سہراب گوٹھ میں رینجرز کا سرچ آپریشن، 3 دہشت گردوں سمیت ایک درجن سے زائد مشتبہ افراد گرفتار
جمعہ 7 فروری 2014 11:45
کراچی(اُردو پوائنٹ تازہ ترین اخبار۔ 7فروری 2014ء) رینجرز کی بھاری نفری نے سہراب گوٹھ میں ٹارگیٹیڈ سرچ آپریشن کر کے 3 دہشت گردوں سمیت ایک درجن سے زائد مشتبہ افراد کو گرفتار کر کے ان کے قبضے سے اسلحہ برآمد کر لیا۔ذرائع کے مطابق رینجرز نے دہشت گردوں کی موجودگی کی خفیہ اطلاع پر سہراب گوٹھ میں نعمان ٹاور میں سرچ آپریشن کر کے 3 دہشت گردوں سمیت ایک درجن سے زائد مشتبہ افراد کو گرفتار کر لیا، آپریشن کے دوران رینجرز نے نعمان ٹاور کے داخلی و خارجی راستے بند کر دیئے اور خواتین رینجرز اہلکاروں کی مدد سے گھر گھر تلاشی بھی لی گئی، چھاپے کے دوران رینجرز نے 4 کلاشنکوف، 10 ریپیٹر اور متعدد پستول بھی برآمد کئے۔
گرفتار کئے گئے افراد کو تفتیش کے لئے نامعلوم مقام پر منتقل کر دیا گیا ہے۔(جاری ہے)
دوسری جانب رینجرز نے بلدیہ ٹاؤن میں ایک دکان پر بم نصب کرنے کی کوشش ناکام بنا دی تاہم ملزمان زخمی حالت میں فرار ہونے میں کامیاب ہو گئے۔ پولیس حکام کا کہنا ہے کہ پولیس اور رینجرز حکام کو اطلاع ملی کہ 2 مشتبہ افراد بلدیہ ٹاؤں کی مدینہ کالونی میں 24 کی مارکیٹ میں بیٹری کی دکان کے باہر بم نصب کر رہے ہیں جس پر پولیس اور رینجرز حکام نے موقع پر پہنچ کر کارروائی کی تاہم ملزمان موقع سے زخمی حالت میں فرار ہونے میں کامیاب ہو گئے۔
بم ڈسپوزل اسکواڈ کے اہلکاروں نے موقع پر پہنچ کر 2 کلو وزنی بم کو ناکارہ بنایا، بم میں بارودی مواد کے ساتھ ساتھ بال بیرنگ کا استعمال بھی کیا گیا تھا۔ پولیس حکام کا کہنا ہے کہ بیٹری کی دکان کے مالک کو گزشتہ کئی ماہ سے بھتے کی پرچیاں دی جا رہی تھیں اور گزشتہ برس بھی اس دکان پر بھتہ نہ دینے پر حملہ کیا جا چکا ہے۔متعلقہ عنوان :
مزید اہم خبریں
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم کاملیریا کے عالمی دن پر پیغام
-
پاکستان میں انسانی حقوق کی صورتحال پر پینٹاگون کی رپورٹ:ملا جُلا رد عمل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.