حکمرانوں نے طالبان کیخلاف آپریشن کے لیے جواز بنانا ہے تو کھل کر سامنے آئیں‘مولانا سمیع الحق،طاقت کا استعمال بہت کچھ بہا لے جائیگا،حکومت ہوش کے ناخن لے جوش سے کام لیا گیا تو لینے کے دینے پڑ جائینگے،وزیراعظم ہاؤس کے ترجمان کا بیان حقائق کے منافی ہے ،آپریشن میں امریکی منشاء شامل ہے ‘ سربراہ جے یو آئی (س)
جمعرات 23 جنوری 2014 21:29
لاہور(اُردو پوائنٹ اخبار تازہ ترین۔23 جنوری ۔2014ء) جمعیت علمائے اسلام (س) کے سربراہ مولانا سمیع الحق نے کہا ہے کہ حکمرانوں نے طالبان کیخلاف آپریشن کے لیے جواز بنانا ہے تو کھل کر سامنے آئیں،مسئلے کا حل آپریشن ہوتا تو آٹھ سال پہلے امن بحال ہو چکا ہوتا طاقت کا استعمال بہت کچھ بہا لے جائے گا،حکومت ہوش کے ناخن لے جوش سے کام لیا گیا تو لینے کے دینے پڑ جائینگے،وزیراعظم ہاؤس کے ترجمان کا بیان حقائق کے منافی ہے ۔
نجی ٹی وی سے گفتگو اور اپنے ایک بیان میں مولانا سمیع الحق نے حکومت کی جانب سے وضاحتی بیان پر ردعمل ظاہر کرتے ہوئے کہا کہ حکومت کی جانب سے اس وضاحت کے بعد طالبان سے مذاکرات میں حکومت کی سنجیدگی کا اندازہ لگایا جا سکتا ہے اور تو اور خود وزیر اعظم محمد نواز شریف ان سے ملاقات کے بعد ان کی کوئی بھی ٹیلیفون کال لینا گوارہ نہیں کی۔(جاری ہے)
وزیر اعظم محمد نواز شریف سے ملاقات کے بعد وزیر اعظم ہاؤس سے کیا ہدایات جاری ہوئیں یہ سب ریکارڈ پر ہیں۔
مولانا سمیع الحق نے واضح کیا کہ حکمرانوں نے آپریشن کے لیے جواز بنانا ہے تو کھل کر سامنے آئیں مسئلے کا حل آپریشن ہوتا تو آٹھ سال پہلے امن بحال ہو چکا ہوتا، طاقت کا استعمال بہت کچھ بہا لے جائے گا۔ حکومت ہوش کے ناخن لے جوش سے کام لیا گیا تو لینے کے دینے پڑ جائیں گے۔ طالبان کے خلاف آپریشن امریکی ایجنڈے کا حصہ ہے اس ممکنہ آپریشن کا ردعمل بھی ہو گا، طالبان کو کچلنے والوں کے مقاصد سب کے سامنے ہیں۔مولانا سمیع الحق کا مزید کہنا ہے کہ طالبان سے مذاکرات کے حوالے سے وزیراعظم سے ملاقات میں کیا ذمہ داری ملی تمام چیزیں ریکارڈ پرموجود ہیں۔ مولانا سمیع الحق نے کہا کہ دوسری جانب سے اسی روز جواب آ گیا تھا لیکن وزیراعظم نوازشریف سے رابطہ کیلئے تین ہفتہ سے ٹیلی فون کررہا ہوں مگر کسی کی جانب سے کوئی جواب موصول نہیں ہوا۔ مولانا سمیع الحق نے کہا کہ طالبان کے خلاف آپریشن امریکی منشا ء کا حصہ ہے۔مزید اہم خبریں
-
امریکی محکمہ خارجہ نے دنیا بھر میں انسانی حقوق کی صورتِ حال پر سالانہ رپورٹ جاری کر دی
-
ایرانی میزائلوں نے کس طرح اسرائیلی کثیر الجہتی، مربوط خودکار فضائی دفاعی نظام کے حصار کو کیسے توڑا؟ حملہ کتنا کامیاب رہا سیٹلائٹ تصاویر سے جائزہ
-
ٹک ٹاک کی نئی ایپ پر یورپی یونین کا کمپنی کو الٹی میٹم
-
شوہر نے پیسے نہ دینے پر بیوی کی ناک اور کان کاٹ دیئے
-
شہریوں کو آئین و قانون کے تحت دستیاب سہولیات سے روگردانی نہیں ، لاپتہ افراد کے مسئلہ کا سیاسی حل بھی نکالناہو گا، سینیٹر اعظم نذیر تارڑ
-
علی گڑھ مسلم یونیورسٹی کی تاریخ میں پہلی خاتون وائس چانسلر
-
بشریٰ بی بی کی تشویشناک حد تک بگڑتی صحت سنجیدگی کی متقاضی ہے، چیئرمین پی ٹی آئی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
اٹک ،پب جی گیم نے دوست کے ہاتھوں دوست کا قتل کروا دیا،ملزم گرفتار
-
بشریٰ بی بی مکمل فٹ قرار، طبی رپورٹ اعلیٰ حکام کو ارسال
-
پاکستان کو 1.1 ارب ڈالرقسط کی منظوری کیلئے آئی ایم ایف بورڈ اجلاس 29 اپریل کو ہوگا
-
جون تک زرمبادلہ کے ذخائر9 سے 10 ارب ڈالرتک پہنچ جائیں گے، محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.