وزیر اعظم مذاکرات کو ڈرون کا شکار ہونے سے بچانے کیلئے امریکہ سے بات کریں ،عمران خان ،پی ٹی آئی کے سربراہ نے حکومت اور طالبان کے درمیان مذاکرات کی کامیابی کیلئے پانچ تجاویز دیدیں، چیئرمین پاکستان تحریک انصاف
جمعرات 30 جنوری 2014 19:25
لاہور(اُردو پوائنٹ اخبار تازہ ترین۔30 جنوری ۔2014ء) پاکستان تحریک انصاف کے چیئرمین عمران خان نے حکومت اور طالبان کے درمیان مذاکرات کو نتیجہ خیز بنانے کیلئے پانچ تجاویز دیتے ہوئے ایک مرتبہ پھر مطالبہ کیا ہے کہ وزیر اعظم نواز شریف امریکہ سے ڈرون حملے روکنے کیلئے بات کریں تاکہ آخری وقت میں یہ مذاکرات ڈرون کا شکار نہ ہو جائیں۔عمرا ن خان نے وفاقی حکومت کی طرف سے امن عمل کیلئے مضبوط بنیادوں پر مذاکرات شروع کرنے کے فیصلے کو سراہتے ہوئے کہا ہے کہ تحریک انصاف کا واضح موقف ہے کہ امن کوایک موقع ملنا چاہیے ۔
عمران خان نے پانچ تجاویز دیتے ہوئے کہا ہے کہ مذاکرات کا سارا عمل آئین کے دائرے میں رہتے ہوئے انجام پانا چاہیے ۔ انہوں نے کہا کہ بات چیت کا مرحلہ فوری طو رپر شروع ہونا چاہیے تاہم اسکے لئے ضروری ہے کہ دونوں اطراف سے جنگ بندی کی جائے اور مذاکرات کے دوران دہشتگرانہ کارروائی نہیں ہونی چاہئیں ۔(جاری ہے)
عمران خان نے تیسری تجویز میں کہا ہے کہ مذاکرات کے عمل کوخفیہ نہ رکھا جائے تاکہ اندازہ ہو سکے کہ کون مذاکرات کو نتیجہ خیز اور کون سبوتاژ کرنا چا ہتا ہے اور ہم سمجھتے ہیں کہ اس کو سبوتاژ کرنے والے پاکستان کے دشمن ہونگے ۔
عمران خان نے کہا کہ وزیر اعظم محمد نواز شریف امریکی حکومت پرزور ڈالیں کہ ڈرون حملوں کا سلسلہ روکا جائے اور جب تک مذاکرات کا سلسلہ جاری رہے اس طرح کی کوئی بھی کارروائی نہ کی جائے ۔ انہوں نے کہا کہ امریکی صدر خود اعتراف کر چکے ہیں کہ ڈرون حملوں کا عوام میں منفی تاثر ابھر رہا ہے ۔انہوں نے کہا کہ مذاکرات کی کامیابی کے لئے ٹائم فریم طے کرنا نا گزیر ہے بصور ت دیگر ملک دشمن عناصر اس عمل کو سبوتاژ کرنے کیلئے سر گرم عمل ہو جائیں گے۔انہوں نے کہا کہ مذاکرات کی کامیابی کے بعد پاکستان میں خون کی ہولی بند ہو جائے گی جس سے ملک ترقی کی راہ پر گامزن ہو جائے گا ۔مزید اہم خبریں
-
پنجاب حکومت کا خصوصی افراد کیلئے ”ہمت کارڈ“ اور”نگہبان کارڈ“جاری کرنے کافیصلہ
-
بشریٰ بی بی کی بنی گالہ سے اڈیالہ جیل منتقلی کی درخواست دوبارہ بحال
-
جنرل (ر) فیض حمید کیخلاف انکوائری، نجی ہاؤسنگ سوسائٹی معاملے پر کمیٹی بنادی گئی
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.