بگ تھری کے معاملے پر پاکستانی موقف کی بھر پور ترجمانی کی ہے ، بھارت کا حملہ پسپا کر دیا ہے ، ذکاء اشرف ، معاملے کو سفارتی سطح پر حل کرنے کے لئے کوششیں تیز کی جائیں گی ، مشیر خارجہ نے بھی یقین دہانی کرائی ہے ، کرکٹ بورڈ کے سرپرست اعلیٰ وزیر اعظم سے ملاقات کا وقت مانگا ہے توقع ہے جلد ملاقات ہوجائے گی ، میڈیا سے گفتگو
منگل 4 فروری 2014 21:47
اسلام آباد(اُردو پوائنٹ اخبار تازہ ترین۔4 فروری ۔2014ء) پاکستان کرکٹ بورڈ کے چیئرمین چوہدری ذکاء اشرف نے کہا ہے کہ بگ تھری کے معاملے پر پاکستانی موقف کی بھر پور ترجمانی کی ہے اور آئی سی سی کے اجلاس میں بھارت کا پہلا حملہ پسپا کردیا ہے اس معاملے کو سفارتی سطح پر حل کرنے کے لئے کوششیں تیز کی جائیں گی جس کے لئے مشیر خارجہ سرتاج عزیز نے تعاون کی یقین دہانی کرائی ہے ان خیالات کا اظہار انہوں نے منگل کو نیشنل پریس کلب میں میٹ دی پریس سے خطاب کرتے ہوئے کیا۔
انہوں نے کہا کہ پاکستان کرکٹ بورڈ کے سرپرست اعلیٰ وزیر اعظم محمدنواز شریف سے ملاقات کا وقت مانگا ہے توقع ہے کہ جلد ملاقات ہوجائے گی۔ جن کی سرپرستی میں کرکٹ کی ترقی کے لئے پاکستان کے کرکٹ کے بہترین مفا د میں فیصلے کئے جائیں گے۔(جاری ہے)
انہوں نے کہا کہ عدلیہ نے کام سے روکا تھا اور عدلیہ کے حکم پر ہی دوبارہ کام کر رہا ہوں۔پاکستان کرکٹ بورڈ کے عہدیداروں کا انتخاب جمہوری عمل کے ذریعے ہوتا ہے توقع ہے کہ جمہوری طریقہ کار کا احترام کیا جائے گا۔
انہوں نے کہا کہ بگ تھری کے لئے دو دن کی انتھک محنت اور تمام فریقین سے ملاقاتوں کے بعد پانچ رکن ممالک کو ہم خیال بنانے میں کامیاب ہو گئے ہیں۔ اور پہلا ہلہ پسپا کرنے کے بعد مکمل کامیابی بھی ہمیں حاصل ہوگی جس کے لئے 8 فروری کو سنگا پور میں آئی سی سی کے اجلاس میں شرکت کے لئے جا رہے ہیں ایک سوال کے جواب میں ذکاء اشرف نے کہا کہ فیصلے میرٹ اور کارکردگی کی بنیاد پر کر رہے ہیں اور کپتان مصباح الحق کی کارکردگی بہتر ہے اس لئے تبدیلی کا کوئی امکان نہیں ہے۔ انہوں نے ایک سوال کے جواب میں کہا کہ کوچز کی تعیناتی کے لئے اشتہار جاری کر دیا ہے وسیم اکرم کی سربرا ہی میں کمیٹی اس کا فیصلہ کرے گی۔ذکا اشرف نے کہاکہ انہیں پہلے عدلیہ نے کام کرنے سے روکا تھا اور پھر اسی نے کام کرنے کی اجازت دے کر دوبارہ عزت بخشی جس کے لئے وہ عدلیہ کے شکر گزار ہیں۔مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.