چوہدری نثار کا منور حسن سے ٹیلیفونک رابطہ، ملکی صورتحال پر تبادلہ خیال

ہفتہ 25 جنوری 2014 11:42

اسلام آباد(اُردو پوائنٹ تازہ ترین اخبار۔ 25جنوری 2014ء) مذاکرات یا آپریشن حکومتی ذمہ داران نے سیاسی رہنماوں سے رابطے شروع کر دیے ہیں۔ وزیر داخلہ چوہدری نثار علی خان نے امیر جماعت اسلامی سید منور حسن سے ٹیلیفونک رابطہ کر کے موجودہ ملکی صورتحال پر تبادلہ خیال کیا ۔

(جاری ہے)

وزیر داخلہ چوہدری نثار علی خان کے رابطہ کے موقع پر امیر جماعت اسلامی سید منور حسن نے باور کرایا کہ نمائشی مشاورت یا اجلاس کا کوئی فائدہ نہیں ہو گا حکومت کو بتانا پڑے گا کہ نو ستمبر کے مینڈیٹ پر کہاں تک پیش رفت ہوئی۔

منور حسن نے کہا کہ حکومت سنجیدگی ظاہر کرے تو بیٹھنے کو تیار ہیں تاہم آپریشن کسی دباؤ کے تحت نہیں ہونا چاہیے موثر حل صرف ڈائیلاگ سے ہی ممکن ہے۔ چوہدری نثار علی خاں کا کہنا تھا کہ دہشت گردی کے سدباب کے لیے جو ممکنہ اقدامات ہوں گے کریں گے اور تمام فیصلے سیاسی قیادت کی مشاورت سے کیے جائیں گے۔