دہشت گردوں کو کیفرکردارتک پہنچانے کیلئے موجودہ حالات کے پیش نظر تحفظ پاکستان آرڈیننس اچھا قانون ہے، وزیراعلیٰ سندھ، آپریشن میں گرفتار کئے جانیوالے ملزمان کے ٹرائل کیلئے انسداد دہشت گردی کی عدالتوں کی تعداد 2سے بڑھا کر 15کردی گئی ہے،پہلے دہشت گرد حملے کرتے تھے اب بھاگنے کے راستے ڈھونڈ رہے ہیں،چڑیاگھرکے دورے کے موقع پر بات چیت
پیر 27 جنوری 2014 20:52
کراچی (اُردو پوائنٹ اخبار تازہ ترین۔27 جنوری ۔2014ء) وزیراعلی سندھ سید قائم علی شاہ نے کہاہے کہ دہشت گردوں کو کیفرکردارتک پہنچانے کے لیے موجودہ حالات کے پیش نظر تحفظ پاکستان آرڈیننس اچھا قانون ہے۔ آپریشن میں گرفتار کئے جانے والے ملزمان کے ٹرائل کے لئے انسداد دہشت گردی کی عدالتوں کی تعداد 2 سے بڑھا کر 15 کردی گئی ہے۔ پہلے دہشت گرد حملے کرتے تھے اب بھاگنے کے راستے ڈھونڈ رہے ہیں اور ایک سے 2سال کے درمیان دہشت گردی کا صفایا ہوجائے گا۔
وہ پیرکو چڑیا گھرمیں پھولوں کی نمائش کے افتتاح کے موقع پر صحافیوں سے بات چیت کررہے تھے۔سید قائم علی شاہ نے کہاکہ ٹارگٹیڈ آپریشن میں بڑی کامیابیاں ملی ہیں،اب تک 15 ہزار افراد کو حراست میں لیا جاچکا ہے جبکہ تحقیقات کے بعد ان میں سے بے گناہ لوگوں کو رہا کردیا گیا ہے۔(جاری ہے)
انہوں نے کہا کہ دہشت گردی کا مسئلہ 20سال پرانا ہے تاہم اس کے خاتمے کیلئے کچھ وقت درکار ہوگا۔
وزیراعلیٰ نے کہاکہ رینجرز اور پولیس دہشت گردوں کا صفایا کرنے کی قوت رکھتی ہیں امید ہے کہ ہم امن و امان کے مسئلے پر جلد قابو پالیں گے۔ آپریشن میں گرفتار کئے جانے والے ملزمان کے ٹرائل کے لئے انسداد دہشت گردی کی عدالتوں کی تعداد 2 سے بڑھا کر 15 کردی گئی ہے، پولیس پر حالیہ حملوں سے متعلق سوال پر ان کا کہنا تھاکہ ان حملوں سے امن و امان کیلئے اپنے فرائض سرانجام دینے والے اہلکارووں کے حوصلے پست نہیں بلکہ دہشت گردی کے خاتمے کیلئے ان کے جذبے میں مزید اضافہ ہوا ہے۔انہوں نے کہاکہ پولیس کو دہشت گردی سے نمٹنے کی تربیت اورجدید اسلحہ دے رہے ہیں۔تحفظ پاکستان آرڈیننس سے متعلق پوچھے گئے سوال کے جواب میں وزیراعلی سندھ نے کہاکہ یہ قانون موجودہ حالات کا تقاضہ ہے جس میں قانون نافذ کرنے والے اداروں کو اختیارات حاصل ہوں لیکن کچھ لوگ اس کی مخالفت کررہے ہیں۔ تاہم ہم بھی اس قانون مستقل نہیں چاہتے ہیں، اس وقت غیرمعمولی حالات ہیں، ملزمان کو کیفر کردار تک پہنچانے کیلئے قانون نافذ کرنے والے اداروں کو اختیارات دیئے جانے چاہئیںمزید اہم خبریں
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.