افغانستان سے نیٹو افواج کے انخلا کے وقت پاکستان کی سلامتی مدنظر رکھی جائے، سرتاج عزیز
پیر 27 جنوری 2014 22:07
واشنگٹن(اُردو پوائنٹ اخبار تازہ ترین۔27جنوری۔2014ء) امور خارجہ کے مشیر سرتاج عزیز نے کہا ہے کہ افغانستان سے نیٹو افواج کے انخلا کے وقت پاکستان کی سلامتی اور افغان مذاکرات میں پاکستان کے خدشات کو مدنظر رکھا جائے۔امریکی دارالحکومت واشنگٹن میں پاکستان اور امریکا کے درمیان ہونے والے اسٹریٹجک مذاکرات میں پاکستانی وفد کی قیادت وزیر دفاع خواجہ آصف اور مشیر خارجہ سرتاج عزیز نے جبکہ امریکا کی جانب سے وزیر خارجہ جان کیری نے وفد کی قیادت کی جب کہ دونوں ممالک کے خارجہ، دفاع، اقتصادی اور قومی سلامتی کے حکام بھی مذاکرات میں شریک ہیں۔
اس موقع پر جان کیری کا کہنا تھا کہ امریکا اقتصادی اور سلامتی کے شعبوں میں پاکستان سے تعاون کو مزید بڑھانا چاہتا ہے، ہم باہمی شراکت داری کے تحت طویل مدتی تعلقات قائم کرنا چاہتے ہیں اور کوشش ہے کہ پاکستان کے ساتھ تمام بنیادی معاملات پر اتفاق رائے قائم ہو جس میں اسٹریٹجک مذاکرات اہم کردار ادا کریں گے۔(جاری ہے)
امریکی وزیرخارجہ نے کہا کہ اوباما انتظامیہ پاکستانی حکومت کی تجارت سمیت دیگر پالیسیوں کی حمایت کرتی ہے اور پاکستان کو درپیش معاشی بحران سمیت دیگر مسائل پر مل کر کام کرنا چاہتے ہیں، پاکستان کو ایک ہزار میگاواٹ بجلی کی پیداوارمیں مدد فراہم کرچکے ہیں اور آگے بھی امریکا پاکستان کو ایشین ٹائیگر بننے میں مکمل تعاون فراہم کرے گا۔
ان کا کہنا تھا کہ پاکستان افغانستان کے تحفظ کے لئے اہم شراکت دار ہے اور مذاکرات میں پاکستان اور افغانستان کے درمیان سرحدی علاقے میں کشیدگی پر بھی بات ہوگی۔مشیر خارجہ سرتاج عزیز نے کہا کہ پاکستان افغانستان میں پائیدار امن کی کوششوں میں شریک ہے اور افغانستان میں امن کے لئے مصالحتی کوششوں کی حمایت کرتا ہے تاہم افغانستان سے نیٹو افواج کے انخلا کے وقت پاکستان کی سلامتی اور افغان مذاکرات میں پاکستان کے خدشات کو مدنظر رکھا جائے۔ انہوں نے کہا کہ پاکستان کےعوام مسلسل دہشت گردی کا نشانہ بن رہے ہیں لیکن امریکا پاکستان کو صرف دہشت گردی اور افغان تناظر میں نہ دیکھے۔سرتاج عزیز کا کہنا تھا کہ وزیراعظم نواز شریف بھارت کے ساتھ بہتر تعلقات کے خواہاں ہیں اور اس سلسلے میں بھارت کے ساتھ تعلقات استوار کرنے کے لئے کوششیں جاری ہیں تاہم پاک بھارت تنازعات کے حل میں کشمیر کا مسئلہ کلیدی حیثیت رکھتا ہے جس کا ہم کشمیری عوام کی امنگوں کے مطابق حل چاہتے ہیں۔ انہوں نے کہا کہ پاکستانی حکومت معاشی اور توانائی بحران کے حل کے لیے بھرپور کوششیں کررہی ہے، پاکستان اور امریکا کے درمیان کئی ورکنگ گروپس رابطوں میں ہیں اور دونوں ممالک کے درمیان تعلیم کے شعبے میں تعاون بڑھانے کے لیے چھٹا ورکنگ گروپ بھی بحال کیا جائے۔متعلقہ عنوان :
مزید اہم خبریں
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
-
فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، ریونیوکلیکشن بڑا چیلنج ہے‘شہبازشریف
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں ، وفاقی وزیررانا تنویر حسین
-
حکومت عوام کو پیپلز بس سروس کی صورت میں جدید، موثر، محفوظ پبلک ٹرانسپورٹ سسٹم فراہم کرنے کے اپنے عزم کو پورا کررہی ہے۔وزیراعلی سندھ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.