بھارت ،آسٹریلیا اور انگلینڈ کی اجارہ داری ، جنوبی افریقہ نے پڑوسیوں سے تعلقات میں گرمجوشی لانے کی کوششیں شروع کردیں
جمعہ 24 جنوری 2014 12:41
جوہانسبرگ (اُردو پوائنٹ تازہ ترین اخبار۔ 24جنوری 2014ء) انٹرنیشنل کرکٹ کونسل پر بھارت، آسٹریلیا اور انگلینڈ کے تسلط کی کھل کر مخالفت کرنے کے بعد جنوبی افریقی کرکٹ حکام نے چھوٹے ممالک اور خاص طور پر پڑوسیوں سے تعلقات میں گرمجوشی لانے کی کوششیں شروع کردیں ، کرکٹ جنوبی افریقا کا مقصد نئی انتظامی تکون پر آئی سی سی کے اجلاس میں زمبابوے کی حمایت حاصل کرنا ہوسکتا ہے۔
غالباً اسی تناظر میں دنیا کی نمبر ایک ٹیسٹ ٹیم جنوبی افریقا نے اپنے پڑوسی زمبابوے کو ٹیسٹ میچ کھیلنے کی دعوت دے دی۔ میڈیا رپورٹ کے مطابق اپنی کوششوں کے پہلے قدم کے طور پر کرکٹ ساؤتھ افریقا کی خواہش ہے کہ آئندہ ماہ آسٹریلیا کے خلاف سیریز کی میزبانی سے قبل زمبابوے کی ٹیم کو ٹیسٹ میچ کھیلنے کی پیشکش کردی۔(جاری ہے)
آسٹریلوی ٹیم دورہ جنوبی افریقا کے دوران میزبان ٹیم کے خلاف ٹیسٹ اور ٹی ٹوئنٹی میچوں کی سیریز کھیلے گی اور دونوں ٹیموں کے درمیان سیریز کا آغاز 12فروری سے ہو گا۔
کرکٹ ساؤتھ افریقا کی طرف سے جاری کردہ بیان کے مطابق بورڈ نے زمبابوے کرکٹ کو آسٹریلیا کے خلاف شیڈول سیریز سے قبل ایک ٹیسٹ میچ کھیلنے کی پیشکش کی ہے تاہم زمبابوے کی ٹیم ٹیسٹ کھیلے گی یا نہیں اس کا دارومدار اس کے کھلاڑیوں اور زمبابوے کرکٹ کی موجودہ صورت حال پر ہے کیوں کہ زمبابوین کرکٹرز ان دنوں ہڑتال پر ہیں۔ جاری کردہ بیان میں ہارون لورگاٹ نے کہا کہ پیشکش آئی سی سی میں انتظامی تبدیلی کے حوالے سے زمبابوے کی حمایت حاصل کرنے کی کوشش کا حصہ نہیں ہے، یہ پیشکش مجوزہ ورکنگ پیپرز کے منظر عام پر آنے سے بہت پہلے کی گئی تھی دوسری جانب کرکٹ ساؤتھ افریقا کے سابق چیف ایگزیکٹو جیک فال کے مطابق تین بڑوں کیخلاف جدوجہد کی قیادت ہارون لورگاٹ بہترین انداز سے کرسکتے ہیں انہوں نے کہاکہ ہمیں نئی تجاویز کی ہر طرح مخالفت کرنی چاہیے، مان لیتے ہیں کہ بھارت،آسٹریلیا اور انگلینڈ کے میچز سے زیادہ آمدنی ہوتی ہے تاہم اس کامطلب یہ ہرگز نہیں کہ انہیں ہی فیصلہ سازی کا تمام اختیار دے دیا جائے۔ آئی سی سی کے مستقبل کے حوالے سے فیصلوں میں تمام ممبر ممالک کا یکساں حصہ ہونا چاہیے۔مزید کھیلوں کی خبریں
-
چوتھے ٹی ٹونٹی میں رنز کی برسات ہونے کا امکان
-
کیا محمد رضوان آئرلینڈ جائیں گے؟ بابر اعظم نے بتا دیا
-
انٹرنیشنل کرکٹ میں شکست کو سرپرائز نہیں کہہ سکتے، شاداب خان
-
ٹی 20 سیریز:پاکستان اور ویسٹ انڈیز کی ٹیمیں جمعہ کومدمقابل ہوں گی
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
اعظم خان اور محمد رضوان کے بعد ایک اور پاکستانی کھلاڑی زخمی ہو گیا
-
کیٹرینا سینیاکووا میڈرڈ اوپن ٹینس ویمنز سنگلز کےابتدائی رائونڈ میں ہار کر باہر ہوگئیں
-
پاکستان ماسٹرٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آؤٹ مرحلے میں پہنچ گئے
-
پاکستان اورنیوزی لینڈ کی کرکٹ ٹیموں کے درمیان چوتھا ٹی20 میچ (کل) قذافی سٹیڈیم لاہورمیں کھیلا جائے گا
-
پاکستان اور ویسٹ انڈیز کی کرکٹ ویمن ٹیموں کے درمیان پانچ ٹی ٹونٹی میچو کی سیریز کا آغاز 26 اپریل کو ہوگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.