لاہور: جناح اسپتال اور علامہ اقبال میڈیکل یونیورسٹی کے عملے کا مطالبات کے حق میں احتجاج

جمعرات 6 فروری 2014 12:02

لاہور(اُردو پوائنٹ تازہ ترین اخبار۔ 6فروری 2014ء) جناح اسپتال اور علامہ اقبال میڈیکل یونیورسٹی کے پیرا میڈیکل اسٹاف نے اپنے مطالبات کے حق میں کام چھوڑ کر احتجاج شروع کردیا۔

(جاری ہے)

ذرائع کے مطابق جناح اسپتال اور علامہ اقبال میڈیکل یونیورسٹی کے عملے نے اپنے مطالبات کے حق میں کام چھوڑ کر احتجاجی ریلی نکالی اور نعرے بازی کی، ان کا کہناتھا کہ پیرا میڈیکل اسٹاف کی گزشتہ دو برس میں ترقی نہیں ہوئی اور ان کی تنخواہوں میں دیگر صوبوں کے مقابلے میں اضافہ بھی نہیں ہورہا جس کی وجہ سے وہ تنگدستی کا شکار ہیں اس کے علاوہ بڑی تعداد میں ملازمین مستقلی کے بھی منتظر ہیں۔

واضح رہےکہ پنجاب حکومت کی جانب سے سرکاری اسپتالوں میں تعینات ڈاکٹرز اور پیرا میڈیکل اسٹاف کو ان کے مطالبات پورے کرانے کی بارہا یقین دہانیاں کرائی گئیں ہیں تاہم اس پر عمل درآمد نہیں ہوتا۔