گھگھر پھاٹک کے قریب ٹرین بم دھماکے کا مقدمہ درج کرلیا گیا ، حادثے کی تحقیقات کیلئے کمیٹی قائم ، ٹرین بم دھماکے کی ذمہ داری کالعدم تنظیم بلوچ ری پبلکن آرمی نے قبول کرلی ہے اور ریلوے ٹریک پر بم دھماکے کی تحقیقات میں پیش رفت
بدھ 5 فروری 2014 21:51
کراچی (اُردو پوائنٹ اخبار تازہ ترین۔5 فروری ۔2014ء) گھگھر پھاٹک کے قریب ٹرین بم دھماکے کا مقدمہ درج کرلیا گیا جبکہ حادثے کی تحقیقات کے لئے کمیٹی بھی قائم کردی گئی۔ ٹرین بم دھماکے کی ذمہ داری کالعدم تنظیم بلوچ ری پبلکن آرمی نے قبول کرلی ہے اور ریلوے ٹریک پر بم دھماکے کی تحقیقات میں پیش رفت ہوئی ہے۔ تفصیلات کے مطابق گھگھر پھاٹک کے قریب ریلوے ٹریک پر دھماکے کا مقدمہ درج کرلیا گیا۔
ایس پی کے مطابق مقدمہ اسٹیل ٹاؤن تھانے میں ریلوے کی مدعیت میں نامعلوم افراد کے خلاف درج کیا گیا ہے۔ مقدمہ انسداد دہشت گردی، ایکسپلوزو ایکٹ، قتل زخمی کئے جانے کی دفعات کے تحت درج کیا گیا ہے۔ ڈی ایس ریلوے مقصود النبی کا کہنا ہے کہ بوگیوں کو ٹریک سے ہٹا کر کلیئر کردیا گیا ہے۔ ٹریک کا مرمتی کام جاری ہے، جس میں وقت لگے گا۔(جاری ہے)
دوسری جانب شالیمار ایکسپریس حادثے کی تحقیقات کے لئے کمیٹی قائم کردی گئی۔
ڈویژنل کمشنر افسر شعیب عادل نے کہا کہ تحقیقاتی کمیٹی میں چیف آپریٹنگ سپرنٹنڈنٹ، چیف انجینئر اور ڈی آئی جی ریلوے پولیس کو شامل کیا گیا ہے۔ ریلوے حکام کا کہنا ہے کہ تحقیقاتی کمیٹی 6 سے 8 فروری تک ڈی ایس آفس کراچی میں ریلوے ملازمین اور عینی شاہدین کے بیانات قلم بند کرے گی۔ دریں اثناء گھگھر پھاٹک کے قریب ٹرین بم دھماکے کی ذمہ داری کالعدم تنظیم بلوچ ری پبلکن آرمی نے قبول کرلی۔ کالعدم تنظیم بلوچ ری پبلکن آرمی کی جانب سے جاری بیان میں ترجمان نے کہا کہ کراچی کے علاقے گھگھر پھاٹک کے قریب ٹرین بم دھماکے کی ذمہ داری قبول کرتے ہیں۔ علاوہ ازیں دھابجے کے قریب ریلوے ٹریک پر دھماکے کی تحقیقات میں پیش رفت ہوئی ہے۔ ذرائع کے مطابق دھماکے میں استعمال کی گئی ڈیوائس بم ڈسپوزل اسکواڈ کو مل گئی۔ بم ڈسپوزل اسکواڈ کا کہنا ہے کہ دھماکے سرکٹ ریموٹ کنٹرول ڈیوائس سے کئے گئے۔ پہلی بار دھماکے کے لئے سرکٹ ریموٹ کنٹرول ڈیوائس استعمال کی گئی۔ انہوں نے کہا کہ ڈیوائس کو 80 میٹر اطراف کے علاقے سے آپریٹ کیا جاسکتا ہے۔متعلقہ عنوان :
مزید اہم خبریں
-
رفح سے انخلاء کے دوران یو این کا مزید امدادی راہداریاں کھولنے کا مطالبہ
-
خیبر پختونخوا کے نوجوانوں کو ہنر مند بنانے کا یورپی منصوبہ
-
جماعت اسلامی ری الیکشن نہیں چاہتی، فارم 45 پرانتخابی نتائج کی تشکیل ہمارا مطالبہ ہے
-
روزمرہ کی زندگی میں جدوجہد کرتی افغان خواتین
-
وزیراعلی مریم نواز نے سکولوں میں سٹیلائٹ انٹرنیٹ پائلٹ پراجیکٹ کا افتتاح کردیا
-
سونے کی فی تولہ قیمت میں 4 ہزار 600 روپے کا بڑا اضافہ ہوگیا
-
ملک میں مہنگائی کی مجموعی شرح کم ہوکر 22.32 فیصد کی سطح پر آگئی
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.