عمران خان نے کہا کہ ڈالر کے پجاریوں نے ڈالر لیکر بیگناہ پشتونوں کا خون بہایا اور ملک کو میر صادق اور میر جعفر کی طرح بیچ ڈالا۔ان کا کہنا تھا کہ وقت ثابت کریگا کہ ڈالروں کیلئے اپنے لوگوں کا خون بہایا گیا۔انھوں نے عوام سے اپیل کی کہ گرین پختونخوا مہم میں بڑھ چڑھ کر حصہ لیں۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.