فوجی قیادت سے سلامتی کی بھیک مانگتا ہوں، الطاف حسین
اتوار 9 فروری 2014 19:10
کراچی(اُردو پوائنٹ اخبار تازہ ترین۔9فروری۔2014ء) متحدہ قومی موومنٹ کے قائد الطاف حسین نے کہا ہے کہ فوج صرف زمین ہی نہیں اس پر رہنے والوں کا بھی تحفظ کرتی ہے۔ پاک فوج کے سربراہ جنرل راحیل شریف ایم کیو ایم اور مہاجروں کو انصاف دلائیں۔ سابق صدر آصف علی زرداری کو بار بار فون کیا انہوں نے کوئی جواب نہیں دیا۔ ریاستی ادارے متحدہ کے کارکنوں کو تھرڈ ڈگری ٹارچر کا نشانہ بنا رہے ہیں۔
مہاجروں کے ماورائے عدالت قتل پر چیف جسٹس نوٹس لیں۔ کراچی میں ٹیلی فونک پریس کانفرنس کرتے ہوئے ایم کیو ایم کے قائد الطاف حسین کا کہنا تھا کہ پولیس، رینجرز اور دیگر قانون نافذ کرنے والے ادارے متحدہ کے کارکنوں کو شہید کر رہے ہیں۔ پولیس سندھ حکومت کی مرضی کے بغیر کارکنوں پر تشدد کر ہی نہیں کر سکتی۔(جاری ہے)
ہمارے آبائو اجداد نے پاکستان کیلئے جانوں کا نذرانہ پیش کیا۔
جو عوام ہجرت کرکے پاکستان آئے وہ غدار نہیں محب وطن ہیں۔ الطاف حسین کا کہنا تھا کہ میں نے سابق صدر آصف علی زرداری کا اس وقت ساتھ دیا جب کوئی نہیں دیتا تھا۔ آج پولیس سندھ حکومت کے ماتحت ہے وہ کیسے متحدہ کے کارکنوں کو پکڑ رہی ہے۔ سابق آصف زرداری نے نوٹس کیوں نہیں لیا۔ ان کا کہنا تھا کہ 92 کا آپریشن متحدہ کے خلاف تھا۔ جنرل آصف نواز کے بیانات ریکارڈ پر موجود ہیں۔ ایک فوج دوسری فوج کیساتھ جو سلوک کرتی ہے وہ ایم کیو ایم کے ساتھ کیا گیا۔ آج دوبارہ فوج کو ایم کیو ایم کیخلاف کرنے کی سازش کی جا رہی ہے۔ آرمی چیف اور ڈی جی آئی ایس آئی سے کہتا ہوں کہ انصاف فراہم کیا جائے۔ وزیراعظم اور وزیر داخلہ کی یقین دہانیوں کے باوجود آپریشن بند نہیں ہوا۔ فوجی قیادت سے سلامتی کی بھیک مانگتا ہوں۔ ایم کیو ایم کے قائد الطاف حسین کا ٹیلی فونک پریس کانفرنس سے خطاب میں کہنا تھا کہ ہم فوج سے لڑنا چاہتے ہیں، نہ ہی امریکا اور بھارت کے ایجنٹ ہیں۔ ہم پاکستان کی تباہی اور کمزوری کا سوچ بھی نہیں سکتے۔ ایم کیو ایم پر جناح پور جیسے من گھڑت الزامات لگائے گئے۔ حقائق سامنے لانے کیلئے فوجی کمیشن بنایا جائے۔ بریگیڈئر امتیاز سے پوچھا جائے کہ جناح پور کی سازش کس نے تیار کی۔متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.