صرف اپنے بیٹے کی وجہ سے مذاکرات میں رکاوٹ نہیں بننا چاہتے ،دلی خواہش ہے مذاکرات کامیاب ہوں ‘ یوسف رضا گیلانی
ہفتہ 8 فروری 2014 16:33
لاہور( اُردو پوائنٹ تازہ ترین اخبار۔ 8فروری 2014ء) پیپلز پارٹی کے وائس چیئرمین وسابق وزیر اعظم سید یوسف رضا گیلانی نے کہا ہے کہ صرف اپنے بیٹے کی وجہ سے مذاکرات میں رکاوٹ نہیں بننا چاہتے اور دلی خواہش ہے کہ مذاکرات کامیاب ہوں ،ہم نے دو صوبوں کی نہیں بلکہ جنوبی پنجاب کی بات کی تھی ، موجودہ حکومت اپنی منظور کردہ دو قراردادوں پرعمل کرے تو خوشی ہو گی ،میرے دور میں کسی کو سیاسی انتقام کا نشانہ نہیں بنایا گیا ، ہم انتقامی کارروائیوں سے نہیں ڈرتے اسی لئے اب سابق صدر آصف زرداری اورمیرے سمیت پارٹی کے دیگر لوگ نیب میں پیش ہو رہے ہیں ۔
وزیر اعلیٰ گلگت بلتستان سید مہدی شاہ کے بیٹے کی شادی کی تقریب میں شرکت کے بعد میڈیا سے گفتگو کرتے ہوئے یوسف رضا گیلانی نے کہا کہ پیپلز پارٹی کی خواہش ہے کہ حکومت اور طالبان کے درمیان مذاکرات کامیاب ہوں ۔(جاری ہے)
ہم صرف اپنے بیٹے کی وجہ سے ان مذاکرات کی کامیابی میں رکاوٹ نہیں بننا چاہتے ۔ انہوں نے ایک سوال کے جواب میں کہا کہ ہم نے دو صوبوں کی بات نہیں کی تھی بلکہ ہم نے جنوبی پنجاب کو صوبہ بنانے کی بات کی تھی ۔
اس وقت مسلم لیگ (ن) کی صوبائی حکومت نے بہاولپور کی بحالی اورجنوبی پنجاب کوصوبہ بنانے کی قراردادیں منظور کیں ۔ ہم نے اس سلسلہ میں سینیٹ میں کامیابی حاصل کی اور دو ترامیم پاس کر الیں لیکن ہمارے پاس قومی اسمبلی میں اکثریت نہیں تھی اب موجودہ حکومت سے مطالبہ ہے کہ اپنی دونوں قراردادوں پرعمل کرائے تو بہت خوشی ہو گی ۔ انہوں نے نیب کی کارکردگی کے حوالے سے سوال کے جواب میں کہا کہ اس کی کارکردگی بارے کچھ نہیں کہوں گا ۔ نیب کا ادارہ وزیر اعظم کے ماتحت ہوتا تھا لیکن جب میں نے عہدہ سنبھالا تو سب سے پہلے اسے وزارت و قانون کے ماتحت کیا تاکہ کوئی یہ نہ کہہ سکے کہ میں کسی کے خلاف انتقامی کارروائی کر ر ہا ہوں ۔ جب سابقہ چیف جسٹس کو نیب کے سامنے پیش ہونے کا کہا گیا تھا انہوں نے کہا کہ میں اسے نہیں مانتا لیکن ہم نے یہ نہیں کہا او ر سابق صدر آصف علی زرداری ، میں اور پارٹی کے دیگر لوگ اسکے سامنا کر رہے ہیں کیونکہ ہم انتقامی کارروائیوں سے نہیں ڈرتے ۔ انہوں نے نجکاری کے حوالے سے سوال کے جواب میں کہا کہ اس معاملے میں پارٹی پارلیمنٹ میں اپنا موقف دے گی۔متعلقہ عنوان :
مزید اہم خبریں
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، ویلیو ایڈڈ مصنوعات کی برآمد سے قیمتی زرمبادلہ کمانے میں مدد مل سکتی ہے، صدر مملکت آصف علی زرداری
-
وزیر اعظم کا نیول ہیڈ کوارٹرز کا دورہ، امیر بحر سے ملاقات ،پاک بحریہ کی آپریشنل تیاریوں سے متعلق امور پر تبادلہ خیال
-
ججزکا خط ، وزیرِاعظم شہبازشریف کی چیف جسٹس پاکستان قاضی فائز عیسیٰ سے ملاقات
-
پاکستان اوربرطانیہ کے مابین تجارتی اوراقتصادی تعلقات مزید مضبوط بنانے کی ضرورت ہے، صدرمملکت
-
چیلنجز سے نمٹنے کیلئے مضبوط معیشت کلیدی حیثیت رکھتی ہے، وزیراعظم
-
عمران خان سے اڈیالہ جیل میں 11پی ٹی آئی رہنماﺅں کو ملاقات کی اجازت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.