کراچی کے علاقے فشریز میں کھڑی فشنگ ٹرالر میں لگی آگ پرتین گھنٹوں کی جدوجہدکے بعدقابو پالیا گیا
جمعرات 6 فروری 2014 16:07
کراچی(اُردو پوائنٹ تازہ ترین اخبار۔ 6فروری 2014ء) کراچی کے علاقے فشریز میں کھڑی فشنگ ٹرالر میں لگی آگ پرتین گھنٹوں کی جدوجہدکے بعدقابو پالیا گیا ہے۔ آگ سے ایک زیر تکمیل لانچ مکمل طورپرتباہ جبکہ دو لانچوں کوجزوی نقصان پہنچا ہے،تاہم کوئی جانی نقصان نہیں ہواہے۔فائربریگیڈ کی 12 گاڑیوں نے امدادی کارروائیوں میں حصہ لیا۔تفصیلات کے مطابق جمعرات کی علی الصبح فشریز میں کھڑی نئی تیار ہونے والی لانچ میں آگ لگ گئی دیکھتے ہی دیکھتے آگ نے شدت اختیار کرلی۔
آگ پر قابوپانے کے لیے فائر بریگیڈ کی دو گاڑیوں کو روانہ کیا گیا تاہم آگ کی شدت بڑھنے کے باعث مزید 4 گاڑیوں اور ایک اسنارکل کو بھی روانہ کیا گیا۔تاہم آگ پر قابونہ پایا جاسکا بعد ازاں فائربریگیڈ کی مزید گاڑیوں کوبھیجا گیا۔(جاری ہے)
بارہ گاڑیوں اورکے پی ٹی کے عملے نے تین گھنٹے کی مسلسل جدوجہد کے بعد آگ پرقابو پایا ہے۔ آگ کی شدت کے باعث قریب میں موجود مزید دو لانچوں کو بھی لپیٹ میں لے لیاجس سے ان کو بھی جزوی نقصان پہنچا۔
تاہم واقعہ میں کسی قسم کا جانی نقصان نہیں ہواہے۔ کے پی ٹی کے چیف فائرآفیسرسعید اختر جدون کے مطابق آگ جمعرات کی صبح سات بجے لگی ، فش ہاربر اتھارٹی کے مطابق جس کشتی میں آگ لگی وہ تکمیل کے آخری مراحل میں تھی۔ حکام کے مطابق فینشنگ کے کام میں استعمال ہونے والی کسی کیمیکل کی موجدودگی کے دروان کسی انسانی خطا کے باعث آگ بہت زیادہ بھڑک اٹھی جس سے زیرتکمیل کشتی مکمل تباہ ہو کر زمین بوس ہو گئی۔جلنے والی لانچ کے مالک نے الزام عائد کیا ہے کہ لانچ کو آگ لگائی گئی ہے اور اس میں ابھی انجن بھی فٹ نہیں کیا گیا تھا۔ مالک نے دعوی کیا کہ جلنے والی کارگو لانچ کی مالیت 7 کروڑ روپے ہے۔ٹھیکیدار حاجی محمد کا کہنا ہے کہ لانچوں کے مالک دبئی اور ایران میں ہیں۔ لانچیں دو سال کے عرصے میں تیار ہوئی تھیں اور دو ہفتے بعد سمندر میں اتارا جانا تھا۔ انہوں نے حکومت سے مطالبہ کیا کہ جلنی والی لانچوں کی تحقیقات کرائے۔ صورتحال پر قابو پانے کے لیے پولیس اور رینجرز کی بھاری نفری بھی جائے حادثہ پر پہنچ گئی۔ذرائع کے مطابق پولیس نے آگ لگانے کا شبہ ظاہرکیا ہے چند افراد کو حراست میں لے کر تفتیش کی جارہی ہے ۔متعلقہ عنوان :
مزید اہم خبریں
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.