سوئی کے علاقے ڈوڈا ٹبہ اورمسوانی گوٹھ پر بی آر اے کے شرپسندوں کا حملہ،حملے میں تین خواتین،دو مرد اور دوبچے شہید، امن فورس کا ایک شخص زخمی،ایف سی کی بروقت جوابی کارروائی سے چھ فراری ہلاک ہوگئے، ترجمان ایف سی
اتوار 9 فروری 2014 20:08
کوئٹہ(اُردو پوائنٹ اخبار تازہ ترین۔9 فروری ۔2014ء) سوئی کے علاقے ڈوڈا ٹبہ اورمسوانی گوٹھ پر بی آر اے کے شرپسندوں کا حملہ،حملے میں معصوم اوربے گناہ خواتین ،مرد اور بچے شہید، جبکہ امن فورس کا ایک شخص زخمی۔ ایف سی کی بروقت جوابی کارروائی سے بی آر اے کے چھ شرپسند ہلاک ۔ تفصیلات کے مطابق آج علی الصبح ایک بجکرتیس منٹ پربی آر اے کے شرپسندوں کی جانب سے پٹ فیڈرکینال کے جنوب میں معصوم مزارعوں کے گھروں پر دھاوابول دیاگیاجس کے نتیجے میں دومرد،تین خواتین اوردوبچے شہید ہوگئے۔
شہید افرادپر بی آر اے کی طرف سے الزام تراشی کی گئی تھی کہ وہ سکیورٹی فورسزکے ساتھ تعاون کرتے تھے۔علاقہ مکینوں کی اطلاع پر ایف سی کے اسپیشل دستے نے جائے وقوعہ پر پہنچ کر علاقے کو گھیرے میں لے لیا۔(جاری ہے)
ایف سی کے گھیراڈالتے ہی بی آر اے کے شرپسندوں نے ایف سی کے جوانوں پرفائر کھول دیا۔شدیدفائرنگ کا تبادلہ کئی گھنٹے جاری رہنے کے بعدایف سی کی جوابی کارروائی کے نتیجے میں چھ شرپسند ہلاک ہوگئے جبکہ شرپسندوں کے قبضے سے بھاری تعدادمیں اسلحہ اور گولہ بارودبرآمد کرلیاگیا۔
واضح رہے کہ علاقہ مکینوں نے چھ شرپسندوں میں سے تین شرپسندوں کی شناخت کرلی جو کہ بے گناہ شہریوں کے قتل عام ،اغواء برائے تاوان،گیس پائپ لائنز کو اڑانے،سرکاری املاک کو نقصان پہنچانے اورسکیورٹی فورسز پر حملوں میں سرگرم تھے۔علاقہ مکینوں اور ایف سی کی جانب سے متعلقہ تھانے میں ایف آئی آر بھی درج کرالی گئی ہے۔ آئی جی ایف سی میجرجنرل اعجازشاہد نے بے گناہ اور معصوم شہریوں کی سفاکانہ قتل کی مذمت کرتے ہوئے کہاہے کہ فرنٹیئرکوربلوچستان معصوم اوربے گناہ شہیدوں کے ورثاء کے ساتھ اس دکھ کی گھڑی میں برابرکی شریک ہے۔مزید برآں انہوں نے اس عزم کا اعادہ کیاکہ علاقے کو شرپسندوں سے پاک کیاجائے گااور امن کو ہرصورت برقرار رکھاجائے گا۔ اورانشاء اللہ وہ دن دور نہیں جب صوبے بھر سے دہشتگردوں اورتخریب کاروں کا قلع قمع کردیاجائے گا۔مزید اہم خبریں
-
موبائل رجسٹریشن سسٹم ( کل ) بحال ہو جائے گا
-
آئی ایم ایف ایگزیکٹیو بورڈاجلاس کا29اپریل تک کا شیڈول جاری ‘پاکستان کا اقتصادی جائزہ شامل نہیں
-
وفاقی وزیرخزانہ محمد اورنگزیب کی واشنگٹن ڈی سی میں چینی وزیرخزانہ لان فوان سے ملاقات
-
امریکہ میں فائرنگ، 5 طلبا زخمی، ملزم فرار
-
وفاقی وزیر خزانہ محمد اورنگزیب کی انٹرنیشنل فنانس کارپوریشن کے منیجنگ ڈائریکٹر سے ملاقات
-
چینی زبان عالمی منظر نامے میں بہت زیادہ اہمیت اختیار کرچکی،اقوام متحدہ کی چھ آفیشل زبانوں میں سے ایک ہے‘ مریم نوازشریف
-
پاکستان میں چینی زبان و ادب کی ترویج کیلئے سرکاری و نجی سطح پر ہر ممکن اقدامات اٹھائے جا رہے ہیں ‘شہبازشریف
-
جناح ہائوس حملہ کیس ،بانی پی ٹی آئی کی بہنوں سمیت 34 ملزمان کی عبوری ضمانتوں میں توسیع
-
حکومت نے اخراجات کے لیے ایک ہفتے کے دوران مقامی بینکوں سے 650 ارب روپے کا قرضہ لیا. اسٹیٹ بینک
-
ضمنی انتخابات:لاہورسمیت پنجاب کے13شہروں میں موبائل فون اور انٹرنیٹ سروس بند رہے گی. محکمہ داخلہ پنجاب
-
ایس ایچ ا و ہڈیارہ نے سی آئی اے اہلکاروں پر منشیات فروشوں کی پشت پناہی کا الزام عائد کر دیا
-
قومی و صوبائی اسمبلیوں کی 22 نشستوں پر ضمنی انتخابات کے لیے تیاریاں مکمل‘پولنگ کل ہوگی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.